طبیعت کوئی دن میں بھر جائے گی

طبیعت کوئی دن میں بھر جائے گی

چڑھی ہے یہ آندھی اتر جائے گی

رہیں گی دم مرگ تک خواہشیں

یہ نیت کوئی آج بھر جائے گی

رہے پیروی ہجر ہو یا وصال

کہ اک بات آخر ٹھہر جائے گی

محبت میں اے دل نہ ڈر سر پہ کھیل

وہ بازی نہیں یہ کہ ہر جائے گی

نہ گزری شب ہجر سمجھے تھے ہم

تڑپتے پھڑکتے گزر جائے گی

دیا دل تو اے داغؔ اندیشہ کیا

گزرنی جو ہوگی گزر جائے گی

tabiat koi din mein bhar jaegi

charhi hai ye andhi utar jaegi

rahengi dam-e-marg tak khwahishen

ye niyyat koi aj bhar jaegi

rahe pairawi hijr ho ya wisal

ke ik bat akhir thahar jaegi

mohabbat mein ai dil na dar sar pe khel

wo bazi nahin ye ke har jaegi

na guzri shab-e-hijr samjhe the ham

tarapte pharakte guzar jaegi

diya dil to ai dagh andesha kya

guzarni jo hogi guzar jaegi