شوق ہے اس کو خود نمائی کا

شوق ہے اس کو خود نمائی کا

اب خدا حافظ اس خدائی کا

ہنسی آتی ہے اپنے رونے پر

اور رونا ہے جگ ہنسائی کا

اور تو ہم کو کچھ نہیں آتا

کام کرتے ہیں آشنائی کا

دل ترا صاف ہو نہیں سکتا

ہیچ ہے محکمہ صفائی کا

بت کدہ کی جو سیر کی ہم نے

کارخانہ ہے اک خدائی کا

گرچہ پہنچا ہوں میں کہیں سے کہیں

مرحلہ دور ہے رسائی کا

نہ رہا لطف اس زمانے میں

میرزا داغؔ میرزائی کا

shauq hai us ko khud numai ka

ab khuda hafiz is khudai ka

hansi ati hai apne rone par

aur rona hai jag hansai ka

aur to ham ko kuchh nahin ata

kam karte hain ashnai ka

dil tira saf ho nahin sakta

hech hai mahkama safai ka

but kada ki jo sair ki ham ne

karkhana hai ik khudai ka

garche pahuncha hun main kahin se kahin

marhala dur hai rasai ka

na raha lutf is zamane mein

mirza-e-dagh mirzai ka