آہ اے یار کیا کروں تجھ بن

آہ اے یار کیا کروں تجھ بن

نالۂ زار کیا کروں تجھ بن

ایک دم بھی نہیں قرار مجھے

اے ستم گار کیا کروں تجھ بن

ہوں تری چشم مست کا مشتاق

جام سرشار کیا کروں تجھ بن

گو بہار آئی باغ میں لیکن

سیر گلزار کیا کروں تجھ بن

دل ہے بیتاب چشم ہے بے خواب

جان بیدارؔ کیا کروں تجھ بن

ah ai yar kya karun tujh bin

nala-e-zar kya karun tujh bin

ek dam bhi nahin qarar mujhe

ai sitam gar kya karun tujh bin

hun tiri chashm-e-mast ka mushtaq

jam-e-sarshar kya karun tujh bin

go bahar ai bagh mein lekin

sair gulzar kya karun tujh bin

dil hai betab chashm hai be khwab

jan bedar kya karun tujh bin