آہ ملتے ہی پھر جدائی کی

آہ ملتے ہی پھر جدائی کی

واہ کیا خوب آشنائی کی

نہ گئی تیری سرکشی ظالم

ہم نے ہر چند جبہ سائی کی

دل نہیں اپنے اختیار میں آج

کیا مگر تو نے آشنائی کی

در پہ اے یار تیرے آ پہنچے

تپش دل نے رہنمائی کی

قابل سجدہ تو ہی ہے اے بت

سیر کی ہم نے سب خدائی کی

جو مقید ہیں تیری الفت کے

آرزو کب انہیں رہائی کی

جی میں بیدارؔ کھپ گئی میرے

خندق اس پنجۂ حنائی کی

ah milte hi phir judai ki

wah kya khub ashnai ki

na gai teri sarkashi zalim

ham ne har chand jubba sai ki

dil nahin apne ikhtiyar mein aj

kya magar tu ne ashnai ki

dar pe ai yar tere a pahunche

tapish-e-dil ne rahnumai ki

qabil-e-sajda tu hi hai ai but

sair ki ham ne sab khudai ki

jo muqayyad hain teri ulfat ke

arzu kab unhen rihai ki

ji mein bedar khap gai mere

khandaq is panja-e-hinai ki