صفاۓ حیرت آئینہ ہے سامان زنگ آخر

صفاۓ حیرت آئینہ ہے سامان زنگ آخر

تغیر آب بر جا ماندہ کا پاتا ہے رنگ آخر

نہ کی سامان عیش و جاہ نے تدبیر وحشت کی

ہوا جام زمرد بھی مجھے داغ پلنگ آخر

خط نوخیز نیل چشم زخم صافیٔ عارض

لیا آئینہ نے حرز پر طوطی بچنگ آخر

ہلال آسا تہی رہ گر کشادن ہائے دل چاہے

ہوا مہ کثرت سرمایہ اندوزی سے تنگ آخر

تڑپ کر مر گیا وہ صید بال افشاں کہ مضطر تھا

ہوا ناسور چشم تعزیت چشم خدنگ آخر

لکھی یاروں کی بد مستی نے میخانے کی پامالی

ہوئی قطرہ فشانی ہائے مے باران سنگ آخر

اسدؔ پردے میں بھی آہنگ شوق یار قائم ہے

نہیں ہے نغمے سے خالی خمیدن ہائے چنگ آخر

safa-e-hairat-e-aina hai saman-e-zang akhir

taghayyur ab bar ja manda ka pata hai rang akhir

na ki saman-e-aish-o-jah ne tadbir wahshat ki

hawa jam-e-zamurrad bhi mujhe dagh-e-palang akhir

khat-e-naukhez nil-e-chashm-e-zakhm-e-safi-e-ariz

liya aina ne hirz par tuti bachnag akhir

hilal asa tahi rah gar kashadn hae dil chahe

hawa mah kasrat-e-sarmaya andozi se tang akhir

tarap kar mar gaya wo said-e-bal afshan ke muztar tha

hawa nasur-e-chashm-e-taaziyat chashm-e-khadang akhir

likhi yaron ki bad masti ne maikhane ki pamali

hui qatra fishani ha-e-mai baran-e-sang akhir

asad parde mein bhi ahang-e-shauq-e-yar qaim hai

nahin hai naghme se khali khamidin hae chang akhir