صنم کے دیکھ کر لب اور دہن سرخ

صنم کے دیکھ کر لب اور دہن سرخ

ہوا ہے خون بلبل سے چمن سرخ

شہید لالہ رویاں کو بجا ہے

دفن کے وقت گر کیجے کفن سرخ

ہوا مجنوں کے حق میں دشت گل زار

کیا ہے عشق کے ٹیسو نے بن سرخ

گلوں کا رنگ اب زرد ہو گیا ہے

چمن میں دیکھ کر تیرا بدن سرخ

کر حاتمؔ یاد احوال شہیداں

شفق سے جب کہ ہوتا ہے گگن سرخ

sanam ke dekh kar lab aur dahan surkh

hua hai khun-e-bulbul se chaman surkh

shahid-e-lala rawiyan ko baja hai

dafn ke waqt gar kije kafan surkh

hawa majnun ke haq mein dasht-e-gul zar

kya hai ishq ke tesu ne ban surkh

gulon ka rang ab zard ho gaya hai

chaman mein dekh kar tera badan surkh

kar hatim yad ahwal shahidan

shafaq se jab ke hota hai gagan surkh