صنم ہزار ہوا تو وہی صنم کا صنم

صنم ہزار ہوا تو وہی صنم کا صنم

کہ اصل ہستی نابود ہے عدم کا عدم

اسی جہان میں گویا مجھے بہشت ملی

اگر رکھو گے مرے پر یہی کرم کا کرم

ابھی تو تم نے کئے تھے ہماری جاں بخشی

پھر ایک دم میں وہی نیمچا علم کا علم

وو گل بدن کا عجب ہے مزاج رنگا رنگ

فجر کوں لطف تو پھر شام کوں ستم کا ستم

نہ رکھ سراجؔ کسی خوب رو سیں چشم وفا

صنم ہزار ہوا تو وہی صنم کا صنم

sanam hazar hua to wahi sanam ka sanam

ke asl-e-hasti nabud hai adam ka adam

isi jahan mein goya mujhe bahisht mili

agar rakhoge mire par yahi karam ka karam

abhi to tum ne kiye the hamari jan bakhshi

phir ek dam mein wahi nimcha alam ka alam

wo gul badan ka ajab hai mizaj ranga rang

fajr kun lutf to phir sham kun sitam ka sitam

na rakh siraj kisi khub ru sin chashm-e-wafa

sanam hazar hua to wahi sanam ka sanam