صنم جب چیرۂ زر تار باندھے

صنم جب چیرۂ زر تار باندھے

جھلک سیں کوچہ و بازار باندھے

ہزاروں تیغ بندوں کوں کرے قتل

خم ابرو کی جب تلوار باندھے

جو دیکھے ایک دم زاہد تری زلف

گلے میں زہد کا زنار باندھے

طلب کے عقدۂ مشکل کوں کھولے

جو کوشش کی کمر یکبار باندھے

جو کوئی غم کا حصار قلب چاہے

غبار آہ سیں دیوار باندھے

جو دیکھے گل رخوں کو کو لاابالی

بجا ہے گر لب اظہار باندھے

سراجؔ آنکھیں کیا ہے غیر سیں بند

کہ تا دل میں خیال یار باندھے

sanam jab chira-e-zar tar bandhe

jhalak sin kucha-o-bazar bandhe

hazaron tegh bandon kun kare qatl

kham-e-abru ki jab talwar bandhe

jo dekhe ek dam zahid tiri zulf

gale mein zohd ka zunnar bandhe

talab ke uqda-e-mushkil kun khole

jo koshish ki kamar yakbar bandhe

jo koi gham ka hisar-e-qalb chahe

ghubar-e-ah sin diwar bandhe

jo dekhe gul rukhon ko ko laubali

baja hai gar lab-e-izhar bandhe

siraj ankhen kya hai ghair sin band

ke ta dil mein khayal-e-yar bandhe