صدیوں فلاسفی کی چناں اور چنیں رہی

صدیوں فلاسفی کی چناں اور چنیں رہی

لیکن خدا کی بات جہاں تھی وہیں رہی

زور آزمائیاں ہوئیں سائنس کی بھی خوب

طاقت بڑھی کسی کی کسی میں نہیں رہی

دنیا کبھی نہ صلح پہ مائل ہوئی مگر

باہم ہمیشہ برسر پیکار و کیں رہی

پایا اگر فروغ تو صرف ان نفوس نے

جن کی کہ خضر راہ فقط شمع دیں رہی

اللہ ہی کی یاد بہرحال خلق میں

وجہ سکون خاطر اندوہ گیں رہی

sadiyon filasifi ki chunan aur chunen rahi

lekin khuda ki bat jahan thi wahin rahi

zor azmaiyan huin sains ki bhi khub

taqat barhi kisi ki kisi mein nahin rahi

duniya kabhi na sulh pe mail hui magar

baham hamesha barsar-e-paikar-o-kin rahi

paya agar farogh to sirf un nufus ne

jin ki ke khizr-e-rah faqat shama den rahi

allah hi ki yad bahrhal khalq mein

wajh-e-sukun-e-khatir-e-andoh-e-gin rahi