شور آہوں کا اٹھا نالہ فلک سا نکلا

شور آہوں کا اٹھا نالہ فلک سا نکلا

آج اس دھوم سے ظالم تیرا شیدا نکلا

یوں تو ہم تھے یوں ہی کچھ مثل انار و مہتاب

جب ہمیں آگ دکھائی تو تماشا نکلا

غم سے ہم بھانمتی بن کے جہاں بیٹھے تھے

اتفاقاً کہیں وہ شوخ بھی واں آ نکلا

سینے کی آگ دکھانے کو دہن سے اپنے

شعلے پر شعلہ بھبھوکے پہ بھبھوکا نکلا

مت شفق کہہ یہ ترا خون فلک پر ہے نظیرؔ

دیکھ ٹپکا تھا کہاں اور کہاں جا نکلا

shor ahon ka utha nala falak sa nikla

aj is dhum se zalim tera shaida nikla

yun to ham the yun hi kuchh misl-e-anar-o-mahtab

jab hamen ag dikhai to tamasha nikla

gham se ham bhanmati ban ke jahan baithe the

ittifaqan kahin wo shokh bhi wan a nikla

sine ki ag dikhane ko dahan se apne

shole par shola bhabhuke pe bhabhuka nikla

mat shafaq kah ye tira khun-e-falak par hai nazir

dekh tapka tha kahan aur kahan ja nikla