آگے کیا تم سا جہاں میں کوئی محبوب نہ تھا

آگے کیا تم سا جہاں میں کوئی محبوب نہ تھا

کیا تمہیں خوب بنے اور کوئی خوب نہ تھا

ان دنوں ہم سے جو وحشی کی طرح بھڑکو ہو

یہ تو ملنے کا تمہارے کبھو اسلوب نہ تھا

نامہ بر دل کی تسلی کے لیے بھیجوں ہوں

ورنہ احوال مرا قابل مکتوب نہ تھا

طاقت اب طاق ہوئی صبر و شکیبائی کی

کب تلک صبر کرے دل مرا ایوب نہ تھا

غلبۂ عشق نے حاتمؔ کو پچھاڑا آخر

زور میں اپنے وہ اتنا بھی تو مغلوب نہ تھا

age kya tum sa jahan mein koi mahbub na tha

kya tumhen khub bane aur koi khub na tha

in dinon ham se jo wahshi ki tarah bharko ho

ye to milne ka tumhare kabhu uslub na tha

nama bar dil ki tasalli ke liye bhejun hun

warna ahwal mira qabil-e-maktub na tha

taqat ab taq hui sabr-o-shakebai ki

kab talak sabr kare dil mira ayyub na tha

ghalba-e-ishq ne hatim ko pachhara akhir

zor main apne wo itna bhi to maghlub na tha