شعور و ہوش و خرد کا معاملہ ہے عجیب

شعور و ہوش و خرد کا معاملہ ہے عجیب

مقامِ شوق میں ہیں سب دل و نظر کے رقیب

میں جانتا ہوں جماعت کا حشر کیا ہو گا

مسائلِ نظَری میں اُلجھ گیا ہے خطیب

اگرچہ میرے نشیمن کا کر رہا ہے طواف

مری نوا میں نہیں طائرِ چمن کا نصیب

سُنا ہے میں نے سخن رس ہے تُرکِ عثمانی

سُنائے کون اسے اقبالؔ کا یہ شعرِ غریب

سمجھ رہے ہیں وہ یورپ کو ہم جوار اپنا

ستارے جن کے نشیمن سے ہیں زیادہ قریب!

shuur-o-hosh-o-khirad ka muamla hai ajib

maqam-e-shauq mein hain sab dil-o-nazar ke raqib

main janta hun jamaat ka hashr kya hoga

masail-e-nazari mein ulajh gaya hai khatib

agarche mere nasheman ka kar raha hai tawaf

miri nawa mein nahin tair-e-chaman ka nasib

suna hai main ne sukhan ras hai tark-e-usmani

sunae kaun use iqbal ka ye sher-e-gharib

samajh rahe hain wo yorap ko ham jawar apna

sitare jin ke nasheman se hain ziyada qarib!