شفاخانہ حجاز

اک پیشوائے قوم نے اقبالؔ سے کہا

کھُلنے کو جدّہ میں ہے شفاخانۂ حجاز

ہوتا ہے تیری خاک کا ہر ذرّہ بے قرار

سُنتا ہے تُو کسی سے جو افسانۂ حجاز

دستِ جُنوں کو اپنے بڑھا جیب کی طرف

مشہور تُو جہاں میں ہے دیوانۂ حجاز

دارالشّفا حوالیِ بطحا میں چاہیے

نبضِ مریض پنجۂ عیسیٰ میں چاہیے

مَیں نے کہا کہ موت کے پردے میں ہے حیات

پوشیدہ جس طرح ہو حقیقت مجاز میں

تلخابۂ اجل میں جو عاشق کو مِل گیا

پایا نہ خِضر نے مئے عمرِ دراز میں

اوروں کو دیں حضور! یہ پیغامِ زندگی

مَیں موت ڈھُونڈتا ہوں زمینِ حجاز میں

آئے ہیں آپ لے کے شفا کا پیام کیا

رکھتے ہیں اہلِ درد مسیحا سے کام کیا!

ik peshwae qaum ne iqbal se kaha

khulne ko jidda mein hai shifakhana-e-hijaz

hota hai teri khak ka har zarra be qarar

sunta hai tu kisi se jo afsana-e-hijaz

dast-e-junun ko apne barha jeb ki taraf

mashhur tu jahan mein hai diwana-e-hijaz

darulshshifa hawali-e-batha mein chahiye

nabz-e-mariz-e-panja-e-isa mein chahiye

main ne kaha ke maut ke parde mein hai hayat

poshida jis tarah ho haqiqat majaz mein

talkhaba-e-ajal mein jo ashiq ko mil gaya

paya na khizr ne mai-e-umr-e-daraz mein

auron ko den huzur! ye paigham-e-zindagi

main maut dhundta hun zamin-e-hijaz mein

ae hain ap le ke shifa ka payam kya

rakhte hain ahl-e-dard masiha se kam kya!