شاعر

تو فقط جسم کے زخموں پہ تڑپ جاتا ہے

میں ہر اک قلب میں سو زخم نہاں پاتا ہوں

تو فقط رنگ کا دیوانہ ہے بو کا شیدا

میں رگ گل میں بھی بلبل کا لہو پاتا ہوں

تو فقط دل کی تڑپ رکھتا ہے سینے میں نہاں

میں تڑپتا بھی ہوں اور تجھ کو بھی تڑپاتا ہوں

تو فقط چلتا ہے منزل تجھے معلوم نہیں

میں تجھے راہ عمل بیٹھ کے دکھلاتا ہوں

تجھ کو انسان کی باتیں بھی سمجھنا ہے محال

میں ہر اک شے میں تکلم کی ادا پاتا ہوں

مسجد و منبر و محراب کا پابند ہے تو

میں ہر اک ذرہ میں تنویر خدا پاتا ہوں

tu faqat jism ke zakhmon pe tarap jata hai

main har ik qalb mein so zakhm-e-nihan pata hun

tu faqat rang ka diwana hai bu ka shaida

main rag-e-gul mein bhi bulbul ka lahu pata hun

tu faqat dil ki tarap rakhta hai sine mein nihan

main tarapta bhi hun aur tujh ko bhi tarapita hun

tu faqat chalta hai manzil tujhe maalum nahin

main tujhe rah-e-amal baith ke dikhlata hun

tujh ko insan ki baten bhi samajhna hai muhal

main har ik shai mein takallum ki ada pata hun

masjid-o-mimbar-o-mehrab ka paband hai tu

main har ik zarra mein tanwir khuda pata hun