سینے پہ کتنے داغ لیے پھر رہا ہوں میں

سینے پہ کتنے داغ لیے پھر رہا ہوں میں

زخموں کا ایک باغ لیے پھر رہا ہوں میں

ڈر ہے کہ تیرگی میں قدم ڈگمگا نہ جائے

اک شہر بے چراغ لیے پھر رہا ہوں میں

ساقی نہ پوچھ آج کے شیشہ گروں کا حال

ٹوٹا ہوا ایاغ لیے پھر رہا ہوں میں

کیا جانے کس کے نام ہے یہ نامۂ کرم

ملتا نہیں سراغ لیے پھر رہا ہوں میں

پوچھے نہ جس کو حال نہ مستقبل حسیں

ماضی کا وہ دماغ لیے پھر رہا ہوں میں

نیرؔ ہو ایسے دور میں کیا روشنی کی بات

بن تیل کا چراغ لیے پھر رہا ہوں میں

sine pe kitne dagh liye phir raha hun main

zakhmon ka ek bagh liye phir raha hun main

dar hai ke tirgi mein qadam dagmaga na jae

ik shahr-e-be charagh liye phir raha hun main

saqi na puchh aj ke shisha garon ka hal

tuta hua ayagh liye phir raha hun main

kya jane kis ke nam hai ye nama-e-karam

milta nahin suragh liye phir raha hun main

puchhe na jis ko hal na mustaqbil-e-hasin

mazi ka wo dimagh liye phir raha hun main

nayar ho aise daur mein kya raushni ki bat

ban tel ka charagh liye phir raha hun main