شام

سورج ڈوبا ہوا اندھیرا

چڑیاں لینے لگیں بسیرا

دن کا غائب ہوا اجالا

تاریکی نے پردہ ڈالا

جلنے لگے دیے گھر گھر میں

گرجا مسجد اور مندر میں

چرخ بریں پر چمکے تارے

بے روغن ہیں روشن سارے

جنگل سے گھر آئے گوالے

ریوڑ اپنا اپنا سنبھالے

جا پہنچے مزدور گھروں میں

خوش خوش ہیں بیوی بچوں میں

دن میں کب آرام کیا ہے

خون پسینہ ایک کیا ہے

نیند میں غافل ہو گئے بچے

سو گئے لوری سنتے سنتے

suraj duba hua andhera

chiriyan lene lagen basera

din ka ghaib hua ujala

tariki ne parda dala

jalne lage diye ghar ghar mein

garja masjid aur mandir mein

charkh-e-barin par chamke tare

be roghan hain raushan sare

jangal se ghar ae gawale

rewar apna apna sambhale

ja pahunche mazdur gharon mein

khush khush hain biwi bachchon mein

din mein kab aram kya hai

khun pasina ek kya hai

nind mein ghafil ho gae bachche

so gae lori sunte sunte