Arooz is now on the App Store, for iPhone and iPad. Download →

شعرائے قوم سے خطاب

شاہ دین ہمایوں

اے شاعران قوم زمانہ بدل گیا

پر مثل زلف یار تمہارا نہ بل گیا

پیٹو گے کب تلک سر رہ تم لکیر کو

بجلی کی طرح سانپ تڑپ کر نکل گیا

اٹھو وگرنہ حشر نہیں ہوگا پھر کبھی

دوڑو زمانہ چال قیامت کی چل گیا

اک تم کہ جم گئے ہو جمادات کی طرح

اک وہ کہ گویا تیر کماں سے نکل گیا

ہاں ہاں سنبھالو قوم کو شاید سنبھل ہی جائے

گر گر کے ملک ہند کچھ آخر سنبھل گیا