آیا پیا شراب کا پیالا پیا ہوا

آیا پیا شراب کا پیالا پیا ہوا

دل کے دیے کی جوت سیں کاجل دیا ہوا

آیا ہے میرے قتل پہ درپیش بے طرح

آیا ہے مجھ کوں پیش وو اپنا کیا ہوا

مارا ہوا ہے خضر محبت کی تیغ کا

آب حیات شوق سیں تیرے جیا ہوا

بیٹھا ہے تخت شوق پہ جو ہو کے بے ریا

وو پادشاہ بارگہہ کبریا ہوا

نکلا ہے دل جلا کے مجھ آنکھوں سے طفل اشک

اس شوخ بے جگر کا دیکھو کیا ہیا ہوا

دل لے گیا ہے مجھ کوں دے امید دل دہی

ظالم کبھی تو لائے گا میرا لیا ہوا

نہیں جب سیں پاس شاہد گلگوں قبا سراجؔ

جی پر ہے تنگ جسم کا جامہ سیا ہوا

aya piya sharab ka piyala piya hua

dil ke diye ki jot sin kajal diya hua

aya hai mere qatl pe darpesh be tarah

aya hai mujh kun pesh-e-wo apna kya hua

mara hua hai khizr mohabbat ki tegh ka

ab-e-hayat shauq sin tere jiya hua

baitha hai takht-e-shauq pe jo ho ke be riya

wo padshah bargah-e-kibriya hua

nikla hai dil jala ke mujh ankhon se tifl-e-ashk

us shokh be jigar ka dekho kya haya hua

dil le gaya hai mujh kun de ummid-e-dil dahi

zalim kabhi to laega mera liya hua

nahin jab sin pas shahid gulgun qaba siraj

ji par hai tang jism ka jama siya hua