شربت وصل پلا جا لب شیریں کی قسم

شربت وصل پلا جا لب شیریں کی قسم

جان جاتا ہے مرا سورۂ یٰسیں کی قسم

دیکھ مجھ حال کوں اے تازہ بہار خوبی

اشک رنگیں ہیں رواں دامن گلچیں کی قسم

مکتب عشق میں آ عقل کی تختی دھوناں

راست ہے یہ سخن استاد کی تلقیں کی قسم

شیشۂ خاطر نازک کوں مرے مت کر چور

اے ستم گر تجھے اپنے دل سنگیں کی قسم

اشک ہے تیل شب ہجر میں اے جان سراجؔ

ہر پلک حسرت زیتون ہے والتیں کی قسم

sharbat-e-wasl pila ja lab-e-shirin ki qasam

jan jata hai mira sura-e-asin ki qism

dekh mujh hal kun ai taza bahar-e-khubi

ashk rangin hain rawan daman-e-gulchin ki qasam

maktab-e-ishq mein a aql ki takhti dhonan

rast hai ye sukhan ustad ki talqin ki qasam

shisha-e-khatir-e-nazuk kun mire mat kar chur

ai sitam gar tujhe apne dil sangin ki qasam

ashk hai tel shab-e-hijr mein ai jan siraj

har palak hasrat zaitun hai waltin ki qasam