سلیمی

جس کی نمود دیکھی چشمِ ستارہ بیں نے

خورشید میں، قمر میں، تاروں کی انجمن میں

صُوفی نے جس کو دل کے ظُلمت کدے میں پایا

شاعر نے جس کو دیکھا قُدرت کے بانکپن میں

جس کی چمک ہے پیدا، جس کی مہک ہویدا

شبنم کے موتیوں میں، پھُولوں کے پیرہن میں

صحرا کو ہے بسایا جس نے سکُوت بن کر

ہنگامہ جس کے دم سے کاشانۂ چمن میں

ہر شے میں ہے نمایاں یوں تو جمال اس کا

آنکھوں میں ہے سُلَیمیٰ! تیری کمال اس کا

jis ki numud dekhi chashm-e-sitara bin ne

khurshid mein, qamar mein, taron ki anjuman mein

sufi ne jis ko dil ke zulmat kade mein paya

shayar ne jis ko dekha qudrat ke bankpan mein

jis ki chamak hai paida, jis ki mahak huwaida

shabnam ke motiyon mein, phulon ke pairahan mein

sahra ko hai basaya jis ne sukut ban kar

hangama jis ke dam se kashana-e-chaman mein

har shai mein hai numayan yun to jamal us ka

ankhon mein hai sulaima! teri kamal us ka