سورج کی شفق دامن آفاق میں گم ہے

سورج کی شفق دامن آفاق میں گم ہے

نیرنگ شقی مظہر اشراق میں گم ہے

مفہوم ازل آج کا انسان نہ سمجھا

عنوان اجل لذت تریاق میں گم ہے

گہوارہ تہذیب میں جو پل کے جواں ہو

گم اُس میں ہے اخلاق وہ اخلاق میں گم ہے

یہ سوچ کے بڑھ جائیے احساس کی حد سے

دوزخ کی تپش شعلۂ احراق میں گم ہے

کاشانہ ہستی یہ ہیں عفریت کے سائے

قرآن کی حرمت جو ابھی طاق میں میں گم ہے

انجم وہ جتاتا نہیں احسان کسی پر

کیا ضبط قوی خوبی اشفاق میں گم ہے

suraj ki shafaq daman-e-afaq mein gum hai

nairang-e-shaqi mazhar ishraq mein gum hai

mafhum-e-azal aj ka insan na samjha

unwan-e-ajal lazzat-e-tiryaq mein gum hai

gahwara tahzib mein jo pal ke jawan ho

gum us mein hai akhlaq wo akhlaq mein gum hai

ye soch ke barh jaiye ehsas ki had se

dozakh ki tapish shola-e-ehraq mein gum hai

kashana-e-hasti ye hain ifrit ke sae

quran ki hurmat jo abhi taq mein main gum hai

anjum wo jatata nahin ehsan kisi par

kya zabt qawi khubi ishfaq mein gum hai