سوال وصل پہ عذر وصال کر بیٹھے

سوال وصل پہ عذر وصال کر بیٹھے

وہ کس خیال سے ایسا خیال کر بیٹھے

اب آؤ مان بھی جاؤ جو کچھ ہوا وہ ہوا

ذرا سی بات کا اتنا ملال کر بیٹھے

ہم اٹھتے بیٹھتے بھی ان کے پاس ڈرتے ہیں

وہ اور کچھ نہ الٰہی خیال کر بیٹھے

وہ اس لیے مرے پہلو میں بیٹھتے ہی نہیں

کہ یہ کہیں نہ سوال وصال کر بیٹھے

sawal-e-wasl pe uzr-e-wisal kar baithe

wo kis khayal se aisa khayal kar baithe

ab ao man bhi jao jo kuchh hua wo hua

zara si bat ka itna malal kar baithe

ham uthte baithte bhi un ke pas darte hain

wo aur kuchh na ilahi khayal kar baithe

wo is liye mire pahlu mein baithte hi nahin

ke ye kahin na sawal-e-wisal kar baithe