سوراج

ہے کل کی ابھی بات کہ تھے ہند کے سرتاج

دیتے تھے تمہیں آ کے سلاطین زمن باج

کیا رنگ زمانے نے یہ بدلا ہے کہ تم کو

دنیا کی ہر اک قوم سمجھتی ہے ذلیل آج

دامان نگہ جس کی فضا کے لئے تھا تنگ

وہ باغ ہوا دیکھتے ہی دیکھتے تاراج

جب تک رہے تم دست نگر اپنے خدا کے

ہونے نہ دیا اس نے تمہیں غیر کا محتاج

جو ہو گئے اس کے وہ ہوا ان کا نگہباں

اس کی ہے جنہیں شرم ہے ان کی بھی اسے لاج

مٹ جاؤ مگر حق کو نہ مٹتے ہوئے دیکھو

سیکھو یہ روش گر تمہیں لینا ہے سوراج

hai kal ki abhi bat ke the hind ke sartaj

dete the tumhen a ke salatin zaman baj

kya rang zamane ne ye badla hai ke tum ko

duniya ki har ik qaum samajhti hai zalil aj

daman-e-nigah jis ki faza ke liye tha tang

wo bagh hua dekhte hi dekhte taraj

jab tak rahe tum dast nagar apne khuda ke

hone na diya us ne tumhen ghair ka mohtaj

jo ho gae us ke wo hua un ka nigahban

us ki hai jinhen sharm hai un ki bhi use laj

mit jao magar haq ko na mitte hue dekho

sikho ye rawish gar tumhen lena hai soraj