سنیما

وہی بُت فروشی، وہی بُت گری ہے

سنیما ہے یا صنعتِ آزری ہے

وہ صنعت نہ تھی، شیوۂ کافری تھا

یہ صنعت نہیں، شیوۂ ساحری ہے

وہ مذہب تھا اقوامِ عہدِ کُہَن کا

یہ تہذیبِ حاضر کی سوداگری ہے

وہ دُنیا کی مٹّی، یہ دوزخ کی مٹّی

وہ بُت خانہ خاکی، یہ خاکستری ہے

wahi but faroshi, wahi but giri hai

sanima hai ya sanat-e-azari hai

wo sanat na thi, shewa-e-kafiri tha

ye sanat nahin, shewa-e-sahiri hai

wo mazhab tha aqwam-e-ahd-e-kuhan ka

ye tahzib-e-hazir ki saudagri hai

wo duniya ki mitti, ye dozakh ki mitti

wo but khana khaki, ye khakistari hai