سوامی رام تیر تھ

ہم بغَل دریا سے ہے اے قطرۂ بے تاب تو

پہلے گوہر تھا، بنا اب گوہرِ نایاب تو

آہ! کھولا کس ادا سے تو نے رازِ رنگ و بو

میں ابھی تک ہوں اسیرِ امتیازِ رنگ و بو

مِٹ کے غوغا زندگی کا شورشِ محشر بنا

یہ شرارہ بُجھ کے آتش خانۂ آزر بنا

نفیِ ہستی اک کرشمہ ہے دلِ آگاہ کا

’لا‘ کے دریا میں نہاں موتی ہے ’الاّاللہ‘ کا

چشمِ نابینا سے مخفی معنیِ انجام ہے

تھم گئی جس دم تڑپ، سیماب سیمِ خام ہے

توڑ دیتا ہے بُتِ ہستی کو ابراہیمِ عشق

ہوش کا دارُو ہے گویا مستیِ تسنیمِ عشق

ham baghal dariya se hai ai qatra-e-be tab to

pahle gauhar tha, bana ab gauhar-e-nayab to

ah! khola kis ada se tu ne raz-e-rang-o-bu

main abhi tak hun asir-e-imtiyaz-e-rang-o-bu

mit ke ghaugha zindagi ka shorish-e-mahshar bana

ye sharara bujh ke atish khana-e-azar bana

nafi-e-hasti ik karishma hai dil-e-agah ka

'la' ke dariya mein nihan moti hai 'illaallah' ka

chashm-e-nabina se makhfi maani-e-anjam hai

tham gai jis dam tarap, simab sim-e-kham hai

tor deta hai but-e-hasti ko ibrahim-e-ishq

hosh ka daru hai goya masti-e-tasnim-e-ishq