سراپا رہن عشق و نا گزیر الفت ہستی

سراپا رہن عشق و نا گزیر الفت ہستی

عبادت برق کی کرتا ہوں اور افسوس حاصل کا

بقدر ظرف ہے ساقی خمار تشنہ کامی بھی

جو تو دریاۓ مے ہے تو میں خمیازہ ہوں ساحل کا

ز بس خوں گشتۂ رشک وفا تھا وہم بسمل کا

چرایا زخم ہائے دل نے پانی تیغ قاتل کا

نگاۂ چشم حاسد وام لے اے ذوق خود بینی

تماشائی ہوں وحدت خانۂ آئینۂ دل کا

شرر فرصت نگہ سامان یک عالم چراغاں ہے

بہ قدر رنگ یاں گردش میں ہے پیمانہ محفل کا

سراسر تاختن کو شش جہت یک عرصہ جولاں تھا

ہوا واماندگی سے رہ رواں کی فرق منزل کا

مجھے راہ سخن میں خوف گم راہی نہیں غالب

عصاۓ خضر صحراۓ سخن ہے خامہ بے دل کا

sarapa rahan-e-ishq-o-na guzir ulfat-e-hasti

ibadat barq ki karta hun aur afsos hasil ka

baqadr-e-zarf hai saqi khumar-e-tishna kami bhi

jo tu dariya-e-mai hai to main khamyaza hun sahil ka

ze bas khun gashta-e-rashk-e-wafa tha wahm bismil ka

churaya zakhm ha-e-dil ne pani tegh-e-qatil ka

nigah-e-chashm-e-hasid wam le ai zauq-e-khud bini

tamashai hun wahdat khana-e-aina-e-dil ka

sharar fursat nigah saman-e-yak alam charaghan hai

ba qadar-e-rang yan gardish mein hai paimana mahfil ka

sarasar takhutan ko shash jihat yak arsa jaulan tha

hawa wamandagi se rah rawan ki farq manzil ka

mujhe rah-e-sukhan mein khauf gum rahi nahin ghalib

asa-e-khizr-e-sahra-e-sukhan hai khama be dil ka