سخن کو رتبہ ملا ہے مری زباں کیلئے
محسن کاکورویسخن کو رتبہ ملا ہے مری زباں کیلئے
زباں ملی ہے مجھے نعت کے بیاں کیلئے
زمیں بنائی گئی کس کے آستاں کیلئے
کہ لا مکاں بھی اٹھا سر و قد مکاں کیلئے
ترے زمانے کے باعث زمیں کی رونق ہے
ملا زمین کو رتبہ ترے زماں کیلئے
کمال اپنا دیا تیرے بدر عارض کو
کلام اپنا اتارا تری زباں کیلئے
نبی ہے نار ترے دشمنوں کے جلنے کو
بہشت وقف ترے عیش جاوداں کیلئے
تھی خوش نصیبی عرش بریں شب معراج
کہ اپنے سر پہ قدم شاہ مرسلاں کیلئے
نہ دی کبھی ترے عارض کو مہر سے تشبیہ
رہا یہ داغ قیامت تک آسماں کیلئے
عجب نہیں جو کہے تیرے فرش کو کوئی عرش
کہ لا مکاں کا شرف ہے ترے مکاں کیلئے
خدا کے سامنے محسن پڑھوں گا وصف نبی
سجے ہیں جھاڑ یہ باتوں کے لا مکاں کیلئے
sukhan ko rutba mila hai miri zaban kiliye
zaban mili hai mujhe naat ke bayan kiliye
zamin banai gai kis ke astan kiliye
ke la makan bhi utha sar-o-qad makan kiliye
tire zamane ke bais zamin ki raunaq hai
mila zamin ko rutba tire zaman kiliye
kamal apna diya tere badr ariz ko
kalam apna utara tiri zaban kiliye
nabi hai nar tire dushmanon ke jalne ko
bahisht waqf tire aish-e-jawedan kiliye
thi khush nasibi arsh-e-barin shab-e-meraj
ke apne sar pe qadam shah mursalan kiliye
na di kabhi tire ariz ko mehr se tashbih
raha ye dagh qayamat tak asman kiliye
ajab nahin jo kahe tere farsh ko koi arsh
ke la makan ka sharaf hai tire makan kiliye
khuda ke samne mohsin parhunga wasf-e-nabi
saje hain jhar ye baton ke la makan kiliye