آپ جن کے قریب ہوتے ہیں
نوح نارویآپ جن کے قریب ہوتے ہیں
وہ بڑے خوش نصیب ہوتے ہیں
جب طبیعت کسی پر آتی ہے
موت کے دن قریب ہوتے ہیں
مجھ سے ملنا پھر آپ کا ملنا
آپ کس کو نصیب ہوتے ہیں
ظلم سہہ کر جو اف نہیں کرتے
ان کے دل بھی عجیب ہوتے ہیں
عشق میں اور کچھ نہیں ملتا
سیکڑوں غم نصیب ہوتے ہیں
نوحؔ کی قدر کوئی کیا جانے
کہیں ایسے ادیب ہوتے ہیں
ap jin ke qarib hote hain
wo bare khush nasib hote hain
jab tabiat kisi par ati hai
maut ke din qarib hote hain
mujh se milna phir ap ka milna
ap kis ko nasib hote hain
zulm sah kar jo uf nahin karte
un ke dil bhi ajib hote hain
ishq mein aur kuchh nahin milta
saikron gham nasib hote hain
nuh ki qadr koi kya jane
kahin aise adib hote hain