سر چشم صبر دل دیں تن مال جان آٹھوں

سر چشم صبر دل دیں تن مال جان آٹھوں

صدقہ کئی ہیں تم پر لو مہربان آٹھوں

سج دھج نگہ اکڑ چھب حسن و ادا و شوخی

نام خدا ہیں تجھ میں اے نوجوان آٹھوں

فردنگ و چنگ و نے دف بین و رباب و سرنی

ہم ساز و ہم نوا ہیں لیتے ہیں تان آٹھوں

ساتوں سروں میں مطرب گت بھی یہ گتھ رہے ہیں

ہیں سم پہ آ ٹھہرتے یکجا ندان آٹھوں

رخ خال و زلف و خط لب دنداں ذقن زنخداں

اس کے ہیں اپنے دشمن انشاؔ ہر آن آٹھوں

sar chashm-e-sabr dil den tan mal jan athon

sadqa kai hain tum par lo mehrban athon

saj dhaj nigah akkar chhab husn-o-ada-o-shokhi

nam-e-khuda hain tujh mein ai naujawan athon

fardang-o-chang-o-ne daf bain-o-rabab-o-sarni

ham saz-o-ham nawa hain lete hain tan athon

saton saron mein mutrib gat bhi ye gath rahe hain

hain sam pe a thaharte yakja nidan athon

rukh khal-o-zulf-o-khat lab dandan zaqan zanakhdan

us ke hain apne dushman insha har an athon