سحر البیان

کروں پہلے توحید یزداں رقم

جھکا جس کے سجدے کو اول قلم

سر لوح پر رکھ بیاض جبیں

کہا: دوسرا کوئی تجھ سا نہیں

قلم پھر شہادت کی انگلی اٹھا

ہوا حرف زن یوں کہ: رب العلا!

نہیں کوئی تیرا، نہ ہوگا شریک

تری ذات ہے وحدہٗ لا شریک

پرستش کے قابل ہے تواے کریم!

کہ ہے ذات تیری غفور رحیم

رہ حمد میں تیری عزّ و جل!

تجھے سجدہ کرتا چلوں سر کے بل

وہ، الحق کہ ایسا ہی معبود ہے

قلم جو لکھے، اس سے افزود ہے

سبھوں کا وہی دین و ایمان ہے

یے دل ہیں تمام اور وہی جان ہے

تر و تازہ ہے اس سے گلزار خلق

وہ ابر کرم، ہے ہوا دار خلق

اگرچہ وہ بے فکر و غیّور ہے

ولے پرورش سب کی منظور ہے

کسی سے بر آوے نہ کچھ کام جاں

جو وہ مہرباں ہو، تو گل مہرباں

اگرچہ یہاں کیا ہے اور کیا نہیں

پر، اس بن تو کوئی کسی کا نہیں

موئے پر نہیں اس سے رفت و گزشت

اسی کی طرف سب کی ہے بازگشت

رہا کون اور کس کی بابت رہی

موئے اور جیتے وہی ہے وہی

نہاں سب میں، اور سب میں ہے آشکار

یہ سب اس کے عالم ہیں ہژدہ ہزار

ڈرے سب ہیں اس سے، وہی سب سے پیش

ہمیشہ سے ہے اور رہے گا ہمیش

چمن میں، ہے وحدت کے، یکتا وہ گل

کہ مشتاق ہیں اس کے سب جز و کُل

اسی سے ہے کعبہ، اسی سے کنشت

اسی کا ہے دوزخ، اسی کا بہشت

جسے چاہے جنت میں دیوے مقام

جسے چاہے دوزخ میں رکھے مدام

وہ ہے مالکُ الملک دنیا و دیں

ہے قبضے میں اس کے زمان و زمیں

سدا بے نمودوں کی اس سے نمود

دل بستگاں کی ہے اس سے کشود

اسی کی نظر سے ہے ہم سب کی دید

اسی کے سخن پر ہے سب کی شنید

وہی نور، ہے سب طرف جلوہ گر

اسی کے یہ ذرے ہیں شمس و قمر

نہیں اس سے خالی غرض کوئی شے

وہ کچھ شے نہیں، پر ہر اک شے میں ہے

نہ گوہر میں ہے وہ، نہ ہے سنگ میں

و لیکن چمکتا ہے ہر اک رنگ میں

وہ ظاہر میں ہر چند ظاہر نہیں

پہ، ظاہر کوئی، اس سے باہر نہیں

تامل سے کیجے اگر غور کچھ

تو سب کچھ وہی ہے، نہیں اور کچھ

اسی گل کی بو سے ہے خوش بو گلاب

پھرے ہے لیے ساتھ دریا، حباب

پر، اس جوش میں آ کے، بہنا نہیں

سمجھنے کی ہے بات، کہنا نہیں

قلم، گو زباں لاوے اپنی ہزار

لکھے کس طرح حمد پروردگار

کہ عاجز ہے یاں انبیا کی زباں

زبان قلم کو یہ قدرت کہاں!

اس عہدے سے کوئی بھی نکلا کہیں!

سوا عجز، درپیش یاں کچھ نہیں

وہ معبود یکتا، خدائے جہاں

کہ جس نے کیا ’’کن‘‘ میں کون و مکاں

دیا عقل و ادراک اس نے ہمیں

کیا خاک سے پاک اس نے ہمیں

پیمبر کو بھیجا ہمارے لیے

وصی اور امام اس نے پیدا کیے

جہاں کو انھوں نے دیا انتظام

برائی بھلائی سجھائی تمام

دکھائی انھوں نے ہمیں راہ راست

کہ تا، ہو نہ، اس راہ کی باز خواست

سو وہ کون سی راہ؟ شرع نبی

کہ رستے کو جنت کے سیدھی گئی

نعت حضرت رسالت پناہ کی

نبی کون، یعنی رسول کریم

نبوت کے دریا کا در یتیم

ہوا گو کہ ظاہر میں امی لقب

پہ، علم لدنی کھلا دل پہ سب

بغیر از لکھے، اور کیے بے رقم

چلے حکم پر اس کے لوح و قلم

ہوا علم دیں اس کا جو آشکار

گزشتہ ہوئے حکم، تقویم پار

اٹھا کفر اسلام ظاہر کیا

بتوں کو خدائی سے باہر کیا

کیا حق نے نبیوں کا سردار اسے

بنایا نبوت کا حق دار اسے

نبوت جو کی اس پہ حق نے تمام

لکھا: اشرفُ الناس، خیرُ الانام

بنایا سمجھ بوجھ کر خوب اسے

خدا نے کیا اپنا محبوب اسے

کروں اس کے رتبے کا کیا میں بیاں

کھڑے ہوں جہاں باندھ صف مرسلاں

مسیح اس کی خر گاہ کا پارہ دوز

تجلیٔ طور اس کی مشعل فروز

خلیل اس کے گلزار کا باغباں

سلیماں سے کئی مہر دار اس کے یاں

خضر اس کی سرکار کا آبدار

زرہ ساز داؤد سے دس ہزار

محمد کی مانند جگ میں نہیں

ہوا ہے نہ ایسا، نہ ہو گا کہیں

یہ تھی رمز، جو اس کے سایہ نہ تھا

کہ رنگ دوئی واں تک آیا نہ تھا

نہ ہونے کا سایے کا تھا یہ سبب

ہوا صَرف پوشش میں کعبے کی سب

وہ قد اس لیے تھا نہ سایہ فگن

کہ تھا گل وہ اک معجزے کا بدن

بنا سایہ اس کا لطیف اس قدر

نہ آیا لطافت کے باعث نظر

عجب کیا جو اس گل کا سایہ نہ ہو

کہ تھا وہ، گل قدرت حق کی بو

خوش آیا نہ، سایے کو، ہونا جدا

اسی نور حق کے رہا زیر پا

نہ ڈالی کسی شخص پر اپنی چھانو

کسی کا نہ منہ دیکھا، دیکھ اس کے پانو

وہ ہوتا زمیں گیر کیا فرش پر

قدم اس کے سایے کا تھا عرش پر

نہ ہونے کی سایے کے اک وجہ اور

مجھے خوب سوجھی، پہ ہے شرط غور

جہاں تک کہ تھے یاں کے اہل نظر

سمجھ مایۂ نور، کحلُ البصر

سبھوں نے لیا پتلیوں پر اٹھا

زمیں پر نہ سایے کو گرنے دیا

سیاہی کا پتلی کی ہے یہ سبب

وہی سایہ پھرتا ہے آنکھوں میں اب

وگرنہ یہ تھی چشم اپنی کہاں

اسی سے یہ روشن ہے سارا جہاں

نظر سے جو غائب وہ سایا رہا

ملائک کے دل میں سمایا رہا

نہیں ہمسر اس کا کوئی، جو علی

کہ بھائی کا بھائی، وصی کا وصی

ہوئی جو نبوت نبی پر تمام

ہوئی نعمت اس کے وصی پر تمام

جہاں فیض سے ان کے ہے کام یاب

نبی آفتاب و علی ماہتاب

منقبت حضرت امیرالمومنین کی

علی دین و دنیا کا سردار ہے

کہ مختار کے گھر کا مختار ہے

دیار امامت کے گلشن کا گل

بہار ولایت کا باغ سبل

علی راز دار خدا و نبی

خبردار سر خفی و جلی

علی بندۂ خاص درگاہ حق

علی سالک و رہبر راہ حق

علیّ ولی، ابن عمّ رسول

لقب شاہ مردان و زوج بتول

کہے یوں جو چاہے کوئی بیر سے

پہ نسبت علی کو نہیں غیر سے

خدا نفس پیغبرش خداندہ است

دگر افضلیت بہ کس ماندہ است؟

یہاں بات کی بھی سمائی نہیں

نبی و علی میں جدائی نہیں

نبی و علی، ہر دو نسبت بہم

دُو تا و یکے، چوں زبان قلم

علی کا عدوٗ: دوزخی، دوزخی

علی کا محب: جنتی، جنتی

نبی اور علی، فاطمہ اور حسن

حسین ابن حیدر، یہ ہیں پنج تن

ہوئی ان پہ دو جگ کی خوبی تمام

انہوں پر درود اور انہوں پر سلام

علی سے لگا تا بہ مہدیٔ دیں

یہ ہیں ایک نور خدائے بریں

اُنہوں سے ہے قائم امامت کا گھر

کہ بارہ ستوں ہیں یہ اثنا عشر

صغیرہ، کبیرہ سے یہ پاک ہیں

حساب عمل سے یہ بے باک ہیں

ہوا یاں سے ظاہر کمال رسول

کہ بہتر ہوئی سب سے آل رسول

سلام ان پہ جو ان کے اصحاب ہیں

وہ اصحاب کیسے، کہ احباب ہیں

خدا نے انہوں کو کہا مومنیں

وہ ہیں زینت آسمان و زمیں

خدا ان سے راضی، رسول ان سے خوش

علی ان سے راضی، بتول ان سے خوش

ہوئی فرض ان کی ہمیں دوستی

کہ ہیں دل سے وہ جاں نثار نبی

الٰہی! بہ حق رسول امیں

بہ حق علی و بہ اصحاب دیں

بہ حق بتول و بہ آل رسول

کروں عرض جو میں، سو ہوئے قبول

الٰہی! میں بندہ گنہگار ہوں

گناہوں میں اپنے گراں بار ہوں

مجھے بخشیو میرے پروردگار!

کہ ہے تو کریم اور آمرزگار

مری عرض یہ ہے کہ جب تک جیوں

شراب محبت کو تیری پیوں

سوا تیری الفت کے، اور سب ہے ہیچ

یہی ہو، نہ ہو اور کچھ ایچ پیچ

جو غم ہو، تو ہو آل احمد کا غم

سوا اس الم کے نہ ہو کچھ الم

رہے سب طرف سے مرے دل کو چین

بہ حق حسن اور بہ حق حسین

کسی سے نہ کرنی پڑے التجا

تو کر خود بہ خود میری حاجت روا

صحیح اور سالم سدا مجھ کو رکھ

خوشی سے ہمیشہ خدا! مجھ کو رکھ

مری آل اولاد کو شاد رکھ

مرے دوستوں کو تو آباد رکھ

میں کھاتا ہوں جس کا نمک اے کریم!

سدا رحم کر اس پہ تو اے رحیم!

جیوں آبرو اور حرمت کے ساتھ

رہوں میں عزیزوں میں عزت کے ساتھ

بر آویں مرے دین و دنیا کے کام

بہ حق محمد علیہ السلام

تعیریف سخن کی

پلا مجھ کو ساقی! شراب سخن

کہ مفتوح ہو جس سے باب سخن

سخن کی مجھے فکر دن رات ہے

سخن ہی تو ہے، اور کیا بات ہے

سخن کے طلب گار ہیں عقل مند

سخن سے ہے نام نکو یاں بلند

سخن کی کریں قدر مردان کار

سخن، نام ان کا رکھے برقرار

سخن سے وہی شخص رکھتے ہیں کام

جنہیں چاہیے ساتھ نیکی کے نام

سخن سے سلف کی بھلائی رہی

زبان قلم سے بڑائی رہی

کہاں رستم و گیو و افراسیاب

سخن سے رہی یاد یہ نقل خواب

سخن کا صلہ یار دیتے رہے

جواہر سدا مول لیتے رہے

سخن کا سدا گرم بازار ہے

سخن سنج اس کا خریدار ہے

رہے جب تلک داستان سخن

الٰہی! رہے قدردان سخن

مدح شاہ عالم بادشاہ کی

خدیو فلک شاہ عالی گہر

زمیں بوس ہوں جس کے شمس و قمر

جہاں اس کے پرتو سے ہے کام یاب

وہ ہے برج اقلیم میں آفتاب

اسی مہر سے ہے منور یہ ماہ

جہاں ہووے اور ہو جہاں دار شاہ

وہ مہر منور، یہ ماہ منیر

اور اس کا یہ نجم سعادت وزیر

مدح وزیر آصف الدولہ کی

فلک رتبہ نوّاب عالی جناب

کہ ہے آصف الدولہ جس کا خطاب

وزیر جہاں، حاکم عدل و داد

ہے آبادیٔ ملک جس کی مراد

جہاں، عدل سے اس کے آباد ہے

غریبوں، فقیروں کا دل شاد ہے

پھرے بھاگتا مور سے فیل مست

زبردست ظالم، پہ ہے زیردست

کتاں پر کرے مہ اگر بد نظر

تو آدھا ادھر ہووے آدھا ادھر

کسی کا اگر مفت لے زلف دل

تو کھایا کرے پیچ وہ متصل

وہ انصاف سے جو گزرتا نہیں

کسی پر کوئی شخص مرتا نہیں

تو ہو باگ، بکری میں کچھ گفتگو

اگر اس کا چیتا نہ ہووے کبھو

گر آواز سن صید کی، کچھ کہے

تو باز آئے چپّک کہ بہری رہے

پھرے شمع کے گرد گر آ کے چور

صبا کھینچ لے جاوے اس کو بہ زور

نہ لے جب تلک شمع پروانگی

پتنگے کے پر کو نہ چھیڑے کبھی

اگر آپ سے اس پہ وہ آ گرے

تو فانوس میں شمع چھپتی پھرے

گر احیاناً اس کے جلیں بال و پر

تو گل گیر، لے شمع کا کاٹ سر

اسے عدل کی جو طرح یاد ہے

کسے یاد ہے؟ یہ خدا داد ہے

ستم اس کے ہاتھو سے رویا کرے

سدا فتنۂ دہر سویا کرے

گھروں میں فراغت سے سوتے ہیں سب

پڑے گھر میں چور اپنے روتے ہیں سب

وہ ہے باعث امن خرد و کلاں

کہ ہے نام سے اس کے مشق اماں

بیان سخاوت کروں گر رقم

تو در ریز کاغذ پہ ہووے قلم

نظر سے توجہ کی دیکھا جدھر

دیا مثل نرگس اسے سیم و زر

سخاوت یہ ادنیٰ سی ایک اس کی ہے

کہ اک دں دو شالے دیے سات سے

سوا اس کے، ہے اور یہ داستاں

کہ ہو جس پہ قربان حاتم کی جاں

ہوئی کم جو اک بار کچھ برشگال

گرانی سی ہونے لگی ایک سال

غریبوں کا دم سا نکلنے لگا

توکل کا بھی پانو چلنے لگا

وزیرالممالک نے تدبیر کر

خدا کی دیا راہ پر مال و زر

محلے محلے کیا حکم یہ

کہ باڑے کی اس غم کے کھولیں گرہ

یہ چاہا کہ خلقت کسی ڈھب جیے

ٹکے لاکھ لاکھ ایک دن میں دیے

یہ لغزش پڑی ملک میں جو تمام

لیا ہاتھ نے اس کے گرتوں کو تھام

یہ بندہ نوازی، یہ جاں پروری

یہ آئین سرداری و سروری

ہوئے ذات پر اس سخی کی تمام

تکلف ہے آگے سخاوت کا نام

فقیروں کی بھی یاں تلک تو بنی

کہ اک اک یہاں ہو گیا ہے غنی

یہ کیا دخل آواز دے جو گدا

چٹکنے کی گل کے نہ ہووے صدا

قدح لے کے نرگس جو ہووے کھڑی

تو خجلت سے جاوے زمیں میں گڑی

نہ ہو اس کا شامل جو ابر کرم

اثر ابر نیساں سے ہووے عدم

ہر اک کام اس کا: جہاں کی مراد

فلاطوں طبیعت، ارسطو نژاد

جب ایسا وہ پیدا ہوا ہے بشر

تب اس کو دیا ہے یہ کچھ مال و زر

لکھوں گر شجاعت کا اس کی بیاں

قلم ہو مرا رستم داستاں

غضب سے وہ ہاتھ اپنا جس پر اٹھائے

اجل کا طمانچہ قسم اس کی کھائے

کرے جس جگہ زور اس کا نمود

دل آہن کا اس جا پہ ہووے گبود

چلے تیغ گر اس کی زور مصاف

نظر آوے دشمن کا میدان صاف

اگر بے حیائی سے کوئی عدو

ملا دیوے اس تیغ سے منہ کبھو

تو ایسے ہی کھا کر گرے سر کے بل

کہ سر پر کھڑی اس کے رووے اجل

نہ ہو کیونکے وہ تیغ برق غضب

کہ برش کی تشدید، جوہر ہیں سب

لگاوے اگر کوہ پر ایک بار

گزر جائے یوں، جیسے صابن میں تار

ہوئی ہم قسم اس سے تیغ اجل

نکل آئے یہ، گر پڑے وہ اگل

غضب سے، غضب، اس کے کانپا کرے

تہور بھی ہیبت سے اس کی ڈرے

اور اس زور پر ہے یہ علم و حیا

کہ ہے خلق کا جیسے دریا بہا

جہاں تک کہ ہیں علم و نسب و کمال

ہر اک فن میں ماہر ہے وہ خوش خصال

سخن داں، سخن سنج، شیریں زباں

وزیر جہان و وحید زماں

سخن کی نہیں اس سے پوشیدہ بات

غوامض ہیں سب سہل اس کے نکات

سلیقہ ہر اک فن میں، ہر بات میں

نکلتی نئی بات دن رات میں

سدا سیر پر اور تماشے پہ دل

کشادہ دلی اور خوشی متصل

نہ ہو اس کو کیوں کر ہواے شکار

تہور شعاروں کا ہے یہ شعار

دلیروں کے تئیں، ہے دلیروں سے کام

کہ رہتا ہے شیروں کو شیروں سے کام

شہاں را ضروراست مشق شکار

کہ آید پئے صید دل ہا بہ کار

کھلے، بند جتنے ہیں صحرا میں صید

ہیں نواب کے دام الفت میں قید

زمہرش دل آہواں سوختہ

بہ فتراک او چشمہا دوختہ

شجاعت کا، ہمت کا یہ، کام ہے

درم ہاتھ میں ہے کہ یا دام ہے

نہ ہوتا اگر اس کو عزم شکار

درندوں سے بچتا نہ شہر و دیار

نہ بچتے جہاں بیچ خرد و بزرگ

یہ ہو جاتے سب لقمۂ شیر و گرگ

یہ انسان پر اس کا احسان ہے

کہ بے خوف انسان کی جان ہے

بنائی جہاں اس نے نخچیر گاہ

رہے صید واں آکے شام و پگاہ

رکھا صید بحری پہ جس دم خیال

لیا پشت پر اپنی ماہی نے جال

مگر اپنا دیتے ہیں جی جان کر

کہ ٹاپو پہ گرتے ہیں آن آن کر

نہ سمجھو نکلتے ہیں دریا میں سوس

خوشی سے اچھلتے ہیں دریا میں سوس

چرندوں کا دل اس طرف ہے لگا

پرندوں کو رہتی ہے اس کی ہوا

پلنگوں کا ہے بلکہ چیتا یہی

کمر آ بندھاوے ہماری وہی

کھڑے اَرنے ہوتے ہیں سر جوڑ جوڑ

کہ جی کون دیتا ہے بد بد کے ہوڑ

خبر اس کی سن کر نہ گینڈا چلے

کہ ہاتھی بھی ہو مست، اینڈا چلے

جو کچھ دل میں گینڈے کے آوے خیال

تو بھاگے اس آگے سپر اپنی ڈال

اطاعت کے حلقے سے بھاگے جو فیل

پلک، اس کی آنکھوں میں، ہو تفتہ میل

سو وہ تو اطاعت میں یک دست ہیں

نشے میں محبت کے سب مست ہیں

اسی کے لیے گو کہ ہیں وے پہاڑ

قدم اپنے رکھتے ہیں سب گاڑ گاڑ

کہ شاید مشرف سواری سے ہوں

سر افراز چل کر عماری سے ہوں

چلن جب یہ کچھ ہوویں حیوان کے

تو پھر حق بہ جانب ہے انسان کے

کسے ہو نہ صحبت کی اس کی ہوس

ولے کیا کرے، جو نہ ہو دسترس

فلک بار گاہا، ملک در گہا!

جدا میں جو قدموں سے تیرے رہا

نہ کچھ عقل نے اور نہ تدبیر نے

رکھا مجھ کو محروم تقدیر نے

پراب عقل نے میرے کھولے ہیں گوش

دیا ہے مدد سے تری مجھ کو ہوش

سو میں، اک کہانی بنا کر نئی

در فکر سے گوندھ لڑیاں کئی

لے آیا ہوں خدمت میں بہر نیاز

یہ امید ہے پھر، کہ ہوں سرفراز

مرے عذر تقصیر ہوویں قبول

بہ حق علی و بہ آل رسول

رہے جاہ و حشمت یہ تیری مدام

بہ حق محمد، علیہ السلام

رہیں شاد و آباد کل خیر خواہ

پھریں اس گھرانے کے دشمن تباہ

اب آگے کہانی کی ہے داستاں

ذرا سنیو دل دے کے اس کا بیاں

کسی شہر میں تھا کوئی بادشاہ

کہ تھا وہ شہنشاہ گیتی پناہ

ملک خو، ملک شاہ رکھتا تھا نام

فلک پر مہ و مہر اس کے غلام

بہت حشمت و جاہ و مال و منال

بہت فوج سے اپنی فرخندہ حال

کئی بادشاہ اس کو دیتے تھے باج

خطا اور ختن سے وہ لیتا خراج

کوئی دیکھتا آ کے جب اس کی فوج

تو کہتا کہ: ہے بحر ہستی کی موج

طویلے کے اس کے جو ادنی تھے خر

انھیں نعل بندی میں ملتا تھا زر

جہاں تک کہ سرکش تھے اطراف کے

وہ اس شہ کے رہتے تھے قدموں لگے

رعیت تھی آسودہ و بے خطر

نہ غم مفلسی کا، نہ چوری کا ڈر

عجب شہر تھا اس کا مینو سواد

کہ قدرت خدائی کی آتی تھی یاد

لگے تھے ہر اک جا پہ وہاں سنگ و خشت

ہر اک کوچہ اس کا، تھا رشک بہشت

زمیں سبز و سیراب عالم تمام

نظر کو طراوت وہاں صبح و شام

کہیں چاہ و منبع، کہیں حوض و نہر

ہر اک جا پہ آب لطافت کی لہر

عمارت تھی گچ کی وہاں پیش تر

کہ گزرے صفائی سے جس پر نظر

کروں اس کی وسعت کا کیا میں بیاں

کہ جوں اصفہاں، تھا وہ نصف جہاں

ہنر مند واں اہل حرفہ تمام

ہر اک نوع کی خلق کا ازدحام

یہ دل چسپ بازار تھا چوک کا

کہ ٹھہرے جہاں، بس وہیں دل لگا

جہاں تک یہ رستے تھے بازار کے

کہے تو کہ تختے تھے گلزار کے

صفا پر جو اس کی نظر کر گئے

اسے دیکھ کر سنگ مرمر گئے

کہوں قلعے کی اس کے کیا میں شکوہ

گئے دب، بلندی کو دیکھ اس کی، کوہ

وہ دولت سرا خانۂ نور تھا

سدا عیش و عشرت سے معمور تھا

ہمیشہ خوشی، رات دن سیر باغ

نہ دیکھا کسی دل پہ، جز لالہ، داغ

سدا عیش و عشرت، سدا راگ و رنگ

نہ تھا زیست سے کوئی اپنی بہ تنگ

غنی وہاں وا، جو کہ آیا تباہ

عجب شہر تھا وہ عجب بادشاہ

نہ دیکھا کسی نے کوئی واں فقیر

ہوئے اس کی دولت سے گھر گھر امیر

کہاں تک کہوں اس کا جاہ و حشم

محل و مکاں اس کا رشک ارم

ہزاروں پری پیکر اس کے غلام

کمر بستہ خدمت میں حاضر مدام

سدا ماہ رویوں سے صحبت اسے

سدا جامہ زیبوں سے رغبت اسے

کسی طرف سے وہ نہ رکھتا تھا غم

مگر ایک اولاد کا تھا الم

اسی بات کا اس کے تھا دل پہ داغ

نہ رکھتا تھا وہ اپنے گھر کا چراغ

دنوں کا عجب اس کے یہ پھیر تھا

کہ اس روشنی پہ یہ اندھیر تھا

وزیروں کو اک روز اس نے بلا

جو کچھ دل کا احوال تھا، سو کہا

کہ میں کیا کروں گا یہ مال و منال

فقیری کا ہے میرے دل کو خیال

فقیر اب نہ ہوں، تو کروں کیا علاج

نہ پیدا ہوا وارث تخت و تاج

جوانی مری ہو گئی سب بسر

نمودار پیری ہوئی سر بہ سر

دریغا کہ عہد جوانی گذشت

جوانی مگو، زندگانی گذشت

بہت ملک پر جان کھویا کیا

بہت فکر دنیا میں رویا کیا

زہے بے تمیزی و بے حاصلی

کہ از فکر دنیا، ز دیں غافلی

وزیروں نے کی عرض کہ اے آفتاب!

نہ ہو تجھ کو ذرہ کبھی اضطراب

فقیری جو کیجے تو دنیا کے ساتھ

نہیں خوب، جانا ادھر خالی ہاتھ

کرو سلطنت، لے کے اعمال نیک

کہ تا دو جہاں میں رہے حال نیک

جو عاقل ہوں، وے سوچ میں ٹک رہیں

کہ ایسا نہ ہووے کہ پھر سب کہیں

تو کار زمیں را نکو ساختی

کہ بر آسماں نیز پرداختی

یہ دنیا جو ہے مزرع آخرت

فقیری میں ضائع کرو اس کو مت

عبادت سے اس کشت کو آب دو

وہاں جا کے خرمن ہی تیار لو

رکھو یاد عدل و سخاوت کی بات

کہ اس فیض سے ہے تمہاری نجات

مگر ہاں، یہ اولاد کا ہے جو غم

سو اس کا تردد بھی کرتے ہیں ہم

عجب کیا کہ ہووے تمہارے خلف

کرو تم نہ اوقات اپنی تلف

نہ لاؤ کبھی یاس کی گفتگو

کہ قرآں میں آیا ہے: لا تقنطو

بلاتے ہیں ہم اہل تنجیم کو

نصیبوں کو اپنے ذرا دیکھ لو

تسلی تو دی شاہ کو اس نمط

ولے اہل تنجیم کو بھیجے خط

نجومی و رَمّال اور برہمن

غرض یاد تھا جن کو اس ڈھب کا فن

بلا کر انہیں شہ کنے لے گئے

جوں ہی رو بہ رو شہ کے سب وے گئے

پڑا جب نظر وہ شہ تاج و تخت

دعا دی کہ ہوں شہ کے بیدار بخت

کیا قاعدے سے نہڑ کر سلام

کہا شہ نے: میں تم سے رکھتا ہوں کام

نکالو ذرا اپنی اپنی کتاب

مرا ہے سوال، اس کا لکھو جواب

نصیبوں میں دیکھو تو میرے کہیں

کسی سے بھی اولاد ہے یا نہیں

یہ سن کر، وے رمال طالع شناس

لگے کھینچنے زائچے بے قیاس

دھرے تختے آگے، لیا قرعہ ہاتھ

لگا دھیان اولاد کا اس کے ساتھ

جو پھینکیں، تو شکلیں کئی بیٹھیں مل

کئی شکل سے دل گیا ان کا کھل

جماعت نے رمال کی عرض کی

کہ ہے گھر میں امید کے کچھ خوشی

یہ سن ہم سے اے عالموں کے شفیق

بہت ہم نے تکرار کی ہر طریق

بیاض اپنی دیکھی جو اس رَمل کی

تو ایک ایک نکتہ، ہے فرد خوشی

ہے اس بات پر اجتماع تمام

کہ طالع میں فرزند ہے تیرے نام

زن و زوج کے گھر میں ہے گی فرح

پیا کر مے وصل کا تو قدح

نجومی بھی کہنے لگے در جواب

کہ ہم نے بھی دیکھی ہے اپنی کتاب

نحوست کے دن سب گئے ہیں نکل

عمل اپنا سب کر چکا ہے زحل

ستارے نے طالع کے، بدلے ہیں طور

خوشی کا کوئی دن میں آتا ہے دور

نظر کی جو تسدیس و تثلیث پر

تو دیکھا کہ ہے نیک سب کی نظر

کیا پنڈتوں نے جو اپنا بچار

تو کچھ انگلیوں پر کیا پھر شمار

جنم پترا شاہ کا دیکھ کر

تُلا اور بِرچھک پہ کر کر نظر

کہا: رام جی کی ہے تم پر دیا

چندرما سا بالک ترے ہووے گا

نکلتے ہیں اب تو خوشی کے بچن

نہ ہو گر خوشی، تو نہ ہوں برہمن

مہاراج کے ہوں گے مقصد شتاب

کہ آیا ہے اب پانچواں آفتاب

نصیبوں نے کی آپ کے یاوری

کہ آئی ہے اب ساتویں مشتری

مقرر ترے، چاہیے، ہو پسر

کہ دیتی ہے یوں اپنی پوتھی خبر

وہ لیکن مقدر ہے کچھ اور بھی

کہ ہیں اس بھلے میں، برے طور بھی

یہ لڑکا تو ہو گا، ولے کیا کہیں

خطر ہے اسے بارھویں برس میں

نہ آوے یہ خورشید بالائے بام

بلندی سے خطرہ ہے اس کو تمام

نہ نکلے یہ بارہ برس رشک مہ

رہے برج میں یہ مہ چاردہ

کہا شہ نے یہ سن کے، ان کے تئیں

کہو، جی کا خطرہ تو اس کو نہیں؟

کہا: جان کی سب طرح خیر ہے

مگر دشت غربت کی کچھ سیر ہے

کوئی اس پہ عاشق ہو جن و پری

کوئی اس کی معشوق ہو استری

کچھ ایسا نکلتا ہے پوتھی میں اب

خرابی ہو اس پر کسی کے سبب

ہوئی کچھ خوشی شہ کو اور کچھ الم

کہ دنیا میں توام ہیں شادی و غم

کہا شہ نے: اس پر نہیں اعتبار

جو چاہے کرے میرا پروردگار

یہ فرما، محل میں در آمد ہوئے

منجم وہاں سے بر آمد ہوئے

خدا پر زبس اس کا تھا اعتقاد

لگا مانگنے اپنی حق سے مراد

خدا سے لگا کرنے وہ التجا

لگا آپ مسجد میں رکھنے دیا

نکالا مرادوں کا آخر سراغ

لگائی ادھر لَو، تو پایا چراغ

سحاب کرم نے کیا جو اثر

ہوئی کشت امید کی بارور

اسی سال میں، یہ تماشا سنو

رہا حمل اک زوجۂ شاہ کو

جو کچھ دل پہ گزرے تھے رنج و تعب

مبدّل ہوئے وے خوشی ساتھ سب

خوشی سے پلا مجھ کو ساقی! شراب

کوئی دم میں بجتا ہے چنگ و رباب

کروں نغمۂ تنہنیت کو شروع

کہ اک نیک اختر کرے ہے طلوع

گئے نو مہینے جب اس پر گزر

ہوا گھر میں شہ کے تولد پسر

عجب صاحب حسن پیدا ہوا

جسے مہرومہ دیکھ شیدا ہوا

نظر کو نہ ہو حسن پر اُس کے تاب

اسے دیکھ، بے تاب ہو آفتاب

ہوا وہ جو اُس شکل سے دل پذیر

رکھا نام اس کا شہ بے نظیر

خواصوں نے، خواجہ سراؤں نے جا

کئی نذریں گزرانیاں اور کہا

مبارک تجھے اے شہ نیک بخت!

کہ پیدا ہوا وارث تاج و تخت

سکندر نژاد اور دارا حشم

فلک مرتبت اور عطارد رقم

رہے اس کے اقلیم زیر نگیں

غلامی کریں اس کی خاقان چیں

یہ سنتے ہی مژدہ، بچھا جا نماز

کیے لاکھ سجدے، کہ اے بے نیاز!

تجھے فضل کرتے نہیں لگتی بار

نہ ہو تجھ سے مایوس، امید دار

دوگانہ غرض شکر کا کر ادا

تہیہ کیا شاہ نے جشن کا

وے نذریں خواصوں کی، خوجوں کی لے

انہیں خلعت و زر کا انعام دے

کہا: جاؤ، جو کچھ کہ درکار ہو

کہو خانساماں سے تیار ہو

نقیبوں کو بلوا کے یہ کہ دیا

کہ نقار خانے میں دو حکم جا

کہ نوبت خوشی کی بجاویں تمام

خبر سن کے یہ شاد ہوں خاص و عام

یہ مژدہ جو پہنچا، تو نقارچی

لگا ہر جگہ بادلا اور زری

بنا ٹھاٹھ نقار خانے کا سب

مہیا کر اسباب عیش و طرب

غلاف اس پہ بانات پر زر کے ٹانک

شتابی سے نقاروں کو سینک سانک

دیا چوب کو پہلے بم سے ملا

لگی پھیلنے ہر طرف کو صدا

کہا زیر سے بم نے بہر شگوں

کہ دوں دوں خوشی کی خبر کیوں نہ دوں

بجے شادیانے جو واں اس گھڑی

ہوئی گرد و پیش آ کے خلقت کھڑی

بہم مل کے بیٹھے جو شہنا نواز

بنا منہ سے پھرکی، لگا اس پہ ساز

سروں پر وے سر پیچ معمول کے

خوشی سے، ہوئے گال گل، پھول کے

لگے لینے اپجیں خوشی سے نئی

اڑانا لگا بجنے اور سگھڑئی

ٹکوروں میں نوبت کے شہنا کی دھن

سگھڑ سننے والوں کو کرتی تھی سن

ترھی اور قرنائے شادی کے دم

لگے بھرنے زیل اور کھرج میں بہم

سنی جھانجھ نے جو خوشی کی نوا

تھرکنے لگا، تالیوں کو بجا

نئے سر سے عالم کو عشرت ہوئی

کہ لڑکے کے ہونے کی نوبت ہوئی

محل سے لگا تابہ دیوان عام

عجب طرح کا اک ہوا ازدحام

چلے لے کے نذریں وزیر و امیر

لگے کھینچنے زر کے تودے فقیر

دیے شاہ نے شاہزادے کے نانو

مشائخ کو اور پیر زادوں کو گانو

امیروں کو جاگیر، لشکر کو زر

وزیروں کو الماس و لعل و گہر

خواصوں کو، خوجوں کو جوڑے دیے

پیادے جو تھے، ان کو گھوڑے دیے

خوشی سے کیا یاں تلک زر نثار

جسے ایک دینا تھا، بخشے ہزار

کیا بھانڈ اور بھکتیوں نے ہجوم

ہوئی ’’آہے آہے مبارک‘‘ کی دھوم

لگا کنچنی، چونا پزنی تمام

کہاں تک میں لوں نرت کاروں کا نام

جہاں تک کہ سازندے تھے ساز کے

دھنی دست کے اور آواز کے

جہاں تک کہ تھے گایک اور تنت کار

لگے گانے اور ناچنے ایک بار

لگے بجنے قانون و بین و رباب

بہا ہر طرف جوئے عشرت کا آب

لگی تھاپ طبلوں پہ مردنگ کی

صدا اونچی ہونے لی چنگ کی

کمانچوں کو، سارنگیوں کو بنا

خوشی سے ہر اک ان کی تربیں ملا

لگا تار پر موم مرچنگ کے

ملا سر طنبوروں کے یک رنگ کے

ستاروں کے پردے بنا کر درست

بجانے لگے سب وے چالاک و چست

گئی بائیں کی آسماں پر گمک

اٹھا گنبد چرخ سارا دھمک

خوشی کی زبس ہر طرف تھی بساط

لگے ناچنے اس پہ اہل نشاط

کناری کے جوڑے چمکتے ہوئے

دو پانوں میں گھنگرو جھنکتے ہوئے

وہ گھٹنا، وہ بڑھنا اداؤں کے ساتھ

دکھانا وہ رکھ رکھ کے چھاتی پہ ہاتھ

دو بالے چمکتے ہوئے کان میں

پھڑکنا وہ نتھنے کا ہر آن میں

کبھی دل کو پاؤں سے مل ڈالنا

نظر سے کبھی دیکھنا بھالنا

دکھانا کبھی اپنی چھب مسکرا

کبھی اپنی انگیا کو لینا چھپا

کسی کے وہ مکھڑے پہ نتھ کی پھبن

کسی کے چمکتے ہوئے نورتن

وہ دانتوں کی مسی، وہ گل برگ تر

شفق میں عیاں جیسے شام و سحر

وہ گرمی کے چہرے، کہ جوں آفتاب

جسے دیکھ کر دل کو ہو اضطراب

چمکنا گلوں کا صفا کے سبب

وہ گردن کے ڈورے قیامت، غضب

کبھی منہ کے تئیں پھیر لینا ادھر

کبھی چوری چوری سے کرنا نظر

دوپٹے کو کرنا کبھی منہ کی اوٹ

کہ پردے میں ہو جائیں دل لوٹ پوٹ

ہر اک تان میں ان کو ارمان یہ

کہ دل لیجئے تان کی جان یہ

کوئی فن میں سنگیت کے شعلہ رو

برم، جوگ، لچھمی کی لے، پر ملو

کوئی ڈیڑھ گت ہی میں پانوں تلے

کھڑی عاشقوں کے دلوں کو ملے

کوئی دائرے میں بجا کر پرن

کوئی ڈھمڈھمی میں دکھا اپنا فن

غرض ہر طرح دل کو لینا انہیں

نئی طرح سے داغ دینا انہیں

کبھی مار ٹھوکر، کریں قتل عام

کبھی ہاتھ اٹھا، لیویں گرتے کو تھام

کہیں دھرپت اور گیت کا شور و غل

کہیں قول و قلبانہ و نقش و گل

کہیں بھانڈ کے ولولوں کا سماں

کہیں ناچ کشمیریوں کا وہاں

منجیرا، پکھاوج، گلے ڈال ڈھول

بجاتے تھے اس جا کھڑے، باندھ غول

محل میں جو دیکھو تو اک ازدحام

مبارک سلامت کی تھی دھوم دھام

وہاں بھی تو تھی عیش و عشرت کی دھوم

پری پیکروں کا ہر اک جا ہجوم

چھٹی تک غرض تھی خوشی ہی کی بات

کہ دن عید اور رات تھی شب برات

بڑھے ابر ہی ابر میں جوں ہلال

محل میں لگا پلنے وہ نو نہال

برس گانٹھ جس سال اس کی ہوئی

دل بستگاں کی گرہ کھل گئی

وہ گل جب کہ چوتھے برس میں لگا

بڑھایا گیا دودھ اس ماہ کا

ہوئی تھی جو کچھ پہلے شادی کی دھوم

اسی طرح سے پھر ہوا وہ ہجوم

طوائف وہی اور وہی راگ و رنگ

ہوئی بلکہ دونی خوشی کی ترنگ

وہ گل پانو سے اپنے جس جا چلا

وہاں آنکھ کو نرگسوں نے ملا

لگا پھرنے وہ سرو جب پانو پانو

کیے بَردے آزاد تب اس کے نانو

مے ارغوانی پلا ساقیا!

کہ تعمیر کو باغ کی دل چلا

دیا شہ نے ترتیب اک خانہ باغ

ہوا رشک سے جس کے، لالے کو داغ

عمارت کی خوبی، دروں کی وہ شان

لگے جس میں زر بفت کے سا یبان

چقیں اور پردے بندھے زر نگار

دروں پر کھڑی دست بستہ بہار

کوئی دور سے در پر اٹکا ہوا

کوئی زہ پہ خوبی سے لٹکا ہوا

وہ مقیش کی ڈوریاں سر بہ سر

کہ مہ کا بندھا جس میں تار نظر

چقوں کا تماشا، تھا انکھوں کا جال

نگہ کو وہاں سے گزرنا محال

سنہری، مغرق چھتیں ساریاں

وہ دیوار اور در کی گل کاریاں

دیے چار سو آئنے جو لگا

گیا چوگنا لطف اس میں سما

وہ مخمل کا فرش اس میں ستھرا کہ بس

بڑھے جس کے آگے نہ پاے ہوس

رہیں لخلخے اس میں روشن مدام

معطر شب و روز جس سے مشام

چھپر کھٹ مرصع کا دالان میں

چمکتا تھا اس طرح ہر آن میں

زمیں پر تھی اس طور اس کی جھلک

ستاروں کی جیسے فلک پر چمک

زمیں کا کروں دھاں کی کیا میں بیا ں

کہ صندل کا اک پارچہ تھا عیاں

بنی سنگ مر مر سے چو پڑ کی نہر

گئی چارسو، اس کے پانی کی لہر

قرینے سے گرد اس کے سروسہی

کچھ اک دور دور اس سے سیب و بہی

کہوں کیا میں کیفیت دار بست

لگائے رہیں تاک وہاں مے پرست

ہواے بہاری سے گل لہلہے

چمن سارے شاداب اور ڈہڈ ہے

زمرد کی مانند سبزے کا رنگ

روش کا، جواہر ہوا جس سے سنگ

روش کی صفائی پہ بے اختیار

گل اشرفی نے کیا زر نثار

چمن سے بھرا باغ، گل سے چمن

کہیں نرگس و گل، کہیں یاسمن

چنبیلی کہیں اور کہیں موتیا

کہیں راے بیل اور کہیں موگرا

کھڑے شاخ شبو کے ہر جانشان

مدن بان کی اور ہی آن بان

کہیں ارغواں اور کہیں لالہ زار

جدی اپنے موسم میں سب کی بہار

کہیں چاندنی میں گلوں کی بہار

ہر اک گل سفیدی سے مہتاب وار

کھڑے سرو کی طرح چمپے کے جھاڑ

کہے تو کہ خوش بوئیوں کے پہاڑ

کہیں زرد نسریں، کہیں نسترن

عجب رنگ پر زعفرانی چمن

پڑی آبجو، ہر طرف کو بہے

کریں قمریاں سرو پر چہچہے

گلوں کا لب نہر پر جھومنا

اسی اپنے عالم میں منہ چومنا

وہ جھک جھک کے گرنا خیابان پر

نشے کا سا عالم گلستان پر

لیے بیلچے ہاتھ میں مالنے

چمن کو لگیں دیکھنے بھالنے

کہیں تخم پاشی کریں کھود کر

پنیری جماویں کہیں گود کر

کھڑے شاخ در شاخ باہم نہال

رہیں ہاتھ جوں مست گردن پہ ڈال

لب جو کے آئینے میں دیکھ قد

اکڑنا کھڑے سرو کا جد نہ تد

خراماں صبا صحن میں چار سو

دماغوں کو دیتی پھرے گل کی بو

کھڑے نہر پر قاز اور قر قرے

لیے ساتھ مرغابیوں کے پرے

صدا قر قروں کی، بطوں کا وہ شور

درختوں پہ بگلے، منڈیروں پہ مور

چمن آتش گل سے دہکا ہوا

ہوا کے سبب باغ مہکا ہوا

صبا جو گئی ڈھیریاں کر کے بھول

پڑے ہر طرف مونسریوں کے پھول

وہ کیلوں کی اور مونسریوں کی چھانو

لگی جائیں آنکھیں لیے جن کا نانو

خوشی سے گلوں پر سدا بلبلیں

تعشق کی آپس میں باتیں کریں

درختوں نے برگوں کے کھولے ورق

کہ لیں طوطیاں بوستاں کا سبق

سماں قمریاں دیکھ اس آن کا

بڑھیں باب پنجم گلستان کا

دوا، دائیاں اور مغلانیاں

پھریں ہر طرف اس میں جلوہ کناں

خواصوں کا اور لونڈیوں کا ہجوم

محل کی وہ چہلیں، وہ آپس کی دھوم

تکلف کے پہنے پھریں سب لباس

رہیں رات دن شاہ زادے کے پاس

کنیزان مہ رو کی ہر طرف ریل

چنبیلی کوئی اور کوئی راے بیل

شگوفہ کوئی اور کوئی کام روپ

کوئی چت لگن اور کوئی سیام روپ

کوئی کیتکی اور کوئی گلاب

کوئی مہ رتن اور کوئی ماہتاب

کوئی سیوتی اور ہنس مکھ کوئی

کوئی دل لگن اور تن سکھ کوئی

ادھر اور ادھر آتیاں جاتیاں

پھریں اپنے جوبن میں اتراتیاں

کہیں چٹکیاں اور کہیں تالیاں

کہیں قہقہے اور کہیں گالیاں

کہیں اپنی پٹی سنوارے کوئی

اری اور تری کہہ پکارے کوئی

بجاتی پھرے کوئی اپنے کڑے

کہیں ’’ہوئے رے‘‘ اور کہیں ’’واچھڑے‘‘

دکھاوے کوئی گو کھرو موڑ موڑ

کہیں سوت بونٹی، کہیں تار توڑ

ادا سے کوئی بیٹھی حقہ پیے

دم دوستی کوئی بھر بھر جیے

کوئی حوض میں جاکے غوطہ لگائے

کوئی نہر پر پانو بیٹھی ہلائے

کوئی اپنے توتے کی لیوے خبر

کوئی اپنی مینا پہ رکھے نظر

کسی کو کوئی دھول مارے کہیں

کوئی جان کو اپنی وارے کہیں

کوئی آرسی اپنے آگے دھرے

ادا سے کہیں بیٹھی کنگھی کرے

مقابا کوئی کھول مسی لگائے

لبوں پر دھڑی کوئی بیٹھی جمائے

ہوا ان گلوں سے دوبالا سماں

اسی باغ میں یہ بھی باغ رواں

غرض لوگ تھے یہ جو ہر کام کے

سو سب واسطے اس کے آرام کے

پلا جب وہ اس ناز و نعمت کے ساتھ

پدر اور مادر کی شفقت کے ساتھ

ہوئی اس کے مکتب کی شادی عیاں

ہوا پھر انہیں شادیوں کا سماں

معلم، اتالیق، منشی، ادیب

ہر اک فن کے استاد بیٹھے قریب

کیا قاعدے سے شروع کلام

پڑھانے لگے علم اس کو تمام

دیا تھا زبس حق نے ذہن رسا

کئی برس میں علم سب پڑھ چکا

معانی و منطق، بیان و ادب

پڑھے اس نے منقول و معقول سب

خبردار حکمت کے مضمون سے

غرض جو پڑھا اس نے، قانون سے

لگا ہیئت و ہندسہ تا نجوم

زمیں آسماں میں پڑی اس کی دھوم

کیے علم نوک زباں حرف حرف

اسی نحوسے عمر کی اس نے صرف

عطارد کو اس کی لگی آنے ریس

ہوا سادہ لوحی میں وہ خوش نویس

ہوا جب کہ نو خط وہ شیریں رقم

بڑھا کر لکھے سات سے، نو قلم

لیا ہاتھ جب خامۂ مشک بار

لکھا نسخ و ریحان و خط غبار

عروس الخطوط اور ثلث و رقاع

خفی و جلی مثل خط شعاع

شکستہ لکھا اور تعلیق جب

رہے دیکھ، حیراں، اتالیق سب

کیا خط گلزار سے جب فراغ

ہوا صفحۂ قطعہ، گلزار باغ

کروں علم کو اس کے کیا میں عیاں

کروں مختصر یاں سے اب یہ بیاں

کماں کے جو درپے ہوا بے نظیر

لیا کھینچ چلے میں سب فن تیر

صفائی میں سو فار، پیکاں کیا

گیا جب کہ تودے پہ، طوفاں کیا

رکھا چھوٹتے ہی جو لکڑی پہ من

لیا اپنے قبضے میں سب اس کا فن

ہوئیں دست و بازو کی سر سائیاں

اڑائیں کئی ہاتھ میں گھائیاں

رکھا موسیقی پر بھی کچھ جو خیال

کیے قید سب اس نے ہاتھوں میں تال

طبیعت گئی کچھ جو تصویر پر

رکھے رنگ سب اس نے مد نظر

کئی دن میں سیکھا یہ کسب تفنگ

کہ حیراں ہوئے دیکھ، اہل فرنگ

سو ان کمالوں کے، کتنے کمال

مروت کی خو، آدمیت کی چال

رذالوں سے، نفروں سے نفرت اسے

غرض قابلوں ہی سے صحبت اسے

گیا نام پر اپنے وہ دل پذیر

ہر اک فن میں سچ مچ ہوا بے نظیر

پلا ساقیا! مجھ کو اک جام مل

جوانی پر آیا ہے ایام گل

غنیمت شمر صحبت دوستاں

کہ گل پنج روز است در بوستاں

ثمر لے بھلائی کا، گر ہو سکے

شتابی سے بو لے، جو کچھ بو سکے

کہ رنگ چمن پر نہیں اعتبار

یہاں چرخ میں ہے خزان و بہار

پڑی جب گرہ بارہویں سال کی

کھلی گل جھڑی غم کے جنجال کی

کہا شہ نے بلوا نقیبوں کو شام

کہ ہوں صبح حاضر سبھی خاص و عام

سواری تکلف سے تیار ہو

مہیا کریں، جو کہ درکار ہو

کریں شہر کو مل کے آئینہ ہند

سواری کا ہو لطف جس سے دو چند

رعیت کے خوش ہوں صغیر و کبیر

کہ نکلے گا کل شہر میں بے نظیر

یہ فرما، محل میں گئے بادشاہ

نقیبوں نے سن حکم، لی اپنی راہ

ہوئی شب، لیا مہ نے جام شراب

گیا سجدۂ شکر میں آفتاب

خوشی سے گئی جلد جو شب گزر

ہوئی سامنے سے نمایاں سحر

عجب شب تھی وہ جوں سحر روسپید

عجب روز تھا مثل روز امید

گیا مژدۂ صبح لے ماہتاب

اٹھا سورج آنکھوں کو ملتا شتاب

کہا شاہ نے اپنے فرزند کو

کہ بابا! نہا دھو کے تیار ہو

پلا آتشیں آب پیر مغاں!

کہ بھولے مجھے گرم و سرد جہاں

اگر چاہتا ہے مرے دل کا چین

نہ دینا وہ ساغر جو ہو قلتین

کدورت مرے دل کی دھو ساقیا

ذرا شیشئہ مے کو دھو دھا کے لا

کہ سر گرم حمام ہے بے نظیر

گیا ہے نہانے کو ماہ منیر

ہوا جب کہ داخل وہ حمام میں

عرق آ گیا اس کے اندام میں

تن نازنیں نم ہوا س کا گل

کہ جس طرح ڈوبے ہے شبنم میں گل

پرستار، باندھے ہوئے لنگیاں

مہ و مہر سے طاس لے کر وہاں

لگے ملنے اس گل بدن کا بدن

ہوا ڈہڈہا آب سے وہ چمن

نہانے میں یوں تھی بدن کی دمک

برسنے میں بجلی کی جیسے چمک

لبوں پر جو پانی پھرا سر بہ سر

نظر آئے، جیسے دو گل برگ تر

ہوا قطرۂ آب یوں چشم بوس

کہے تو، پڑے جیسے نرگس پہ اوس

لگا ہونے ظاہر جو اعجاز حسن

ٹپکنے لگا اس سے انداز حسن

گیا حوض میں جو شہ بے نظیر

پڑا آب میں عکس ماہ منیر

وہ گورا بدن اور بال اس کے تر

کہے تو کہ ساون کی شام و سحر

نمی کا تھا بالوں کی عالم عجب

نہ دیکھی کوئی خوب تر اس سے شب

کہوں اس کی خوبی کی کیا تجھ سے بات

کہ جوں بھیگتی جاوے صحبت میں رات

زمیں پر تھا اک موجۂ نور خیز

ہوا جب وہ فوارہ ساں آب ریز

زمرد کے لے ہاتھ میں سنگ پا

کیا خادموں نے جو آہنگ پا

ہنسا کھلکھلا وہ گل نو بہار

لیا کھینچ پانوں کو بے اختیار

عجب عالم اس نازنیں پر ہوا

اثر گد گدی کا جبیں پر ہوا

ہنسا اس ادا سے کہ سب ہنس پڑے

ہوئے جی سے قربان چھوٹے بڑے

دعائیں لگے دینے بے اختیار

کہا: خوش رکھے تجھ کو پرور دگار

کہ تیری خوشی سے، ہے سب کی خوشی

مبارک تجھے روز و شب کی خوشی!

نہ آوے کبھی تیری خاطر پہ میل

چمکتا رہے یہ فلک کا سہیل

کیا غسل جب اس لطافت کے ساتھ

اڑھا کھیس، لائے اسے ہاتھوں ہاتھ

نہا دھو کے نکلا وہ گل اس طرح

کہ بدلی سے نکلے ہے مہ جس طرح

غرض شاہ زادے کو نہلا دھلا

دیا خلعت خسروانہ پنہا

جواہر سراسر پنہایا اسے

جواہر کا دریا بنایا اسے

لڑی، لٹکن اور کلغی اور نورتن

عدد ایک سے ایک زیب بدن

مرصع کا سر پیچ جوں موج آب

مصفّا بہ شکل گل آفتاب

وہ موتی کے مالے بہ صد زیب و زین

کہیں جس کو آرام جاں، دل کا چین

جواہر کا تن پر عجب تھا ظہور

کہ ایک ایک عدد اس کا، تھا کوہ طور

غرض ہو کے اس طرح آراستہ

خراماں ہوا سرو نوخاستہ

نکل گھر سے جس دم ہوا وہ سوار

کیے خوان گوہر کے اس پر نثار

زبس تھا سواری کا باہر ہجوم

ہوا جب کہ ڈنکا، پڑی سب میں دھوم

برابر برابر کھڑے تھے سوار

ہزاروں ہی تھی ہاتھیوں کی قطار

سنہری، رپہری تھیں عماریاں

شب و روز کی سی طرح داریاں

چمکتے ہوئے بادلوں کے نشان

سواروں کے غٹ اور بھالوں کی شان

ہزاروں تھی اطراف میں پالکی

جھلا بور کی جگمگی نالکی

کہاروں کی زر بفت کی کرتیاں

اور ان کے دبے پانو کی پھرتیاں

بندھیں پگڑیاں تاش کی سر اوپر

چکا چوندھ میں جس سے آوے نظر

وہ ہاتھوں میں سونے کے موٹے کڑے

جھلک جس کی ہر ہر قدم پر پڑے

وہ ماہی مراتب، وہ تخت رواں

وہ نوبت، کہ دولھا کا جس سے سماں

وہ شہنائیوں کی صدا خوش نوا

سہانی وہ نوبت کی اس میں صدا

وہ آہستہ گھوڑوں پہ نقارچی

قدم با قدم بالباس زری

بجاتے ہوئے شادیا نے تمام

چلے آگے آگے ملے، شاد کام

سوار اور پیادے، صغیر و کبیر

جلو میں تمامی امیر و وزیر

وے نذریں کہ جس جس نے تھیں ٹھانیاں

شہ و شاہ زادے کو گزرانیاں

ہوئے حکم سے شاہ کے پھر سوار

چلے سب قرینے سے باندھے قطار

سجے اور سجائے سبھی خاص و عام

لباس زری میں ملبس تمام

طرق کے طرق اورپرے کے پرے

کچھ ایدھر ادھر، کچھ ورے، کچھ پرے

مرصع کے سازوں سے کوتل سمند

کہ خوبی میں روح الفرس سے دو چند

وہ فیلوں کی اور میگ ڈمبر کی شان

جھلکتے وہ مقیش کے سایبان

چلی پایۂ تخت کے ہو قریب

بہ دستور شاہانہ نپتی جریب

سواری کے آگے کیے اہتمام

لیے سونے روپے کے عاصے تمام

نقیب اور جلو دار اور چوبدار

یہ آپس میں کہتے تھے ہر دم پکار

اسی اپنے معمول و دستور سے

ادب سے تفاوت سے اور دور سے

یلو! نوجوانو! بڑھے جائیو

دو جانب سے باگیں لیے آئیو

بڑھے جائیں آگے سے، چلتے قدم

بڑھے عمر و دولت قدم با قدم

غرض اس طرح سے سواری چلی

کہے تو کہ باد بہاری چلی

تماشائیوں کا جدا تھا ہجوم

ہر اک طرف تھی ایک عالم کی دھوم

لگا قلعے سے شہر کی حد تلک

دکانوں پہ تھی بادلے کی جھلک

کیا تھا زبس شہر آئینہ بند

ہوا چوک کا لطف واں چار چند

منڈھے تھے تمامی سے دیوار و در

تمامی وہ تھا شہر، سونے کا گھر

رعیت کی کثرت، ہجوم سپاہ

گزرتی تھی رک رک کے ہر جانگاہ

ہوئے جمع کھوٹھوں پہ جو مردوزن

ہر اک سطح تھی جوں زمین چمن

یہ خالق کی سن قدرت کا ملہ

تماشے کو نکلی زن حاملہ

لگا لنج سے تا ضعیف و نحیف

تماشے کو نکلے وضیع و شریف

وحوشوں، طیوروں تلک بے خلل

پڑے آشیانوں سے اپنے نکل

نہ پہنچا جو اک مرغ قبلہ نما

سو وہ آشیانے میں تڑپھا کیا

زبس شاہ زادہ بہت تھا حسیں

ہوئے دیکھ عاشق کہین و مہیں

نظر جس کو آیا وہ ماہ تمام

کیا اس نے جھک جھک کے اس کو سلام

دعا شاہ کو دی کہ بار الٰہ!

سدا یہ سلامت رہے مہر و ماہ

یہ خوش اپنے مہ سے رہے شہر یار

کہ روشن رہے شہر، پروردگار!

غرض شہر سے باہر اک سمت کو

کوئی باغ تھا شہ کا، اس میں سے ہو

گھڑی چار تک خوب سی سیر کر

رعیت کو دکھلا کے اپنا پسر

اسی کثرت فوج سے ہو سوار

پھر اشہر کی طرف وہ شہر یار

سواری کو پہنچا گئی فوج، ادھر

گئے اپنی منزل میں شمس و قمر

جہاں تک کہ تھیں خادمان محل

خوشی سے وہ ڈیوڑھی تک آئیں نکل

قدم اپنے حجروں سے باہر نکال

لیا سب نے، آپیشوا، حال حال

بلائیں لگیں لینے سب ایک بار

کیا جی کو یک دست سب نے نثار

گیا جب محل میں وہ سر و رواں

بندھا ناچ اور راگ کا پھر سماں

پہر رات تک، پہنے پوشاک وہ

رہا ساتھ سب کے طرب ناک وہ

قضارا وہ شب، تھی شب چار دہ

پڑا جلوہ لیتا تھا ہر طرف مہ

نظارے سے تھا اس کے، دل کو سرور

عجب عالم نور کا تھا ظہور

عجب جوش تھا نور مہتاب کا

کہے تو کہ دریا تھا سیماب کا

ہوا شاہ زادے کا دل بے قرار

یہ دیکھی جو واں چاندنی کی بہار

کچھ آئی جو اس مہ کے جی میں ترنگ

کہا: آج کوٹھے پہ بچھے پلنگ

خواصوں نے جا شاہ سے عرض کی

کہ شہ زادے کی آج یوں ہے خوشی

ارادہ ہے کوٹھے پر آرام کا

کہ بھایا ہے عالم لب بام کا

کہا شہ نے: اب تو گئے دن نکل

اگر یوں ہے مرضی تو کیا ہے خلل

پر اتنا ہے، اس سے خبردار ہوں

جنھوں کی ہے چوکی، وہ بیدار ہوں

لب بام پر جب یہ سووے صنم

کریں سورۂ نور کو اس پہ دم

تمھارا مرا بول بالا رہے

یہ اس گھر کا قائم اجالا رہے

کہا تب خواصوں نے: حق سے امید

یہی ہے کہ ہم بھی رہیں رو سفید

پھریں حکم لے وہاں سے پھر شاہ کا

بچھونا کیا جا کے اس ماہ کا

قضارا وہ دن تھا اسی سال کا

غلط وہم ماضی میں تھا حال کا

سخن مولوی کا یہ سچ ہے قدیم

کہ آگے قضا کے، ہو احمق حکیم

پڑے اپنے اپنے جو سب عیش بیچ

نہ سوجھی زمانے کی کچھ اونچ نیچ

یہ جانا کہ یوں ہی رہے گا یہ دور

زمانے کا سمجھا انہوں نے نہ طور

کہ اس بے وفا کی نئی ہے ترنگ

یہ گرگٹ بدلتا ہے ہر دم میں رنگ

کرا بادۂ عیش درجام ریخت

کہ صد شام بر فرق صبحش نہ پیخت

نداری تعجب ز نیرنگ دہر

کہ آرد زیک حقہ تریاک و زہر

شتابی سے اٹھ ساقی بے خبر!

کہ چاروں طرف ماہ ہے جلوہ گر

بلوریں گلابی میں دے بھر کے جام

کہ آیا بلندی پہ ماہ تمام

جوانی کہاں اور کہاں پھر یہ سن

مثل ہےکہ ہے چاندنی چار دن

اگر مے کے دینے میں کچھ دیر ہے

تو پھر جان یہ تو کہ اندھیر ہے

وہ سونے کا جو تھا جڑاؤ پلنگ

کہ سیمیں تنوں کو ہو جس پر امنگ

کھنچی چادر ایک اس پہ شبنم کی صاف

کہ ہو چاندنی، جس صفا کی غلاف

دھرے اس پہ تکیے کئی نرم نرم

کہ مخمل کو ہو جس کے دیکھے سے شرم

کہاں تک کوئی اس کی خوبی کو پائے

جسے دیکھ، آنکھوں کو آرام آئے

کسے اس پہ کسنے وہ مقیش کے

کہ جھبوں میں تھے جس کے موتی لگے

سراسر ادقچے رزی باف کے

کہ تھے رشک آئینہ صاف کے

وہ گل تکیے اس کے جو تھے رشک ماہ

کہ ہر وجہ تھی ان کو خوبی میں راہ

کہوں اس کے گل تکیوں کا کیا بیاں

کہ بے وجہ رکھتا نہ تھا گال واں

کبھی نیند میں جب کہ ہوتا تھا وہ

تو رخسار رکھ اپنا، سوتا تھا وہ

چھپائے سے ہوتا نہ، حسن اس کا ماند

کہے تو، لگائے تھے مکھڑے پہ چاند

زبس نیند میں تھا جو وہ ہورہا

بچھونے پہ آتے ہی بس سورہا

وہ سویا جو اس آن سے بے نظیر

رہا پاسباں اس کا ماہ منیر

ہوا اس کے سونے پہ عاشق جو ماہ

لگا دی ادھر اپنی اس نے نگاہ

وہ مہ اس کے کوٹھے کا ہالا ہوا

غرض واں کا عالم دو بالا ہوا

وہ پھولوں کی خوش بو، وہ ستھرا پلنگ

جوانی کی نیند اور وہ سونے کا رنگ

جہاں تک کہ چوکی کے تھے باری دار

ہوا جو چلی، سو گئے ایک بار

غرض سب کو واں عالم خواب تھا

مگر جاگتا ایک مہتاب تھا

قضارا ہوا اک پری کا گزر

پڑی شاہ زادے پہ اس کی نظر

بھبھوکا سا دیکھا جو اس کا بدن

جلا آتش عشق سے اس کا تن

ہوئی حسن پر اس کے جی سے نثار

وہ تخت اپنا لائی ہوا سے اتار

جو دیکھا، تو عالم عجب ہے یہاں

منور ہے سارا زمیں آسماں

دوپٹے کو اس مہ کے منہ سے اٹھا

دیا گال سے گال اپنا م

karun pahle tauhid yazdan raqam

jhuka jis ke sajde ko awwal qalam

sar-e-lauh par rakh bayaz-e-jabin

kaha: dusra koi tujh sa nahin

qalam phir shahadat ki ungli utha

hawa harf zan yun ke: rab-e-alula!

nahin koi tera, na hoga sharik

tiri zat hai wahda la sharik

parastish ke qabil hai toai karim!

ke hai zat teri ghafur-e-rahim

rah hamd mein teri izz-o-jal!

tujhe sajda karta chalun sar ke bal

wo, alhaq ke aisa hi maabud hai

qalam jo likhe, us se afzud hai

sabhon ka wahi din-o-iman hai

ye dil hain tamam aur wahi jan hai

tar-o-taza hai us se gulzar-e-khalq

wo abr-e-karam, hai hawa dar-e-khalq

agarche wo be fikr-o-ghayur hai

wale parwarish sab ki manzur hai

kisi se bar awe na kuchh kam jan

jo wo mehrban ho, to gul mehrban

agarche yahan kya hai aur kya nahin

par, is ban to koi kisi ka nahin

maue par nahin us se raft-o-guzasht

usi ki taraf sab ki hai bazgasht

raha kaun aur kis ki babat rahi

maue aur jite wahi hai wahi

nihan sab mein, aur sab mein hai ashkar

ye sab us ke alam hain hazhda hazar

dare sab hain us se, wahi sab se pesh

hamesha se hai aur rahega hamesh

chaman mein, hai wahdat ke, yakta wo gul

ke mushtaq hain us ke sab juz-o-kul

usi se hai kaaba, usi se kinshat

usi ka hai dozakh, usi ka bahisht

jise chahe jannat mein dewe maqam

jise chahe dozakh mein rakhe mudam

wo hai malik almalik duniya-o-din

hai qabze mein us ke zaman-o-zamin

sada be numudon ki us se numud

dil bastagan ki hai us se kashud

usi ki nazar se hai ham sab ki did

usi ke sukhan par hai sab ki shanid

wahi nur, hai sab taraf jalwa gar

usi ke ye zarre hain shams-o-qamar

nahin us se khali gharaz koi shai

wo kuchh shai nahin, par har ik shai mein hai

na gauhar mein hai wo, na hai sang mein

o lekin chamakta hai har ik rang mein

wo zahir mein har chand zahir nahin

pe, zahir koi, us se bahar nahin

taammul se kije agar ghaur kuchh

to sab kuchh wahi hai, nahin aur kuchh

usi gul ki bu se hai khush bu gulab

phire hai liye sath dariya, habab

par, is josh mein a ke, bahna nahin

samajhne ki hai bat, kahna nahin

qalam, go zaban lawe apni hazar

likhe kis tarah hamd-e-parwardigar

ke ajiz hai yan ambiya ki zaban

zaban-e-qalam ko ye qudrat kahan!

is ohde se koi bhi nikla kahin!

siwa ijz, darpesh yan kuchh nahin

wo maabud-e-yakta, khudae jahan

ke jis ne kiya ''kin'' mein kaun-o-makan

diya aql-o-idrak us ne hamen

kiya khak se pak us ne hamen

payambar ko bheja hamare liye

wassi aur imam us ne paida kiye

jahan ko inhon ne diya intizam

burai bhalai sujhai tamam

dikhai inhon ne hamen rah-e-rast

ke ta, ho na, is rah ki baz khwast

so wo kaun si rah? shar-e-nabi

ke raste ko jannat ke sidhi gai

naat hazrat-e-risalat panah ki

nabi kaun, yaani rasul-e-karim

nabuwwat ke dariya ka dar-e-yatim

hawa go ke zahir mein ammi laqab

pe, ilm ladni khula dil pe sab

baghair az likhe, aur kiye be raqam

chale hukm par us ke lauh-o-qalam

hawa ilm den us ka jo ashkar

guzishta hue hukm, taqwim par

utha kufr islam zahir kiya

buton ko khudai se bahar kiya

kiya haq ne nabiyon ka sardar use

banaya nabuwwat ka haq dar use

nabuwwat jo ki us pe haq ne tamam

likha: ashraf alnnas, kheru illanam

banaya samajh bojh kar khub use

khuda ne kiya apna mahbub use

karun us ke rutbe ka kya main bayan

khare hun jahan bandh saf mursalan

masih us ki khar gah ka para doz

tajalli-e-tur us ki mashal faroz

khalil us ke gulzar ka baghban

sulaiman se kai mehr dar us ke yan

khizar us ki sarkar ka abdar

zira saz daud se das hazar

mohammad ki manind jag mein nahin

hua hai na aisa, na hoga kahin

ye thi ramz, jo us ke saya na tha

ke rang-e-dui wan tak aya na tha

na hone ka saye ka tha ye sabab

hawa sirf-e-poshish mein kaabe ki sab

wo qad is liye tha na saya fagan

ke tha gul wo ik mojize ka badan

bana saya us ka latif is qadar

na aya latafat ke bais nazar

ajab kya jo us gul ka saya na ho

ke tha wo, gul-e-qudrat-e-haq ki bu

khush aya na, saye ko, hona juda

isi nur-e-haq ke raha zer-e-pa

na dali kisi shakhs par apni chhano

kisi ka na munh dekha, dekh us ke paon

wo hota zamin gir kya farsh par

qadam us ke saye ka tha arsh par

na hone ki saye ke ik wajh aur

mujhe khub sujhi, pe hai shart-e-ghaur

jahan tak ke the yan ke ahl-e-nazar

samajh maya-e-nur, kohl albasar

sabhon ne liya putliyon par utha

zamin par na saye ko girne diya

siyahi ka putli ki hai ye sabab

wahi saya phirta hai ankhon mein ab

wagarna ye thi chashm apni kahan

usi se ye raushan hai sara jahan

nazar se jo ghaib wo saya raha

mulaik ke dil mein samaya raha

nahin hamsar us ka koi, jo ali

ke bhai ka bhai, wassi ka wassi

hui jo nabuwwat nabi par tamam

hui nemat us ke wassi par tamam

jahan faiz se un ke hai kam yab

nabi aftab-o-ali mahtab

manqabat hazrat amirulmominin ki

ali din-o-duniya ka sardar hai

ke mukhtar ke ghar ka mukhtar hai

dayar-e-imamat ke gulshan ka gul

bahar-e-wilayat ka bagh-e-sabal

ali raz dar khuda-o-nabi

khabardar sar-e-khafi-o-jali

ali banda-e-khas dargah-e-haq

ali salik-o-rahbar-e-rah-e-haq

ali wali, ibn-e-amma rasul

laqab shah mardan-o-zoj-e-batul

kahe yun jo chahe koi bair se

pe nisbat ali ko nahin ghair se

khuda nafas peghbrash khudanda ast

digar afzaliyyat ba kis manda ast?

yahan bat ki bhi samai nahin

nabi-o-ali mein judai nahin

nabi-o-ali, har do nisbat baham

du ta-o-yakke, chun zaban-e-qalam

ali ka adu: dozakhi, dozakhi

ali ka muhib: janti, janti

nabi aur ali, fatima aur husn

hasin ibn-e-haidar, ye hain panj tan

hui un pe do jag ki khubi tamam

unhon par durud aur unhon par salam

ali se laga ta ba mahdi-e-din

ye hain ek nur-e-khuda-e-barin

unhon se hai qaim imamat ka ghar

ke bara sutun hain ye asna ushar

saghira, kabira se ye pak hain

hisab-e-amal se ye be bak hain

hawa yan se zahir kamal-e-rasul

ke behtar hui sab se al-e-rasul

salam un pe jo un ke ashab hain

wo ashab kaise, ke ahbab hain

khuda ne unhon ko kaha mominin

wo hain zinat-e-asman-o-zamin

khuda un se razi, rasul un se khush

ali un se razi, batul un se khush

hui farz un ki hamen dosti

ke hain dil se wo jan nisar-e-nabi

ilahi! ba haq rasul-e-amin

ba haq ali-o-ba ashab den

ba haq batul-o-ba al-e-rasul

karun arz jo main, so hue qubul

ilahi! mein banda gunahgar hun

gunahon main apne giran bar hun

mujhe bakhshiyo mere parwardigar!

ke hai to karim aur amurzgar

miri arz ye hai ke jab tak jyun

sharab-e-mohabbat ko teri piyun

siwa teri ulfat ke, aur sab hai hech

yahi ho, na ho aur kuchh ech pech

jo gham ho, to ho al-e-ahmad ka gham

siwa is alam ke na ho kuchh alam

rahe sab taraf se mire dil ko chain

ba haq husn aur ba haq hasin

kisi se na karni pare iltija

tu kar khud ba khud meri hajat rawa

sahih aur salim sada mujh ko rakh

khushi se hamesha khuda! mujh ko rakh

miri al aulad ko shad rakh

mire doston ko to abad rakh

main khata hun jis ka namak ai karim!

sada rahm kar us pe to ai rahim!

jyun abru aur hurmat ke sath

rahon main azizon mein izzat ke sath

bar awen mire din-o-duniya ke kam

ba haq mohammad alaya alssalam

teref sukhan ki

pila mujh ko saqi! sharab-e-sukhan

ke maftuh ho jis se bab-e-sukhan

sukhan ki mujhe fikr din rat hai

sukhan hi to hai, aur kya bat hai

sukhan ke talab gar hain aql mand

sukhan se hai nam-e-nako yan buland

sukhan ki karen qadr mardan-e-kar

sukhan, nam un ka rakhe barqarar

sukhan se wahi shakhs rakhte hain kam

jinhen chahiye sath neki ke nam

sukhan se salaf ki bhalai rahi

zaban-e-qalam se barai rahi

kahan rustam-o-gew-o-afrasiyab

sukhan se rahi yad ye naql-e-khwab

sukhan ka sila yar dete rahe

jawahir sada mol lete rahe

sukhan ka sada garm bazar hai

sukhan sanj us ka kharidar hai

rahe jab talak dastan-e-sukhan

ilahi! rahe qadardan sukhan

madh shah alam badshah ki

khadew falak shah ali guhar

zamin bos hun jis ke shams-o-qamar

jahan us ke partau se hai kam yab

wo hai burj iqlim mein aftab

isi mehr se hai munawwar ye mah

jahan howe aur ho jahan dar shah

wo mehr-e-munawwar, ye mah-e-munir

aur us ka ye najm-e-saadat wazir

madh wazir asaf alddaula ki

falak rutba nawwab ali janab

ke hai asaf alddaula jis ka khitab

wazir jahan, hakim adl-o-dad

hai abadi-e-mulk jis ki murad

jahan, adl se us ke abad hai

gharibon, faqiron ka dil shad hai

phire bhagta mor se fel-e-mast

zabardast zalim, pe hai zerdast

katan par kare mah agar bad nazar

tu adha idhar howe adha idhar

kisi ka agar muft le zulf-e-dil

tu khaya kare pech wo muttasil

wo insaf se jo guzarta nahin

kisi par koi shakhs marta nahin

to ho bag, bakri mein kuchh guftugu

agar us ka chita na howe kabhu

gar awaz sun said ki, kuchh kahe

tu baz ae chippak ke bahri rahe

phire shama ke gard gar a ke chur

saba khinch le jawe us ku ba zor

na le jab talak shama parwanagi

patange ke par ko na chhere kabhi

agar ap se us pe wo a gire

tu fanus mein shama chhupti phire

gar ahyanan us ke jalen bal-o-par

tu gul gir, le shama ka kat sar

use adl ki jo tarah yad hai

kise yad hai? ye khuda dad hai

sitam us ke hatho se roya kare

sada fitna-e-dahr soya kare

gharon mein faraghat se sote hain sab

pare ghar mein chur apne rote hain sab

wo hai bais-e-amn khirad-o-kalan

ke hai nam se us ke mashq-e-aman

bayan-e-sakhawat karun gar raqam

tu dar rez kaghaz pe howe qalam

nazar se tawajjoh ki dekha jidhar

diya misl-e-nargis use sim-o-zar

sakhawat ye adna si ek us ki hai

ke ik dn do shale diye sat se

siwa us ke, hai aur ye dastan

ke ho jis pe qurban hatim ki jan

hui kam jo ik bar kuchh barshgal

girani si hone lagi ek sal

gharibon ka dam sa nikalne laga

tawakkul ka bhi paon chalne laga

waziralmamalik ne tadbir kar

khuda ki diya rah par mal-o-zar

mohalle mohalle kiya hukm ye

ke bare ki is gham ke kholen girah

ye chaha ke khilqat kisi dhab jiye

tike lakh lakh ek din mein diye

ye laghzish pari mulk mein jo tamam

liya hath ne us ke gartun ko tham

ye banda nawazi, ye jan parwari

ye ain-e-sardari-o-sarwari

hue zat par is sakhi ki tamam

takalluf hai age sakhawat ka nam

faqiron ki bhi yan talak to bani

ke ik ik yahan ho gaya hai ghani

ye kya dakhl awaz de jo gada

chatakne ki gul ke na howe sada

qadah le ke nargis jo howe khari

tu khajlat se jawe zamin mein guri

na ho us ka shamil jo abr-e-karam

asar abr-e-naisan se howe adam

har ik kam us ka: jahan ki murad

falatun tabiat, arstu nazhad

jab aisa wo paida hua hai bashar

tab us ko diya hai ye kuchh mal-o-zar

likhun gar shujaat ka us ki bayan

qalam ho mira rustam-e-dastan

ghazab se wo hath apna jis par uthae

ajal ka tamancha qasam us ki khae

kare jis jagah zor us ka numud

dil ahan ka is ja pe howe gabod

chale tegh gar us ki zor-e-masaf

nazar awe dushman ka maidan saf

agar be hayai se koi adu

mila dewe is tegh se munh kabhu

to aise hi kha kar gire sar ke bal

ke sar par khari us ke rowe ajal

na ho kyunke wo tegh-e-barq-e-ghazab

ke burrish ki tashdid, jauhar hain sab

lagawe agar koh par ek bar

guzar jae yun, jaise sabun mein tar

hui ham qasam us se tegh-e-ajal

nikal ae ye, gir pare wo ugal

ghazab se, ghazab, us ke kanpa kare

tahwar bhi haibat se us ki dare

aur is zor par hai ye ilm-o-haya

ke hai khalq ka jaise dariya baha

jahan tak ke hain ilm-o-nasab-o-kamal

har ik fan mein mahir hai wo khush khisal

sukhan dan, sukhan sanj, shirin zaban

wazir jahan-o-wahid zaman

sukhan ki nahin us se poshida bat

ghawamaz hain sab sahl us ke nikat

saliqa har ik fan mein, har bat mein

nikalti nai bat din rat mein

sada sair par aur tamashe pe dil

kushada dili aur khushi muttasil

na ho us ko kyun kar hoai shikar

tahwar shiaron ka hai ye shiar

dileron ke tain, hai dileron se kam

ke rahta hai sheron ko sheron se kam

shahan ra zarurast mashq shikar

ke aed piye said-e-dil ha ba kar

khule, band jitne hain sahra mein said

hain nawwab ke dam ulfat mein qaid

zamharash dil-e-ahwan sokhta

ba fitrak o chashmha dokhta

shujaat ka, himmat ka ye, kam hai

diram hath mein hai ke ya dam hai

na hota agar us ko azm-e-shikar

darindon se bachta na shahr-o-dayar

na bachte jahan bich khirad-o-buzurg

ye ho jate sab luqma-e-sher-o-gurg

ye insan par us ka ehsan hai

ke be khauf insan ki jan hai

banai jahan us ne nakhchir gah

rahe said wan ake sham-o-pagah

rakha said bahri pe jis dam khayal

liya pusht par apni mahi ne jal

magar apna dete hain ji jan kar

ke tapo pe girte hain an an kar

na samjho nikalte hain dariya mein sos

khushi se uchhalte hain dariya mein sos

charindon ka dil is taraf hai laga

parindon ko rahti hai us ki hawa

palangon ka hai balke chita yahi

kamar a bandhawe hamari wahi

khare arne hote hain sar jor jor

ke ji kaun deta hai bad bad ke hor

khabar us ki sun kar na gainda chale

ke hathi bhi ho mast, enda chale

jo kuchh dil mein gainde ke awe khayal

tu bhage is age sipar apni dal

itaat ke halqe se bhage jo fel

palak, us ki ankhon mein, ho tafta mel

so wo to itaat mein yak dast hain

nashe mein mohabbat ke sab mast hain

usi ke liye go ke hain we pahar

qadam apne rakhte hain sab gar gar

ke shayad musharraf sawari se hun

sar afraz chal kar ammaari se hun

chalan jab ye kuchh howen haiwan ke

to phir haq ba janib hai insan ke

kise ho na sohbat ki us ki hawas

wale kya kare, jo na ho dastaras

falak bar gaha, malak dar gaha!

juda mein jo qadmon se tere raha

na kuchh aql ne aur na tadbir ne

rakha mujh ko mahrum-e-taqdir ne

purab aql ne mere khole hain gosh

diya hai madad se tiri mujh ko hosh

so main, ik kahani bana kar nai

dar fikr se gundh lariyan kai

le aya hun khidmat mein bahr-e-niyaz

ye ummid hai phir, ke hun sarfaraz

mire uzr-e-taqsir howen qubul

ba haq ali-o-ba al-e-rasul

rahe jah-o-hashmat ye teri mudam

ba haq mohammad, alaya alssalam

rahen shad-o-abad kal khair khwah

phiren is gharane ke dushman tabah

ab age kahani ki hai dastan

zara suniyo dil de ke us ka bayan

kisi shahr mein tha koi badshah

ke tha wo shahanshah-e-giti panah

malak khu, malak shah rakhta tha nam

falak par mah-o-mehr us ke ghulam

bahut hashmat-o-jah-o-mal-o-manal

bahut fauj se apni farkhunda hal

kai badshah us ko dete the baj

khata aur khutan se wo leta khiraj

koi dekhta a ke jab us ki fauj

tu kahta ke: hai bahr-e-hasti ki mauj

tawile ke us ke jo adna the khar

unhen naal bandi mein milta tha zar

jahan tak ke sarkash the atraf ke

wo is shah ke rahte the qadmon lage

raiyyat thi asuda-o-be khatar

na gham muflisi ka, na chori ka dar

ajab shahr tha us ka minu sawad

ke qudrat khudai ki ati thi yad

lage the har ik ja pe wahan sang-o-khisht

har ik kucha us ka, tha rashk-e-bahisht

zamin sabz-o-sairab alam tamam

nazar ko tarawat wahan subh-o-sham

kahin chah-o-mambaa, kahin hauz-o-nahr

har ik ja pe ab-e-latafat ki lahr

imarat thi gach ki wahan pesh-e-tar

ke guzre safai se jis par nazar

karun us ki wusat ka kya main bayan

ke jun asfahan, tha wo nisf jahan

hunar mand wan ahl-e-hirfa tamam

har ik nau ki khalq ka izdiham

ye dil chasp bazar tha chok ka

ke thahre jahan, bas wahin dil laga

jahan tak ye raste the bazar ke

kahe to ke takhte the gulzar ke

safa par jo us ki nazar kar gae

use dekh kar sang-e-marmar gae

kahun qile ki us ke kya main shikwa

gae dab, bulandi ko dekh us ki, koh

wo daulat sara khana-e-nur tha

sada aish-o-ishrat se maamur tha

hamesha khushi, rat din sair-e-bagh

na dekha kisi dil pe, juz lala, dagh

sada aish-o-ishrat, sada rag-o-rang

na tha zist se koi apni ba tang

ghani wahan wa, jo ke aya tabah

ajab shahr tha wo ajab badshah

na dekha kisi ne koi wan faqir

hue us ki daulat se ghar ghar amir

kahan tak kahun us ka jah-o-hasham

mahal-o-makan us ka rashk-e-iram

hazaron pari paikar us ke ghulam

kamar basta khidmat mein hazir mudam

sada mah rawiyon se sohbat use

sada jama zebon se raghbat use

kisi taraf se wo na rakhta tha gham

magar ek aulad ka tha alam

isi bat ka us ke tha dil pe dagh

na rakhta tha wo apne ghar ka charagh

dinon ka ajab us ke ye pher tha

ke is raushni pe ye andher tha

waziron ko ik roz us ne bala

jo kuchh dil ka ahwal tha, so kaha

ke main kya karunga ye mal-o-manal

faqiri ka hai mere dil ko khayal

faqir ab na hun, to karun kya ilaj

na paida hua waris-e-takht-o-taj

jawani miri ho gai sab basar

numudar piri hui sar ba sar

daregha ke ahd-e-jawani gazshat

jawani magu, zindagani gazshat

bahut mulk par jan khoya kiya

bahut fikr duniya mein roya kiya

zahe be tamizi-o-be hasili

ke az fikr duniya, ze den ghafili

waziron ne ki arz ke ai aftab!

na ho tujh ko zarra kabhi iztirab

faqiri jo kije to duniya ke sath

nahin khub, jana idhar khali hath

karo saltanat, le ke aamal nek

ke ta do jahan mein rahe hal nek

jo aqil hun, we soch mein tuk rahen

ke aisa na howe ke phir sab kahin

tu kar-e-zamin ra nako sakhti

ke bar asman niz pardakhti

ye duniya jo hai mazra-e-akhirat

faqiri mein zae karo us ko mat

ibadat se is kisht ko ab-e-do

wahan ja ke khirman hi tayyar lo

rakho yad adl-o-sakhawat ki bat

ke is faiz se hai tumhari najat

magar han, ye aulad ka hai jo gham

so us ka taraddud bhi karte hain ham

ajab kya ke howe tumhare khalaf

karo tum na auqat apni talaf

na lao kabhi yas ki guftugu

ke quran mein aya hai: la taqnato

bulate hain ham ahl tanjaim ko

nasibon ko apne zara dekh lo

tasalli to di shah ko is namat

wale ahl-e-tanjaim ko bheje khat

nujumi-o-rammal aur barahman

gharaz yad tha jin ko is dhab ka fan

bala kar unhen shah kanne le gae

jun hi ru ba ro shah ke sab we gae

para jab nazar wo shah-e-taj-o-takht

dua di ke hun shah ke bedar bakht

kya qaide se nahar kar salam

kaha shah ne: main tum se rakhta hun kam

nikalo zara apni apni kitab

mira hai sawal, us ka likho jawab

nasibon mein dekho to mere kahin

kisi se bhi aulad hai ya nahin

ye sun kar, we rammal tale shanas

lage khinchne zaiche be qayas

dhare takhte age, liya qura hath

laga dhyan aulad ka us ke sath

jo phenken, to shaklen kai baithen mil

kai shakl se dil gaya un ka khul

jamaat ne rammal ki arz ki

ke hai ghar mein ummid ke kuchh khushi

ye sun ham se ai alamon ke shafiq

bahut ham ne takrar ki har tariq

bayaz apni dekhi jo is ramal ki

to ek ek nukta, hai fard-e-khushi

hai is bat par ijtima tamam

ke tale mein farzand hai tere nam

zan-o-zoj ke ghar mein hai gi farah

piya kar mai wasl ka to qadah

nujumi bhi kahne lage dar jawab

ke ham ne bhi dekhi hai apni kitab

nuhusat ke din sab gae hain nikal

amal apna sab kar chuka hai zuhal

sitare ne tale ke, badle hain tur

khushi ka koi din mein ata hai dur

nazar ki jo tasdis-o-taslis par

to dekha ke hai nek sab ki nazar

kiya pandaton ne jo apna bichar

to kuchh ungliyon par kya phir shumar

janam patra shah ka dekh kar

tula aur birichchhak pe kar kar nazar

kaha: ram ji ki hai tum par diya

chandrama sa balak tire howe ga

nikalte hain ab to khushi ke bachan

na ho gar khushi, to na hun barahman

meharaj ke honge maqsad shitab

ke aya hai ab panchwan aftab

nasibon ne ki ap ke yawari

ke ai hai ab satwin mushtari

muqarrar tire, chahiye, ho pisar

ke deti hai yun apni pothi khabar

wo lekin muqaddar hai kuchh aur bhi

ke hain is bhale mein, bure tur bhi

ye larka to hoga, wale kya kahen

khatar hai use barhwen baras mein

na awe ye khurshid bala-e-bam

bulandi se khatra hai us ko tamam

na nikle ye bara baras rashk-e-mah

rahe burj mein ye mah-e-charda

kaha shah ne ye sun ke, un ke tain

kaho, ji ka khatra to us ko nahin?

kaha: jan ki sab tarah khair hai

magar dasht-e-ghurbat ki kuchh sair hai

koi us pe ashiq ho jin-o-pari

koi us ki maashuq ho istiri

kuchh aisa nikalta hai pothi mein ab

kharabi ho us par kisi ke sabab

hui kuchh khushi shah ko aur kuchh alam

ke duniya mein tawam hain shadi-o-gham

kaha shah ne: us par nahin etibar

jo chahe kare mera parwardigar

ye farma, mahal mein dar amad hue

munajjam wahan se bar amad hue

khuda par zabas us ka tha etiqad

laga mangne apni haq se murad

khuda se laga karne wo iltija

laga ap masjid mein rakhne diya

nikala muradon ka akhir suragh

lagai idhar lau, to paya charagh

sahab-e-karam ne kiya jo asar

hui kisht-e-ummid ki barwar

isi sal mein, ye tamasha suno

raha haml ik zauja-e-shah ko

jo kuchh dil pe guzre the ranj-o-taab

mubaddil hue we khushi sath sab

khushi se pila mujh ko saqi! sharab

koi dam mein bajta hai chang-o-rabab

karun naghma-e-tananiyyat ko shuru

ke ik nek akhtar kare hai tulu

gae nau mahine jab us par guzar

hawa ghar mein shah ke tawallud pisar

ajab sahab-e-husn paida hua

jise mehromah dekh shaida hua

nazar ko na ho husn par us ke tab

use dekh, be tab ho aftab

hawa wo jo us shakl se dil pazir

rakha nam us ka shah-e-be nazir

khawason ne, khwaja saraon ne ja

kai nazren guzraniyan aur kaha

mubarak tujhe ai shah-e-nek bakht!

ke paida hua waris-e-taj-o-takht

sikandar nazhad aur dara hasham

falak martabat aur utarid raqam

rahe us ke iqlim zer-e-nagin

ghulami karen us ki khaqan chin

ye sunte hi muzhda, bichha ja namaz

kiye lakh sajde, ke ai be niyaz!

tujhe fazl karte nahin lagti bar

na ho tujh se mayus, ummid dar

dogana gharaz shukr ka kar ada

tahye kiya shah ne jashn ka

we nazren khawason ki, khujun ki le

unhen khilat-o-zar ka inam de

kaha: jao, jo kuchh ke darkar ho

kaho khansaman se tayyar ho

naqibon ko balwa ke ye ke diya

ke naqqar khane mein do hukm ja

ke naubat khushi ki bajawen tamam

khabar sun ke ye shad hun khas-o-am

ye muzhda jo pahuncha, to naqqarchi

laga har jagah badla aur zari

bana thath naqqar khane ka sab

mahiya kar asbab-e-aish-o-tarab

ghilaf us pe banat par zar ke tank

shitabi se naqqaron ko saink sanak

diya chob ko pahle bam se mila

lagi phailne har taraf ko sada

kaha zer se bam ne bahr-e-shugun

ke dun dun khushi ki khabar kyun na dun

baje shadiyane jo wan us ghari

hui gard-o-pesh a ke khilqat khari

baham mil ke baithe jo shahna nawaz

bana munh se pharki, laga us pe saz

saron par we sar pech maamul ke

khushi se, hue gal gul, phul ke

lage lene apjen khushi se nai

urana laga bajne aur saghri

takoron mein naubat ke shahna ki dhun

sughar sunne walon ko karti thi sun

tarhi aur qarna-e-shadi ke dam

lage bharne zil aur kharaj mein baham

suni jhanjh ne jo khushi ki nawa

thirakne laga, taliyon ko baja

nae sar se alam ko ishrat hui

ke larke ke hone ki naubat hui

mahal se laga taba diwan-e-am

ajab tarah ka ik hua izdiham

chale le ke nazren wazir-o-amir

lage khinchne zar ke taude faqir

diye shah ne shahzade ke nano

mashaikh ko aur pir zadon ko ganw

amiron ko jagir, lashkar ko zar

waziron ko almas-o-laal-o-guhar

khawason ko, khujun ko jore diye

piyade jo the, un ko ghore diye

khushi se kiya yan talak zar nisar

jise ek dena tha, bakhshe hazar

kya bhand aur bhaktiyon ne hujum

hui ''ahe ahe mubarak'' ki dhum

laga kanchani, chuna pazni tamam

kahan tak main lun nirt karon ka nam

jahan tak ke sazinde the saz ke

dhani dast ke aur awaz ke

jahan tak ke the gayak aur tant kar

lage gane aur nachne ek bar

lage bajne qanun-o-bain-o-rabab

baha har taraf ju-e-ishrat ka ab

lagi thap tablon pe mirdang ki

sada unchi hone li chang ki

kamanchon ko, sarangiyon ko bana

khushi se har ik un ki tarbin mila

laga tar par mom marchang ke

mila sar tamburon ke yak rang ke

sitaron ke parde bana kar durust

bajane lage sab we chalak-o-chust

gai baen ki asman par gamak

utha gumbad-e-charkh sara dhamk

khushi ki zabas har taraf thi bisat

lage nachne us pe ahl-e-nishat

kinari ke jore chamakte hue

do panon mein ghungru jhunkutte hue

wo ghatna, wo barhna adaon ke sath

dikhana wo rakh rakh ke chhati pe hath

do bale chamakte hue kan mein

pharakna wo nathne ka har an mein

kabhi dil ko paon se mil dalna

nazar se kabhi dekhna bhalna

dikhana kabhi apni chhab muskura

kabhi apni angiya ko lena chhupa

kisi ke wo mukhre pe nath ki phaban

kisi ke chamakte hue nauratan

wo danton ki missi, wo gul barg-e-tar

shafaq mein ayan jaise sham-o-sahar

wo garmi ke chehre, ke jun aftab

jise dekh kar dil ko ho iztirab

chamakna gulon ka safa ke sabab

wo gardan ke dore qayamat, ghazab

kabhi munh ke tain pher lena idhar

kabhi chori chori se karna nazar

dupatte ko karna kabhi munh ki ot

ke parde mein ho jaen dil laut pot

har ik tan mein un ko arman ye

ke dil lijiye tan ki jan ye

koi fan mein sangit ke shola ro

barm, jog, luchhmi ki le, par milo

koi derh gat hi mein panon tale

khari ashiqon ke dilon ko mile

koi daire mein baja kar paran

koi dhamdhami mein dikha apna fan

gharaz har tarah dil ko lena unhen

nai tarah se dagh dena unhen

kabhi mar thokar, karen qatl-e-am

kabhi hath utha, lewen girte ko tham

kahin dharpat aur git ka shor-o-ghul

kahin qaul-o-qalbana-o-naqsh-o-gul

kahin bhand ke walwalon ka saman

kahin nach kashmiriyon ka wahan

manjira, pakhawaj, gale dal dhol

bajate the is ja khare, bandh ghaul

mahal mein jo dekho to ik izdiham

mubarak salamat ki thi dhum dham

wahan bhi to thi aish-o-ishrat ki dhum

pari paikaron ka har ik ja hujum

chhutti tak gharaz thi khushi hi ki bat

ke din eid aur rat thi shab barat

barhe abr hi abr mein jun hilal

mahal mein laga palne wo nau nihal

baras ganth jis sal us ki hui

dil bastagan ki girah khul gai

wo gul jab ke chauthe baras mein laga

barhaya gaya dudh us mah ka

hui thi jo kuchh pahle shadi ki dhum

isi tarah se phir hua wo hujum

tawaif wahi aur wahi rag-o-rang

hui balke duni khushi ki tarang

wo gul paon se apne jis ja chala

wahan ankh ko nargison ne mila

laga phirne wo sarw jab paon paon

kiye barde azad tab us ke nano

mai arghawani pila saqiya!

ke taamir ko bagh ki dil chala

diya shah ne tartib ik khana bagh

hawa rashk se jis ke, lale ko dagh

imarat ki khubi, darun ki wo shan

lage jis mein zar bafat ke sa yaban

chaqen aur parde bandhe zar nigar

darun par khari dast-e-basta bahar

koi dur se dar par atka hua

koi zeh pe khubi se latka hua

wo muqayyash ki doriyan sar ba sar

ke mah ka bandha jis mein tar-e-nazar

chaqon ka tamasha, tha ankhon ka jal

nigah ko wahan se guzarna muhal

sunahri, mugharraq chhaten sariyan

wo diwar aur dar ki gul kariyan

diye char su aine jo laga

gaya chauguna lutf is mein sama

wo makhmal ka farsh is mein suthra ke bas

barhe jis ke age na pae hawas

rahen lakhlakhe is mein raushan mudam

muattar shab-o-roz jis se masham

chhappar khit murassaa ka dalan mein

chamakta tha is tarah har an mein

zamin par thi is taur us ki jhalak

sitaron ki jaise falak par chamak

zamin ka karun dhan ki kya main biya n

ke sandal ka ik parcha tha ayan

bani sang mar mar se chau par ki nahr

gai charso, us ke pani ki lahr

qarine se gard us ke sarwisahi

kuchh ik dur dur us se seb-o-bahi

kahun kya main kaifiyat dar bast

lagae rahen tak wahan mai parast

hoai bahari se gul lahlihe

chaman sare shadab aur dahad hai

zamurrad ki manind sabze ka rang

rawish ka, jawahir hua jis se sang

rawish ki safai pe be ikhtiyar

gul-e-ashrafi ne kiya zar nisar

chaman se bhara bagh, gul se chaman

kahin nargis-o-gul, kahin yasaman

chambeli kahin aur kahin motiya

kahin rae bel aur kahin mugra

khare shakh shabu ke har janshan

mudun ban ki aur hi an-e-ban

kahin arghawan aur kahin lala zar

jadi apne mausam mein sab ki bahar

kahin chandni mein gulon ki bahar

har ik gul safedi se mahtab war

khare sarw ki tarah champe ke jhar

kahe to ke khush buiyon ke pahar

kahin zard nasrain, kahin nastaran

ajab rang par zafrani chaman

pari abjo, har taraf ko bahe

karen qamariyan sarw par chahchahe

gulon ka lab-e-nahr par jhumna

isi apne alam mein munh chumna

wo jhuk jhuk ke girna khiyaban par

nashe ka sa alam gulistan par

liye belche hath mein malne

chaman ko lagen dekhne bhalne

kahin tukhm pashi karen khod kar

paniri jamawen kahin god kar

khare shakh dar shakh baham nihal

rahen hath jun mast-e-gardan pe dal

lab jo ke aine mein dekh qad

akarna khare sarw ka jid na tad

khiraman saba sehn mein char su

dimaghon ko deti phire gul ki bu

khare nahr par qaz aur qar qare

liye sath murghabiyon ke pare

sada qar quron ki, butun ka wo shor

darakhton pe bagle, munderon pe mor

chaman atish-e-gul se dahka hua

hawa ke sabab bagh mahka hua

saba jo gai dhiriyan kar ke bhul

pare har taraf munisriyon ke phul

wo kilon ki aur munisriyon ki chhano

lagi jaen ankhen liye jin ka nano

khushi se gulon par sada bulbulen

taashshuq ki apas mein baten karen

darakhton ne bargon ke khole waraq

ke len tutiyan bostan ka sabaq

saman qamariyan dekh is an ka

barhen bab-e-panjum gulistan ka

dawa, daiyan aur mughlaniyan

phiren har taraf is mein jalwa kunan

khawason ka aur laundiyon ka hujum

mahal ki wo chahlen, wo apas ki dhum

takalluf ke pahne phiren sab libas

rahen rat din shah zade ke pas

kanizan-e-mah ru ki har taraf rel

chambeli koi aur koi rae bel

shagufa koi aur koi kam rup

koi chit lagan aur koi siyam rup

koi kitaki aur koi gulab

koi mah ratan aur koi mahtab

koi sewti aur hans mukh koi

koi dil lagan aur tan sukh koi

idhar aur idhar atiyan jatiyan

phiren apne joban mein utaratiyan

kahin chutkiyan aur kahin taliyan

kahin qahqahe aur kahin galiyan

kahin apni piti sanware koi

ari aur tiri kah pukare koi

bajati phire koi apne kare

kahin ''hue re'' aur kahin ''wachhire''

dikhawe koi go kharo mor mor

kahin sot bonti, kahin tar tor

ada se koi baithi huqqa piye

dam-e-dosti koi bhar bhar jiye

koi hauz mein jake ghauta lagae

koi nahr par paon baithi hilae

koi apne tote ki lewe khabar

koi apni mina pe rakhe nazar

kisi ko koi dhul mare kahin

koi jan ko apni ware kahin

koi arsi apne age dhare

ada se kahin baithi kanghi kare

muqaba koi khol missi lagae

labon par dhari koi baithi jamae

hawa in gulon se dobala saman

isi bagh mein ye bhi bagh-e-rawan

gharaz log the ye jo har kam ke

so sab waste us ke aram ke

pila jab wo is naz-o-nemat ke sath

pidar aur madar ki shafqat ke sath

hui us ke maktab ki shadi ayan

hawa phir unhen shadiyon ka saman

muallim, ataliq, munshi, adib

har ik fan ke ustad baithe qarib

kiya qaide se shuru-e-kalam

parhane lage ilm us ko tamam

diya tha zabas haq ne zehn-e-rasa

kai baras mein ilm sab parh chuka

maani-o-mantiq, bayan-o-adab

parhe us ne manqul-o-maaqul sab

khabardar hikmat ke mazmun se

gharaz jo parha us ne, qanun se

laga haiat-o-hindsa ta nujum

zamin asman mein pari us ki dhum

kiye ilm nok-e-zaban harf harf

isi nahwse umr ki us ne sirf

utarid ko us ki lagi ane res

hawa sada lauhi mein wo khush nawis

hawa jab ke nau khat wo shirin raqam

barha kar likhe sat se, nau qalam

liya hath jab khama-e-mushk bar

likha naskh-o-raihan-o-khat-e-ghubar

urus-e-alkhutut aur sulus-o-riqa

khafi-o-jali misl-e-khat-e-shua

shikasta likha aur taaliq jab

rahe dekh, hairan, ataliq sab

kiya khat-e-gulzar se jab faragh

hawa safha-e-qita, gulzar-e-bagh

karun ilm ko us ke kya main ayan

karun mukhtasar yan se ab ye bayan

kaman ke jo darpe hua be nazir

liya khinch chale mein sab fan tir

safai mein so far, paikan kiya

gaya jab ke taude pe, tufan kiya

rakha chhutte hi jo lakri pe man

liya apne qabze mein sab us ka fan

huin dast-o-bazu ki sar saiyan

uraen kai hath mein ghayan

rakha mausiqi par bhi kuchh jo khayal

kiye qaid sab us ne hathon mein tal

tabiat gai kuchh jo taswir par

rakhe rang sab us ne mad-e-nazar

kai din mein sikha ye kasb-e-tafang

ke hairan hue dekh, ahl-e-farang

so in kamalon ke, kitne kamal

murawwat ki khu, admiyyat ki chal

rizalon se, nafron se nafrat use

gharaz qabilon hi se sohbat use

gaya nam par apne wo dil pazir

har ik fan mein sach much hua be nazir

pila saqiya! mujh ko ik jam mil

jawani par aya hai ayyam-e-gul

ghanimat shimr sohbat-e-dostan

ke gul panj roz ast dar bostan

samar le bhalai ka, gar ho sake

shitabi se bu le, jo kuchh bu sake

ke rang-e-chaman par nahin etibar

yahan charkh mein hai khuzzin-o-bahar

pari jab girah barhawen sal ki

khuli gul jhari gham ke janjal ki

kaha shah ne balwa naqibon ko sham

ke hun subh hazir sabhi khas-o-am

sawari takalluf se tayyar ho

mahiya karen, jo ke darkar ho

karen shahr ko mil ke aina hind

sawari ka ho lutf jis se do chand

raiyyat ke khush hun saghir-o-kabir

ke niklega kal shahr mein be nazir

ye farma, mahal mein gae badshah

naqibon ne sun hukm, li apni rah

hui shab, liya mah ne jam-e-sharab

gaya sajda-e-shukr mein aftab

khushi se gai jald jo shab guzar

hui samne se numayan sahar

ajab shab thi wo jun sahar rospaid

ajab roz tha misl-e-roz-e-umid

gaya muzhda-e-subh le mahtab

utha suraj ankhon ko milta shitab

kaha shah ne apne farzand ko

ke baba! naha dho ke tayyar ho

pila atishin ab pir-e-mughan!

ke bhule mujhe garm-o-sard jahan

agar chahta hai mire dil ka chain

na dena wo saghar jo ho qultin

kudurat mire dil ki dho saqiya

zara shesheh mai ko dho dha ke la

ke sar garm hammam hai be nazir

gaya hai nahane ko mah-e-munir

hawa jab ke dakhil wo hammam mein

araq a gaya us ke andam mein

tan naznin nam hua s ka gul

ke jis tarah dube hai shabnam mein gul

parastar, bandhe hue lungiyan

mah-o-mehr se tas le kar wahan

lage milne us gul badan ka badan

hawa dahdaha ab se wo chaman

nahane mein yun thi badan ki damak

barasne mein bijli ki jaise chamak

labon par jo pani phira sar ba sar

nazar ae, jaise do gul barg-e-tar

hawa qatra-e-ab yun chashm-e-bos

kahe to, pare jaise nargis pe os

laga hone zahir jo ejaz-e-husn

tapakne laga us se andaz-e-husn

gaya hauz mein jo shah-e-be nazir

para ab mein aks mah-e-munir

wo gora badan aur bal us ke tar

kahe to ke sawan ki sham-o-sahar

nami ka tha balon ki alam ajab

na dekhi koi khub tar us se shab

kahun us ki khubi ki kya tujh se bat

ke jun bhigti jawe sohbat mein rat

zamin par tha ik mauja-e-nur khez

hawa jab wo fawwara san ab rez

zamurrad ke le hath mein sang pa

kiya khadimon ne jo ahang-e-pa

hansa khulkhula wo gul-e-nau bahar

liya khinch panon ko be ikhtiyar

ajab alam us naznin par hua

asar gid gadi ka jabin par hua

hansa is ada se ke sab hans pare

hue ji se qurban chhote bare

duaen lage dene be ikhtiyar

kaha: khush rakhe tujh ko parwar digar

ke teri khushi se, hai sab ki khushi

mubarak tujhe roz-o-shab ki khushi!

na awe kabhi teri khatir pe mel

chamakta rahe ye falak ka sahel

kiya ghusl jab is latafat ke sath

urha khes, lae use hathon hath

naha dho ke nikla wo gul is tarah

ke badli se nikle hai mah jis tarah

gharaz shah zade ko nahla dhula

diya khilat khusrawana panha

jawahir sarasar panhaya use

jawahir ka dariya banaya use

lari, latkan aur kalghi aur nauratan

adad ek se ek zeb-e-badan

murassaa ka sar pech jun mauj-e-ab

musaffa ba shakl-e-gul-e-aftab

wo moti ke male ba sad zeb-o-zain

kahin jis ko aram-e-jan, dil ka chain

jawahir ka tan par ajab tha zuhur

ke ek ek adad us ka, tha koh-e-tur

gharaz ho ke is tarah arasta

khiraman hua sarw naukhasta

nikal ghar se jis dam hua wo sawar

kiye khwan gauhar ke us par nisar

zabas tha sawari ka bahar hujum

hawa jab ke danka, pari sab mein dhum

barabar barabar khare the sawar

hazaron hi thi hathiyon ki qatar

sunahri, raphari thin ammaariyan

shab-o-roz ki si tarah dariyan

chamakte hue badalon ke nishan

sawaron ke ghat aur bhalon ki shan

hazaron thi atraf mein palki

jhala baur ki jagmagi nalki

kaharon ki zar bafat ki kurtiyan

aur un ke dabe paon ki phurtiyan

bandhen pagriyan tash ki sar upar

chuka chaundh mein jis se awe nazar

wo hathon mein sone ke mote kare

jhalak jis ki har har qadam par pare

wo mahi muratib, wo takht-e-rawan

wo naubat, ke dulha ka jis se saman

wo shahnaiyon ki sada khush nawa

suhani wo naubat ki is mein sada

wo ahista ghoron pe naqqarchi

qadam ba qadam balibas zari

bajate hue shadya ne tamam

chale age age mile, shad kam

sawar aur piyade, saghir-o-kabir

jilau mein tamami amir-o-wazir

we nazren ke jis jis ne thin thaniyan

shah-o-shah zade ko guzraniyan

hue hukm se shah ke phir sawar

chale sab qarine se bandhe qatar

saje aur sajae sabhi khas-o-am

libas-e-zari mein mulabbis tamam

taraq ke taraq aurpare ke pare

kuchh idhar idhar, kuchh ware, kuchh pare

murassaa ke sazon se kotal samand

ke khubi mein ruh alfaras se do chand

wo felon ki aur meg dambar ki shan

jhalakte wo muqayyash ke saeban

chali paya-e-takht ke ho qarib

ba dastur shahana napti jarib

sawari ke age kiye ehtimam

liye sone rope ke ase tamam

naqib aur jilau dar aur chobdar

ye apas mein kahte the har dam pukar

isi apne maamul-o-dastur se

adab se tafawut se aur dur se

yalo! naujawano! barhe jaiyo

do janib se bagen liye ayu

barhe jaen age se, chalte qadam

barhe umr-o-daulat qadam ba qadam

gharaz is tarah se sawari chali

kahe to ke bad-e-bahari chali

tamashaiyon ka juda tha hujum

har ik taraf thi ek alam ki dhum

laga qile se shahr ki had talak

dukanon pe thi badle ki jhalak

kya tha zabas shahr aina band

hawa chok ka lutf wan char chand

mundhe the tamami se diwar-o-dar

tamami wo tha shahr, sone ka ghar

raiyyat ki kasrat, hujum-e-sipah

guzarti thi ruk ruk ke har jangah

hue jama khothon pe jo mardwazn

har ik sath thi jun zamin-e-chaman

ye khaliq ki sun qudrat ka mala

tamashe ko nikli zan-e-hamila

laga lanj se ta zaif-o-nahif

tamashe ko nikle waze-o-sharif

wuhushon, tuyuron talak be khalal

pare ashiyanon se apne nikal

na pahuncha jo ik murgh-e-qibla numa

so wo ashiyane mein tarpha kiya

zabas shah zada bahut tha hasin

hue dekh ashiq keyun-o-mehen

nazar jis ko aya wo mah-e-tamam

kiya us ne jhuk jhuk ke us ko salam

dua shah ko di ke bar-e-ala!

sada ye salamat rahe mehr-o-mah

ye khush apne mah se rahe shahr-e-yar

ke raushan rahe shahr, parwardigar!

gharaz shahr se bahar ik samt ko

koi bagh tha shah ka, is mein se ho

ghari char tak khub si sair kar

raiyyat ko dikhla ke apna pisar

isi kasrat-e-fauj se ho sawar

phir ashhar ki taraf wo shahr-e-yar

sawari ko pahuncha gai fauj, idhar

gae apni manzil mein shams-o-qamar

jahan tak ke thin khadiman-e-mahal

khushi se wo dewrhi tak aen nikal

qadam apne hujron se bahar nikal

liya sab ne, apeshwa, hal hal

balaen lagen lene sab ek bar

kiya ji ko yak dast sab ne nisar

gaya jab mahal mein wo sar-o-rawan

bandha nach aur rag ka phir saman

pahar rat tak, pahne poshak wo

raha sath sab ke tarab nak wo

qazara wo shab, thi shab-e-char da

para jalwa leta tha har taraf mah

nazare se tha us ke, dil ko surur

ajab alam-e-nur ka tha zuhur

ajab josh tha nur-e-mahtab ka

kahe to ke dariya tha simab ka

hawa shah zade ka dil be qarar

ye dekhi jo wan chandni ki bahar

kuchh ai jo us mah ke ji mein tarang

kaha: aj kothe pe bichhe palang

khawason ne ja shah se arz ki

ke shah zade ki aj yun hai khushi

irada hai kothe par aram ka

ke bhaya hai alam lab-e-bam ka

kaha shah ne: ab to gae din nikal

agar yun hai marzi to kya hai khalal

par itna hai, us se khabardar hun

janhon ki hai chauki, wo bedar hun

lab-e-bam par jab ye sowe sanam

karen sura-e-nur ko us pe dam

tumhara mira bol bala rahe

ye is ghar ka qaim ujala rahe

kaha tab khawason ne: haq se umid

yahi hai ke ham bhi rahen ro safed

phiren hukm le wahan se phir shah ka

bichhauna kiya ja ke us mah ka

qazara wo din tha isi sal ka

ghalat wahm mazi mein tha hal ka

sukhan maulawi ka ye sach hai qadim

ke age qaza ke, ho ahmaq hakim

pare apne apne jo sab aish bich

na sujhi zamane ki kuchh unch nich

ye jana ke yun hi rahega ye daur

zamane ka samjha unhon ne na tur

ke us be wafa ki nai hai tarang

ye girgat badalta hai har dam mein rang

kara bada-e-aish darjam rekht

ke sad sham bar farq sabhash na pekht

nadari taajjub ze nairang-e-dahr

ke ard zek huqqa tiryak-o-zahr

shitabi se uth saqi be khabar!

ke charon taraf mah hai jalwa gar

biluren gulabi mein de bhar ke jam

ke aya bulandi pe mah-e-tamam

jawani kahan aur kahan phir ye sun

misl-e-haike hai chandni char din

agar mai ke dene mein kuchh der hai

to phir jan ye to ke andher hai

wo sone ka jo tha jurao palang

ke simin tanon ko ho jis par umang

khinchi chadar ek us pe shabnam ki saf

ke ho chandni, jis safa ki ghilaf

dhare us pe takiye kai narm narm

ke makhmal ko ho jis ke dekhe se sharm

kahan tak koi us ki khubi ko pae

jise dekh, ankhon ko aram ae

kise us pe kasne wo muqayyash ke

ke jhabbon mein the jis ke moti lage

sarasar adaqche razzi baf ke

ke the rashk-e-aina saf ke

wo gul takiye us ke jo the rashk-e-mah

ke har wajh thi un ko khubi mein rah

kahun us ke gul takiyon ka kya bayan

ke be wajh rakhta na tha gal wan

kabhi nind mein jab ke hota tha wo

tu rukhsar rakh apna, sota tha wo

chhupae se hota na, husn us ka mand

kahe to, lagae the mukhre pe chand

zabas nind mein tha jo wo horha

bichhaune pe ate hi bas suwarha

wo soya jo is an se be nazir

raha pasban us ka mah-e-munir

hawa us ke sone pe ashiq jo mah

laga di idhar apni us ne nigah

wo mah us ke kothe ka hala hua

gharaz wan ka alam do bala hua

wo phulon ki khush bu, wo suthra palang

jawani ki nind aur wo sone ka rang

jahan tak ke chauki ke the bari dar

hawa jo chali, so gae ek bar

gharaz sab ko wan alam-e-khwab tha

magar jagta ek mahtab tha

qazara hua ik pari ka guzar

pari shah zade pe us ki nazar

bhabhuka sa dekha jo us ka badan

jala atish-e-ishq se us ka tan

hui husn par us ke ji se nisar

wo takht apna lai hawa se utar

jo dekha, to alam ajab hai yahan

munawwar hai sara zamin asman

dupatte ko us mah ke munh se utha

diya gal se gal apna m