ستم میں بھی تو پہلو ان کی زینت کہ نکلتے ہیں

ستم میں بھی تو پہلو ان کی زینت کہ نکلتے ہیں

ہمارے خوں شدہ دل کو حسیں تلووں سے ملتے ہیں

شگاف سینہ سوراخ جگر چاک دل عاشق

محبت کی گلی سے سیکڑوں رستے نکلتے ہے

تمہاری مانگ کے عاشق ہیں شیخ و برہمن دونوں

یہ وہ رستہ ہے جس پر دوست دشمن ساتھ چلتے ہیں

کھٹک آج آنسوؤں کی دے رہی ہے یہ خبر مجھ کو

چبھے تھے دل میں جو کانٹے وہ آنکھوں سے نکلتے ہیں

میں اس الفت کے صدقہ ہوں میں اس نفرت کے قرباں ہوں

جگہ ہے رازؔ کی دل میں مگر صورت سے جلتے ہیں

sitam mein bhi to pahlu un ki zinat ke nikalte hain

hamare khun shuda dil ko hasin talwon se milte hain

shigaf-e-sina surakh jigar-e-chak-e-dil-e-ashiq

mohabbat ki gali se saikron raste nikalte hai

tumhari mang ke ashiq hain shaikh-o-barahman donon

ye wo rasta hai jis par dost dushman sath chalte hain

khatak aj ansuon ki de rahi hai ye khabar mujh ko

chubhe the dil mein jo kante wo ankhon se nikalte hain

main is ulfat ke sadqa hun main is nafrat ke qurban hun

jagah hai raz ki dil mein magar surat se jalte hain