زہر عشق

لکھ قلم پہلے حمد رب ودود

کہ ہر اک جا پہ ہے وہی موجود

ذات معبود جاودانی ہے

باقی جو کچھ کہ ہے وہ فانی ہے

ہمسر اس کا نہیں ندیم نہیں

سب ہیں حادث کوئی قدیم نہیں

مدح احمد زباں پہ کیونکر آئے

بحر کوزے میں کس طرح سے سمائے

ذات احمد کو کوئی کیا جانے

یا علی جانے یا خدا جانے

مدح حیدر میں کھولئے جو دہن

اس سے آگے نہیں ہے جائے سخن

کوئی حیدر کا مرتبہ سمجھا

کوئی بندہ کوئی خدا سمجھا

ہے بنا جب سے گلشن ایجاد

ہوئی ہر شے ہر ایک کو امداد

رنگ خوبی عطا کیا گل کو

نالۂ و درد بخشا بلبل کو

ماہ کو نور لطف ہالے کو

چشم نرگس کو داغ لالے کو

راستی کی عطا صنوبر کو

پیچ سنبل کو آب گوہر کو

سختی ساری بتوں کے دل میں دی

الفت انساں کے آب و گل میں دی

عشق سے کون ہے بشر خالی

کر دیئے جس نے گھر کے گھر خالی

پڑتے ہیں اس میں جان کے لالے

ڈالتا ہے جگر میں بت خانے

جو کہ واقف تھے سب قرینوں سے

خاک چھنوائی ان حسینوں سے

اس سے امید رکھنا ہے بے جا

بھائی مجنوں سے کیا سلوک کیا

منہ سے کرنے نہ دی فغاں اس نے

مارے چن چن کے نوجواں اس نے

اس نے جس سے ذرا تپاک کیا

سب سے پہلے اسے ہلاک کیا

آتش ہجر سے رلاتا ہے

آگ پانی میں یہ لگاتا ہے

مار ڈالا تماش بینوں کو

زہر کھلوا دیا حسینوں کو

بس میں ڈالے نہ کبریا اس کے

رحم دل میں نہیں ذرا اس کے

ایک قصہ غریب لکھتا ہوں

داستان عجیب لکھتا ہوں

تازہ اس طرح کی حکایت ہے

سننے والوں کو جس سے حیرت ہے

جس محلے میں تھا ہمارا گھر

وہیں رہتا تھا ایک سوداگر

مرد اشراف صاحب دولت

تاجروں میں کمال ذی عزت

غم نہ تھا کچھ فراغ بالی سے

تھا بہت خاندان عالی سے

ایک دختر تھی اس کی ماہ جبیںؔ

شادی اس کی نہیں ہوئی تھی کہیں

ثانی رکھتی نہ تھی وہ صورت میں

غیرت حور تھی حقیقت میں

سبز نخل گل جوانی تھا

حسن یوسف فقط کہانی تھا

اس سن و سال پر کمال خلیق

چال ڈھال انتہا کی نستعلیق

چشم بد دور وہ حسیں آنکھیں

رشک چشم غزال چیں آنکھیں

تھا جو ماں باپ کو نظر کا ڈر

آنکھ بھر کر نہ دیکھتے تھے ادھر

تھی زمانے میں بے عدیل و نظیر

خوش گلو، خوش جمال خوش تقریر

تھا نہ اس شہر میں جواب اس کا

حسن لاکھوں میں انتخاب اس کا

شعر گوئی سے ذوق رہتا تھا

لکھنے پڑھنے کا شوق رہتا تھا

رخ پہ گیسو کی لہر آفت تھی

جو ادا اس کی تھی قیامت تھی

تھا یہ اس گل کا جامہ زیب بدن

سادی پوشاک میں تھے سو جوبن

سارا گھر اس پہ رہتا تھا قرباں

روح گر ماں کی تھی تو باپ کی جاں

نور آنکھوں کا دل کا چین تھی وہ

راحت جان والدین تھی وہ

پہلی نظر

ایک دن چرخ پر جو ابر آیا

کچھ اندھیرا سا ہر طرف چھایا

کھل گیا جب برس کے وہ بادل

قوس تب آسماں پہ آئی نکل

دل مرا بیٹھے بیٹھے گھبرایا

سیر کرنے کو بام پر آیا

خفقاں دل کا جو بہلنے لگا

اس طرف اس طرف ٹہلنے لگا

دیکھا اک سمت جو اٹھا کے نظر

سامنے تھی وہ دخت سوداگر

ساتھ ہجمولیاں بھی تھیں دو چار

دیکھتی تھیں وہ آسماں کی بہار

بام سے کچھ اترتی جاتی تھیں

چہلیں آپس میں کرتی جاتی تھیں

رہ گئی جب اکیلی وہ گل رو

نگراں سیر کو ہوئی ہر سو

ہوئی میری جو اس کی چار نگاہ

منہ سے بے ساختہ نکل گئی آہ

حال دل کا نہیں کہا جاتا

خوب سنبھلا، نہیں غش آ جاتا

نہ ہوا گو کلام فی ما بین

روح قالب میں ہو گئی بے چین

تیر الفت جو تھا لگا کاری

اشک بے ساختہ ہوئے جاری

سامنے وہ کھڑی تھی ماہ منیر

چپ کھڑا تھا میں صورت تصویر

تاب نظارہ اتنی لا نہ سکا

کہ اشارے سے بھی بلا نہ سکا

دیکھتا اس کو بار بار تھا میں

محو حسن و جمال یار تھا میں

گو میں روکے ہوئے ہزار رہا

دل پہ لیکن نہ اختیار رہا

اسی صورت سے ہو گئی جب شام

لائی پاس اس کے اک کنیز پیام

بیٹھی ناحق بھی ہولیں کھاتی ہیں

امی جان آپ کی بلاتی ہیں

گیسو رخ پر ہوا سے ہلتے ہیں

چلئے اب دونوں وقت ملتے ہیں

سن کے لونڈی کے منہ سے یہ پیغام

گئی کوٹھے کے نیچے وہ گلفام

اس کا جلوہ نہ جب نظر آیا

میں بھی روتا ہوا اتر آیا

شام سے پھر سحر کی مر مر کے

شب وہ کاٹی خدا خدا کر کے

اضطراب عاشق

پڑ گیا دل میں غم سے اک ناسور

یہی اس دن سے پڑ گیا دستور

دن میں سو بار بام پر جانا

دیکھنا بھالنا چلے آنا

جب نہ دیکھا وہاں پہ وہ گل رو

فرط غم سے نکل پڑے آنسو

لاکھ چاہا نہ ہو سکا دل سخت

پئے تسکیں رہی یہ آمد و رفت

گزرے کچھ دن تو رنج کے مارے

زر درخسار ہو گئے سارے

ہو گئی پھر تو ایسی حالت زار

جیسے برسوں کا ہو کوئی بیمار

دل کو تھی غم سے خود فراموشی

لگ گئی لب پہ مہر خاموشی

نہ رہا دل کو ضبط کا یارا

سر جہاں پایا دھڑ سے دے مارا

رنج لاکھوں طرح کے سہتے تھے

لب تھے خاموش اشک بہتے تھے

ہجر سے غیر ہوگئی حالت

غم سے بالکل بدل گئی صورت

ہوا حیران اپنا بیگانہ

جس نے دیکھا مجھے نہ پہچانا

ماں باپ کی فہمائش

دیکھے ماں باپ نے جو یہ انداز

روح قالب سے کر گئی پرواز

پوچھا مجھ سے یہ کیا ہے حال ترا

کس طرف ہے بندھا خیال ترا

سچ بتا دے کہ دھیان کس کا ہے

دل میں غم میری جان کسی کا ہے

رنج کس شعلہ رو کا کھاتے ہو

شمع کی طرح پگھلے جاتے ہو

زرد چہرہ ہے ارغواں کی طرح

ٹکڑے پوشاک ہے کتاں کی طرح

کون سی ماہ رو پہ مرتے ہو

سچ کہو کس کو پیار کرتے ہو

یہ کہو مہ جبیں ملا ہے کون؟

تم کو ایسا حسیں ملا ہے کون؟

کھاتے ہو پیتے ہو نہ سوتے ہو

روز اٹھ اٹھ کے شب کو روتے ہو

نہیں معلوم کون ہے وہ چھنال

کر دیا میرے لال کا یہ حال

میرے بچے کی جو کڑھائے جان

سات بار اس کو میں کروں قربان

اللہ آمیں سے ہم تو یوں پالیں

آپ آفت میں جاں کو یوں ڈالیں

تیرے پیچھے کی تلخ سب اوقات

دن کو دن سمجھی اور نہ رات کو رات

پالا کس کس طرح تمہیں جانی

کون منت تھی جو نہیں مانی

روشنی مسجدوں میں کرتی تھی

جا کے درگاہ چوکی بھرتی تھی

اب جو نام خدا جوان ہوئے

ایسے مختار میری جان ہوئے

ہاں میاں سچ ہے یہ خدا کی شان

تم کرو جان بوجھ کر ہلکان

ہم تو یوں پھونک پھونک رکھیں قدم

آپ دیتے پھریں ہر ایک پہ دم

ہم یہاں رنج و غم میں روتے ہیں

آپ غیروں پہ جان کھوتے ہیں

یوں مٹاؤ گے جان کر ہم کو

تھی نہ اس روز کی خبر ہم کو

دیکھتی ہوں جو تیرا حال زبوں

خشک ہوتا ہے میرے جسم کا خون

یوں تو برباد تو شباب نہ کر

مٹی ماں باپ کی خراب نہ کر

کچھ تو کہہ ہم سے اپنے قلب کا حال

کس کا بھایا ہے تجھ کو حسن و جمال

دل ہوا تیرا شیفتہ کس کا

سچ بتا ہے فریفتہ کس کا

کیسا دو دن میں جی نڈھال ہوا

دائی بندی کا کیا یہ حال ہوا

آئینہ تو اٹھا کے دیکھ ذرا

ست گیا دو ہی دن میں منہ کیسا

سدھ نہ کھانے کی ہے نہ پینے کی

کونسی پھر امید جینے کی

کس کی الفت میں ہے یہ حال کیا

کچھ نہ ماں باپ کا خیال کیا

دل پہ گزرا ہے کیا ملال تو کہہ

منہ سے ناشدنی اپنا حال تو کہہ

یوں ہی گر ہو گیا تو سودائی

دور پہونچے گی اس کی رسوائی

ایسے دیوانے کو بھرے گا کون؟

شادی اور بیاہ پھر کرے گا کون؟

کردیا کس نے ایسا آوارہ

کہ نہیں بنتا اب کوئی چارہ

آگے تو یہ نہ تھا ترا دستور

کس سے سیکھا ہے اس طرح کے امور

میرے تو دیکھ کر گئے اوسان

لیلیٰ مجنوں کے تونے کاٹے کان

باتیں یہ والدین کی سن کر

اور اک قلب پر لگا نشتر

شرم کے مارے منہ کو ڈھانپ لیا

کچھ نہ ماں باپ کو جواب دیا

گزرا یاں تک تو یہ ہمارا حال

اب بیان اس کا ہوتا ہے احوال

میں تو کھائے ہوئے تھا عشق کا تیر

پر ہوئی اس کے دل پہ بھی تاثیر

چھلکے آنکھوں کے دونوں پیمانے

دل لگا آپ ہی آپ گھبرانے

آتش عشق سے اٹھا جو دھواں

باتوں باتوں میں بڑھ گیا خفتاں

گوش فریاد قلب سننے لگے

خود بخود ہاتھ پاؤں دھننے لگے

درد و غم دل کو آ گیا جو پسند

سونا راتوں کا ہو گیا سوگند

موج الفت اسے ڈبونے لگی

ایک الجھن سی دل کو ہونے لگی

گھٹنے طاقت لگی جو روز بروز

آتش ہجر ہو گئی دل سوز

داغ جوں جوں جگر کے جلتے تھے

اشک گرم آنکھ سے نکلتے تھے

گرم نالے تھے لب پہ آہ سرد

دل میں ہوتا تھا میٹھا میٹھا درد

یوں تڑپتا تھا اس کے سینے میں دل

جس طرح لوٹے طائر بسمل

ہو گئی جب کمال حالت زار

جی میں باقی رہا نہ صبر و قرار

نامۂ حسن

لکھنے پڑھنے سے تھا جو اس کو ذوق

سو چ کر دل میں لکھا اک خط شوق

بھیجا مجھ کو وہ بے خطر نامہ

ڈر سے لکھا مگر نہ سرنامہ

ایک ماما نے آ کے چپکے سے

خط دیا ان کا ہاتھ میں میرے

کھول کر میں نے جو اسے دیکھا

کچھ عجب درد سے یہ لکھا تھا

ہو یہ معلوم تم کو بعد سلام

غم فرقت سے دل ہے بے آرام

اپنے کوٹھے پہ تو نہیں آتا

دل ہمارا بہت ہے گھبراتا

شکل دکھلا دے کبریا کے لئے

بام پر آ ذرا خدا کے لئے

اس محبت پہ ہو خدا کی مار

جس نے یوں کر دیا مجھے نا چار

سارے الفت نے کھو دیئے اوسان

ورنہ یہ لکھتی میں خدا کی شان

اب کوئی اس میں کیا دلیل کرے

جس کو چاہے خدا ذلیل کرے

پڑھ کے میں نے لکھا یہ اس کو جواب

کیا لکھوں تم کو اپنا حال خراب

بن گئی یاں تو جان پر میری

خوب لی آپ نے خبر میری

ہجر میں مر کے زندگانی کی

اب بھی پوچھا تو مہربانی کی

جب سے دیکھا ہے آپ کا دیدار

دل سے جاتا رہا ہے صبر و قرار

روز تپ سے بخار رہتا ہے

سر پہ اک جن سوار رہتا ہے

تیرے قدموں کی ہوں قسم کھاتا

ہوش دو دو پہر نہیں آتا

پوچھتا ہے جو کوئی آ کے حال

اور ہوتا ہے میرے دل کو ملال

کہوں کس کس سے اس کہانی کو

آگ لگ جائے اس جوانی کو

ہوگئی ہے کچھ ایسی طاقت طاق

اٹھ نہیں سکتا بار رنج فراق

ہل کے پانی پیا نہیں جاتا

ورنہ حکم آپ کا بجا لاتا

پاتا طاقت جو طالب دیدار

بام پر آتا دن میں سو سو بار

پہنچا جس وقت سے ترا مکتوب

زندگی کا بندھا ہے کچھ اسلوب

رنج راحت سے گر بدل جائے

کیا عجب ہے جو دل سنبھل جائے

پیش قدمی جو تم نے کی مرے ساتھ

اس میں ذلت کی کون سی ہے بات

نہیں کچھ اس میں آپ کا ہے قصور

میری الفت کا یہ اثر ہے ضرور

عشق کا ہے اثر مرے واللہ

ورنہ تم لکھتیں یہ معاذ اللہ

تم تو وہ لوگ ہوتے ہو جلاد

نہیں سنتے کوئی کرے فریاد

ہو بلا سے کسی کا حال برا

کوئی مرجائے تم کو کیا پروا

نہیں ممکن تمہارا بل جائے

دم بھی عاشق کا گر نکل جائے

اب میں لکھتا ہوں آپ کو یہ حضور

وصل کی فکر چاہیئے ہے ضرور

اس میں غفلت جو تو نے کی اے ماہ

حال ہو گا مرا کمال تباہ

غیر ہے ہجر سے مری حالت

غم اٹھانے کی اب نہیں طاقت

دل پہ آفت عجیب آئی ہے

جان بچ جائے تو خدائی ہے

جان کو کس گھڑی قرار آیا

غش نے فرصت جو دی بخار آیا

تپش دل نے گر کیا ہشیار

وہم آنے لگے ہزار ہزار

دل کی وحشت نے کچھ جو مارا جوش

وہ بھی جاتے رہے جو آئے تھے ہوش

آشنا دوست آ گئے جو کبھو

جس نے دیکھا نکل پڑے آنسو

جھوٹ سمجھیں اسے حضور نہیں

جان جاتی رہے تو دور نہیں

مر گئے ہم تو رنج فرقت سے

پر خبر کی نہ اپنی حالت سے

اب جو بھیجی یہ آپ نے تحریر

ہے یہ لازم کہ وہ کرو تدبیر

سختیاں ہجر کی بدل جائیں

دل کی سب حسرتیں نکل جائیں

دے کے خط میں نے یہ کہا اس سے

جلد اس کا جواب لا اس سے

پہونچا جب اس تلک مرا مکتوب

ہنس کے بولی کہ واہ وا کیا خوب

پھر کیا یہ جواب میں تحریر

کچھ قضا تو نہیں ہے دامن گیر

ذکر ان باتوں کا یہاں کیا تھا

چھیڑنے کو ترے یہ لکھا تھا

ایسی باتیں تھیں کب یہاں منظور

تھا فقط تیرا امتحاں منظور

یہ تو لکھے تھے سب ہنسی کے کلام

ورنہ ان باتوں سے مجھے کیا کام

مجھ کو ایسی تھی کیا تری پروا

بام پر تو بلا سے آ کہ نہ آ

بات تھی یہ کمال عقل سے دور

جھوٹ لکھنے پہ ہوگئے مغرور

تم پہ مرتی میں کیا قیامت تھی

کیا مرے دشمنوں کی شامت تھی

میری جانب سے یہ گماں کیا خوب

جھوٹ جم جم سے ہے بہت مرغوب

یہ نہ سمجھا کہ ماجرا کیا ہے؟

یوں بھی کوئی کسی کو لکھتا ہے

کالا دانا ذرا اتر والو

رائی لون اس سمجھ پہ کر ڈالو

تجھ پہ مرتے بھی گر مرے بد خواہ

یوں نہ لکھتی کبھی معاذ اللہ

جان پا پوش سے نکل جاتی

پر طبیعت نہ یوں بدل جاتی

ایسی باتوں میں ہوتا ہے بدنام

اب نہ لکھیئے گا اس طرح کے کلام

رنج آ جاتا ہے اسی کد سے

نہ بڑھے آدمی کبھی حد سے

کیا سمجھ کر لکھا تھا یہ مضمون

اچھی ہوتی نہیں ہے اتنی دون

جی میں ٹھانی ہے کیا بتاؤ تو؟

خانگی کسبی کوئی سمجھے ہو

مال زادی نہیں یہاں کوئی

جو کرے تم سے گرمیاں کوئی

دیکھ تحریر فیل لائے آپ

خوب جلدی مزے میں آئے آپ

طالب وصل جو ہوئے ہم سے

ہے گا سادہ مزاج جم جم سے

وصال دوست

رہی کچھ روز تو یہی تحریر

پھر موافق ہوئی مری تقدیر

ہوئے اس گل سے وصل کے اقرار

اٹھ گئی درمیاں سے سب تکرار

جو کہا تھا ادا کیا اس نے

وعدہ اک دن وفا کیا اس نے

رات بھر میرے گھر میں رہ کے گئی

صبح کے وقت پھر یہ کہہ کے گئی

بات اس دم کی یاد رکھئے گا

ایک دن یہ مزا بھی چکھئے گا

بگڑے گی جب نہ کچھ بن آئے گی

آپ کے پیچھے جان جائے گی

لو مری جان جاتی ہوں اب تو

یاد رکھئے گا میری صحبت کو

جو خدا پھر ملائے گا تم سے

تو کہوں گی میں حال آ تم سے

سن کے میں نے دیا یہ اس کو جواب

نہ کرو دل کو اس قدر بے تاب

کہتی تم کیا ہو یہ خدا نہ کرے

یہ ستم ہووے کبریا نہ کرے

عمر بھر ہم وفا نہ توڑیں گے

زندگی بھر نہ منہ کو موڑیں گے

پیار کرتی جو تھی وہ غیرت حور

رکھا ملنے کا اس نے یہ دستور

پنج شنبہ کو جاتی تھی درگاہ

واں سے آتی تھی میرے گھر وہ ماہ

عیش ہونے لگے مرے ان کے

غیر جلنے لگے یہ سن سن کے

آتش ہجر

اتفاق ایسا پھر ہوا ناگاہ

دو مہینے تلک نہ آئی وہ ماہ

قطع سب ہو گئے پیام و سلام

نہ رہی شکل راحت و آرام

طبع کو ہو گئی پریشانی

عقل کو تھی عجیب حیرانی

دل کو تشویش تھی یہ حد سے زیاد

دفعتاً پڑ گئی یہ کیا افتاد

تھی نہ مجھ سے یہاں کسی کو لاگ

کس نے اس طرح کی لگائی آگ

دل میں کس نے یہ اس کے بل ڈالا

جو مرے عیش میں خلل ڈالا

کچھ تو ایسا ہوا ہے افسانہ

جو یہاں تک نہ ہو سکا آنا

نہیں معلوم کیا پڑی افتاد

جو فراموش کی ہماری یاد

کون ایسا ہے جائے گھر اس کے

کس کو بھیجوں مکان پر اس کے

کیوں نہ بیزار ہوں میں جینے سے

نہیں دیکھا ہے دو مہینے سے

جان آنکھوں میں کھنچ کے آئی ہے

اب نہیں طاقت جدائی ہے

کرلیا ہو سکا جہاں تک صبر

اب کہو دل کرے کہاں تک صبر

دو مہینے نہ دیکھے جب گل کو

چین کس طرح آئے بلبل کو

رات پھر کس طرح گزاری جائے

کسی طرح دل کی بے قراری جائے

طبع کس طرح پھر بہل جائے

جسم سے روح جب نکل جائے

آخری ملاقات

آئی نوچندی اتنے میں ناگاہ

اس بہانے سے آئی وہ درگاہ

بس کہ مرتی تھی نام پر میرے

چھپ کے آئی وہاں سے گھر میرے

تھی نہ فرصت جو اشکباری سے

اتری روتی ہوئی سواری سے

پھر لپٹ کر مرے گلے اک بار

حال کرنے لگی وہ یوں اظہار

اقربا میرے ہوگئے آگاہ

تم سے ملنے کی اب نہیں کوئی راہ

مشورے یہ ہوئے ہیں آپس میں

بھیجتے ہیں مجھے بنارس میں

وہ چھٹے ہم سے جس کو پیار کریں

جبر کیونکر یہ اختیار کریں

گو ٹھکانے نہیں ہیں ہوش و حواس

پر یہ کہنے کو آئی ہوں ترے پاس

آخری التماس

جائے عبرت سرائے فانی ہے

مورد مرگ ناگہانی ہے

اونچے اونچے مکان تھے جن کے

آج وہ تنگ گور میں ہیں پڑے

کل جہاں پر شگوفہ و گل تھے

آج دیکھا تو خار بالکل تھے

جس چمن میں تھا بلبلوں کا ہجوم

آج اس جا ہے آشیانۂ بوم

بات کل کی ہے نوجواں تھے جو

صاحب نوبت و نشاں تھے جو

آج خود ہیں نہ ہے مکاں باقی

نام کو بھی نہیں نشاں باقی

غیرت حورمہ جبیں نہ رہے

ہیں مکاں گر تو وہ مکیں نہ رہے

جو کہ تھے بادشاہ ہفت اقلیم

ہوئے جا جا کے زیر خاک مقیم

کوئی لیتا نہیں اب اس کا نام

کون سی گور میں گیا بہرام

اب نہ رستم نہ سام باقی ہے

اک فقط نام نام باقی ہے

کل جو رکھتے تھے اپنے فرق پہ تاج

آج ہیں فاتحہ کو وہ محتاج

تھے جو خود سر جہان میں مشہور

خاک میں مل گیا سب ان کا غرور

عطر مٹی کا جو نہ ملتے تھے

نہ کبھی دھوپ میں نکلتے تھے

گردش چرخ سے ہلاک ہوئے

استخواں تک بھی ان کے خاک ہوئے

تھے جو مشہور قیصر و مغفور

باقی ان کا نہیں نشان قبور

تاج میں جن کے ٹکتے تھے گوہر

ٹھوکریں کھاتے ہیں وہ کاسۂ سر

رشک یوسف جو تھے جہاں میں حسیں

کھا گئے ان کو آسمان و زمیں

ہر گھڑی منقلب زمانہ ہے

یہی دنیا کا کارخانہ ہے

ہے نہ شیریں نہ کوہکن کا پتا

نہ کسی جا ہے نل دمن کا پتا

بوئے الفت تمام پھیلی ہے

باقی اب قیس ہے نہ لیلی ہے

صبح کو طائران خوش الحان

پڑھتے ہیں کل من علیہا فان

موت سے کس کو رستگاری ہے

آج وہ کل ہماری باری ہے

زندگی بے ثبات ہے اس میں

موت عین حیات ہے اس میں

ہم بھی گر جان دے دیں کھا کر سم

تم نہ رونا ہمارے سر کی قسم

دل کو ہمجولیوں میں بہلانا

یا مری قبر پر چلے آنا

جا کے رہنا نہ اس مکان سے دور

ہم جو مرجائیں تیری جان سے دور

روح بھٹکے گی گر نہ پائے گی

ڈھونڈھنے کس طرف کو جائے گی

روکے رہنا بہت طبیعت کو

یاد رکھنا مری وصیت کو

ضبط کرنا اگر ملال رہے

میری رسوائی کا خیال رہے

میرے مرنے کی جب خبر پانا

یوں نہ دوڑے ہوئے چلے آنا

جمع ہولیں سب اقربا جس دم

رکھنا اس وقت تم وہاں پہ قدم

کہے دیتی ہوں جی نہ کھونا تم

ساتھ تابوت کے نہ رونا تم

ہو گئے تم اگرچہ سودائی

دور پہونچے گی میری رسوائی

لاکھ تم کچھ کہو نہ مانیں گے

لوگ عاشق ہمارا جانیں گے

طعنہ زن ہوں گے سب غریب و امیر

قبر پر بیٹھنا نہ ہو کے فقیر

سامنا ہو ہزار آفت کا

پاس رکھنا ہماری عزت کا

جب جنازہ مرا عزیز اٹھائیں

آپ بیٹھے وہاں نہ اشک بہائیں

میری منت پہ دھیان رکھئیے گا

بند اپنی زبان رکھئے گا

تذکرہ کچھ نہ کیجئے گا مرا

نام منہ سے نہ لیجئے گا مرا

اشک آنکھوں سے مت بہائیے گا

ساتھ غیروں کی طرح جائیے گا

آپ کاندھا نہ دیجئے گا مجھے

سب میں رسوا نہ کیجئے گا مجھے

رنگ دل کے بدل نہ جائیں کہیں

منہ سے نالے نکل نہ جائیں کہیں

ساتھ چلنا نہ سر کے بال کھلے

تا کسی شخص پر نہ حال کھلے

ہوتے آتش کے ہیں یہ پر کالے

تاڑ جاتے ہیں تاڑنے والے

ہو بیاں گر کسی جگہ مرا حال

تم نہ کرنا کچھ اس طرف کو خیال

ذکر سن کر مرا نہ رو دینا

میری عزت نہ یوں ڈبو دینا

رنج فرقت مرا اٹھا لینا

جی کسی اور جا لگا لینا

ہوگا کچھ میری یاد سے نہ حصول

دل کو کر لینا اور سے مشغول

رنج کرنا نہ میرا میں قربان

سن لو گر اپنی جان ہے تو جہان

دے نہ اس کو خدا کبھی کوئی درد

ہو تا نازک کمال ہے دل مرد

دل میں کڑھنا نہ مجھ سے چھوٹ کے تو

رونا مت سینہ کوٹ کوٹ کے تو

آ کے رو لینا میری قبر کے پاس

تا نکل جائے تیرے دل کی بھڑاس

آنسو چپکے سے دو بہا لینا

قبر میری گلے لگا لینا

اگر آ جائے کچھ طبیعت پر

پڑھنا قرآن میری تربت پر

غنچۂ دل مرا کھلا جانا

پھول تربت پہ دو چڑھا جانا

رو کے کرنا نہ اپنا حال زبوں

تا نہ ہو جائے دشمنوں کو جنوں

دیکھئے کس طرح پڑے گی کل

سخت ہوتی ہے منزل اول

میرے مرقد پہ روز آنا تم

فاتحہ سے نہ ہاتھ اٹھانا تم

ہے یہ حاصل سب اتنی باتوں سے

مٹی دینا تم اپنے ہاتوں سے

عمر بھر کون کس کو روتا ہے

کون صاحب کسی کا ہوتا ہے

کبھی آ جائے گر ہمارا دھیان

جاننا ہم پہ ہو گئی قربان

دل میں کچھ آنے دیجیو نہ ملال

خواب دیکھا تھا کیجیو یہ خیال

رنج و راحت جہاں میں تو ام ہے

کہیں شادی ہے اور کہیں غم ہے

ہے کسی جا پہ جشن شام و پگاہ

ہے کسی جا صدائے نالہ و آہ

مرگ کا کس کو انتظار نہیں

زندگی کا کچھ اعتبار نہیں

پھر ملاقات دیکھیں ہو کہ نہ ہو

آج دل کھول کر گلے مل لو

خوب سا آج دیکھ بھال لو تم

دل کی سب حسرتیں نکال لو تم

آؤ اچھی طرح سے کر لو پیار

کہ نکل جائے کچھ تو دل کا بخار

دل میں باقی رہے نہ کچھ ارمان

خوب مل لو گلے سے میں قربان

حشر تک ہو گی پھر یہ بات کہاں

ہم کہاں تم کہاں یہ رات کہاں

کہہ لو سن لو جو کچھ کہ جی میں آئے

پھر خدا جانے کیا نصیب دکھائے

دل کو اپنے کرو ملول نہیں

رونے دھونے سے کچھ حصول نہیں

ہم کو گاڑے جو اپنے دل کو کڑھائے

ہم کو ہے ہے کرے جو اچک بہائے

عمر تم کو تو ہے ابھی کھینا

دن بہت سے پڑے ہیں رو لینا

باہیں دونوں گلے میں ڈال لو آج

جو جو ارمان ہوں نکال لو آج

پھر خدا جانے کیا مشیت ہے

اتنی صحبت بہت غنیمت ہے

کل کسے بیٹھ کر کرو گے پیار

کس کی لو گے بلائیں تم ہر بار

کل گلے سے کسے لگاؤ گے

یوں کسے گود میں بٹھاؤ گے

حال کس کا سنائے گی آ کر

کس کی ماما بلائے گی آ کر

ہم تو اٹھتے ہیں اس مکاں سے کل

اب تو جاتے ہیں اس جہاں سے کل

یاد اپنی تمہیں دلاتے جائیں

پان کل کے لئے لگاتے جائیں

ہو چکا آج جو کہ تھا ہونا

کل بسائیں گے قبر کا کونا

خاک میں ملتی ہے یہ صورت عیش

پھر کہاں ہم کہاں یہ صحبت عیش

دیکھ لو آج ہم کو جی بھر کے

کوئی آتا نہیں ہے پھر مر کے

ختم ہوتی ہے زندگانی آج

خاک میں ملتی ہے جوانی آج

چپ رہو کیوں عبث بھی روتے ہو

مفت کاہے کو جان کھوتے ہو

سمجو اس شب کو شب برات کی رات

ہم ہیں مہماں تمہارے رات کی رات

چین دل کو نہ آئے گا تجھ بن

اب کے بچھڑے ملیں گے حشر کے دن

اب تم اتنی دعا کرو مری جان

کل کی مشکل خدا کرے آسان

پھل اٹھایا نہ زندگانی کا

نہ ملا کچھ مزا جوانی کا

دل مین لے کر تمہاری یاد چلے

باغ عالم سے نا مراد چلے

کہتی ہے بار بار ہمت عشق

ہے یہی مقتضائے غیرت عشق

چارپائی پہ کون پڑ کے مرے

کون یوں ایڑیاں رگڑ کے مرے

عشق کا نام کیوں ڈبو جائیں

آج ہی جان کیوں نہ کھو جائیں

جب تلک چرخ بے مدار رہے

یہ فسانہ بھی یادگار رہے

بولی گھبرا کے پھر ٹھہر مری جان

کچھ سنا بھی کہ کیا بجا اس آن

حسرت دل نگوڑی باقی ہے

اور یہاں رات تھوڑی باقی ہے

گود میں اپنی پھر بٹھا لو جان

پھر گلے سے ہمیں لگا لو جان

ڈال دو پھر گلے میں باہوں کو

پھر گلوری چبا کے منہ میں دو

پھر کہاں ہم کہاں یہ صحبت یار

کر لو پھر ہم کو بھینچ بھینچ کے پیار

پھر مرے سر پہ رکھ دو سر اپنا

گال پھر رکھ دو گال پر اپنا

پھر اسی طرح منہ کو منہ سے ملو

پھر وہی باتیں پیار کی کر لو

لہر پھر چڑھ رہی ہے کالوں کی

بو سنگھا دو تم اپنے بالوں کی

پھر ہم اٹھنے لگیں بٹھا لو تم

پھر بگڑ جائیں ہم منا لو تم

پھر لبوں کو چبا کے بات کرو

پھر ذرا مسکرا کے بات کرو

پھر بلائیں تمہاری یار لیں ہم

آؤ پھر سر سے سر اتار لیں ہم

رو نہ اس طرح سے تو زار و قطار

دشمنوں کو کہیں چڑھے نہ بخار

آپ اچھے بھلے بچھڑ جائیں

اور لینے کے دینے پڑ جائیں

کاٹ لے کوئی دھڑ سے سر میرا

بال بیکا نہ ہو مگر تیرا

میں دل و جاں سے ہوں فدا تیری

لے کے مر جاؤں میں بلا تیری

اب تو کیوں ٹھنڈی سانسیں بھرتا ہے

کیوں مرے دل کے ٹکڑے کرتا ہے

میں ابھی تو نہیں گئی ہوں مر

کیوں سجائی ہیں آنکھیں رو رو کر

اس قدر ہو رہا ہے کیوں غمگیں

کیوں مٹاتا ہے اپنی جان حزیں

کر نہ رو رو کے اپنا حال زبوں

ارے ظالم ابھی تو جیتی ہوں

اشک بہتے ہیں ناگوار ترے

تو نہ رو ہو گئی نثار ترے

ایسے قصے ہزار ہوتے ہیں

یوں کہیں مردوے بھی روتے ہیں

یوں تو آنسو نہ تو بہا اپنے

دل کو مضبوط رکھ ذرا اپنے

رنج سے میرے کچھ اداس نہ ہو

یوں تو للہ بد حواس نہ ہو

تم تو اتنے میں ہو گئے رنجور

تھک گئے اور ابھی ہے منزل دور

اسی غم نے تو مجھ کو مارا ہے

صدمہ تیرا نہیں گوارا ہے

اپنے مرنے کا کچھ نہیں ہے الم

دل میں میرے فقط ہے اس کا غم

جان ہم نے تو اس طرح کھوئی

کون تیری کرے گا دل جوئی

آ کے سمجھائے گا بجھائے گا کون

اس طرح سے گلے لگائے گا کون

کون رو کے گا اس طبیعت کو

کس سے کہہ جاؤں اس وصیت کو

گو کہ بے جا ترا ہراس نہیں

کوئی دل سوز بھی تو پاس نہیں

میں کہاں ہوں جو ساتھ دوں تیرا

ہاتھ میں کس کے ہاتھ دوں تیرا

یوں تسلی تری کرے گا کون

میری صورت بھلا مرے گا کون

کون یوں خوش کرے گا دل تیرا

دل ہے اس غم سے مضمحل تیرا

جی لگے گا نہ ساتھ میں اس کا

دل لئے رہنا ہاتھ میں اس کا

پر میں اب اس کا کیا کروں کمبخت

آسماں دور ہے زمیں ہے سخت

گو کہ عقبیٰ میں رو سیاہ چلی

مگر اپنی سی میں نباہ چلی

جی کو تم پر فدا کیا میں نے

حق وفا کا ادا کیا میں نے

بولی پھر زانوؤں پہ مار کے ہاتھ

نہیں معلوم اب ہے کتنی رات

جوں جوں گھڑیال واں بجاتا تھا

جی مرا سنسنایا جاتا تھا

یوں تو کوئی نہ درد و غم میں کڑھے

پھولے جاتے ہیں ہاتھ پاؤں مرے

کچھ عجب ہو رہا ہے جان کا طور

کہتی ہوں کچھ نکلتا ہے کچھ اور

آنسو آنکھوں میں بھر بھر آتے ہیں

دست و پا سارے تھرتھراتے ہیں

دل کو سمجھاتی ہوں میں بہتیرا

پر سنبھلتا نہیں ہے جی میرا

گو تو بیٹھا ہوا ہے پاس مرے

پر ٹھکانے نہیں حواس مرے

ہوش آئے ہوئے بھی جاتے ہیں

دل میں کیا کیا خیال آتے ہیں

پیش یوں فرقت حبیب نہ ہو

کسی دشمن کو بھی نصیب نہ ہو

دوسرا اب یہ اور ماتم ہے

سانگ باقی بہت ہیں شب کم ہے

خاک تسکین جان زار کریں

اب وصیت کریں کہ پیار کریں

سن کے میں نے دیا یہ اس کو جواب

دل کو میرے بس اب کرو نہ کباب

تم تو یوں اپنی جان دو مری جان

میں وصیت سنوں خدا کی شان

دل سے رکھنا ذرا یہ اپنے دور

کون کمبخت یہ کرے گا امور

مجھ پہ یہ دن تو کبریا نہ کرے

تم مرو میں جیوں خدا نہ کرے

جان دے دو گی تم جو کھا کر سم

میں بھی مرجاؤں گا خدا کی قسم

جو یہ دیکھے گا خوب روئے گا

آگے پیچھے جنازہ ہوئے گا

اک ذرا مجھ سے تو کہو یہ حال

جی میں کیا آیا آپ کے یہ خیال

دل ہی دل میں الم اٹھاتی ہو

جان دیتی ہو، زہر کھاتی ہو

پہونچا ماں باپ سے اگر ہے الم

اس کا کرنا نہ چاہئیے تمہیں غم

جو کہ ہوتے ہیں قوم کے اشراف

یوں ہی کرتے ہیں وہ قصور معاف

کچھ تمہیں پر نہیں ہے یہ افتاد

سب کے ماں باپ ہوتے ہیں جلاد

صدمہ ہر اک پہ یہ گزرتا ہے

زہر کھا کھا کے کوئی مرتا ہے

شکوہ ماں باپ کا تو ناحق ہے

ان کا اولاد پر بڑا حق ہے

ہوں جو ناراض یہ قیامت ہے

ان کے قدموں کے نیچے جنت ہے

تم تو نام خدا سے ہو دانا

اس پہ رتبہ نہ ان کا پہچانا

کیا بھروسہ حیات کا ان کی

نہ برا مانو بات کا ان کی

ہوش رہتے نہیں ہیں اس سن کے

یہ تو مہمان ہیں کوئی دن کے

اتنی سی بات کا غبار ہے کیا

ان کے کہنے کا اعتبار ہے کیا

غور سے کیجئے جو دل میں خیال

ان کا غصہ نہیں ہے جائے ملال

سن کے اس نے دیا یہ مجھ کو جواب

ہم نے دیکھی نہیں ہے چشم عتاب

بے حیا ایسی زندگی کو سلام

منہ پہ آئے نہ تھے کبھی یہ کلام

طعنے سنتی ہوں دو مہینے سے

موت بہتر ہے ایسے جینے سے

خون دل کب تلک پیے کوئی

بے حیا بن کے کیا جیے کوئی

نوج انسان بے حمیت ہو

آدمی کیا نہ جس کو غیرت ہو

بات وہ کس طرح بشر سے اٹھے

نہ سنی ہو کبھی جو کانوں سے

وہ سنے جس کو اس کی عادت ہے

اس میں کیا اپنی اپنی غیرت ہے

پر مرے جیتے جی تو بہر خدا

اپنے مرنے کا ذکر منہ پہ نہ لا

کون سا پڑ گیا ہے رنج و محن

جان کیوں دیں گے آپ کے دشمن

تم نے جی دینے کی جو کی تدبیر

حشر کے روز ہوں گی دامن گیر

تو سلامت جہاں میں رہ مری جاں

نکلیں ماں باپ کے ترے ارماں

واسطے میرے اپنا دل نہ کڑھا

چاند سی بنو گھر میں بیاہ کے لا

ہے یہی لطف زندگانی کا

دیکھ سکھ اپنی نوجوانی کا

چار دن ہے یہ نالہ و فریاد

عمر بھر کون کس کو کرتا ہے یاد

لطف دینا کے جب اٹھاؤ گے

ہم کو دو دن میں بھول جاؤ گے

آخری گھڑیاں

تھا یہی ذکر جو بجا گھڑیال

سنتے ہی اس کے ہو گئی بے حال

ہو گیا فرط غم سے چہرہ زرد

دست و پا تھرتھرا کے ہو گئے سرد

مردنی رخ پہ چھا گئی اس کے

دل میں وحشت سما گئی اس کے

دل میں گزرا جو اس کے صبح کا شک

ہوئی استادہ جا کے زیر فلک

ٹھنڈی جس دم چلی نسیم سحر

ہو گیا حال اور بھی ابتر

اتنے میں صبح کی بجی وردی

دونی چہرے کی ہو گئی زردی

ہوئے ثابت جو صبح کے آثار

ہو گئی اور اس کی حالت زار

بید کی طرح جسم تھرایا

سر سے لے پاؤں تک عرق آیا

باتیں کرنی جو تھیں سو بھول گئی

دم لگا چڑھنے سانس پھول گئی

بولی گھبرا کے رہیو اس کے گواہ

اور کہا لا الہ الا اللہ

اب فقط یہ ہے خوں بہا میرا

بخش دیجو کہا سنا میرا

کہہ کے وہ پھر چمٹ گئی اک بار

اور کیا خوب بھینچ بھینچ کے پیار

سر سے لے کر بلائیں تا بہ قدم

بولی تم پر نثار ہوتے ہیں ہم

آگ لگ جائے وہ گھڑی کمبخت

بام پر آئی تھی میں کون سے وقت

پھر یہ بولی وہ پوچھ کر آنسو

میرے سر کی قسم نہ کڑھیو تو

آزماتی تھی تجھ کو کستی تھی

میں ترے چھیڑنے کو ہنستی تھی

مفارقت

کہہ کے یہ بات ہو گئی وہ سوار

یاں بندھا آنسوؤں کا آنکھ سے تار

آتش غم بھڑک گئی دونی

تپش قلب نے کی افزونی

یاد آتی تھی جب وصیت یار

وہم لاتا تھا دل ہزار ہزار

تھی مصیبت جو یہ بلا انگیز

دھیان آتے تھے کیا کیا وحشت خیز

دل میں کہنے کا اس کے تھا جو ملال

آتے تھے ذہن میں عجیب خیال

کون روکے گا جا کے گھر بیٹھے

جو کہا ہے وہی نہ کر بیٹھے

ہر گھڑی تھا جو اضطراب فزوں

چپکا روتا تھا بیٹھا میں محزوں

کہ اٹھا ایک سمت سے وہ غل

ہوش جس سے کہ اڑ گئے بالکل

شعلہ اک آگ کا بھڑکنے لگا

مثل بسمل کے دل تڑپنے لگا

یوں تو گزرے تھے دوپہر روتے

اور ہاتھوں کے اڑ گئے توتے

ہو گیا دل کو اس طرح کا ہراس

آئے سو سو طریق کے وسواس

کہا اک دوست سے کہ تم جا کر

جلد اس شور و غل کی لاؤ خبر

روتے ہیں ہم سے بد نصیب کوئی

مر گیا ان کا کیا حبیب کوئی

یوں جو اپنی یہ جان کھوتے ہیں

کون ہیں کس لیے یہ روتے ہیں

کیا ہوا ان پہ صدمۂ جاں کاہ

یہ جو کرتے ہیں ایسے نالہ و آہ

دوڑے آخر ادھر مرے احباب

لے کر آئے خبر وہاں سے شتاب

کیا اس طرح آ کے مجھ سے بیاں

کہ یہاں سے ہے اک قریب مکاں

باغ کے پاس جو بنا ہے گھر

واں فروکش ہے ایک سوداگر

یوں تو اک شور راہ بھر میں ہے

پر یہ آفت انہیں کے گھر میں ہے

صاف کھلتا نہیں ہے یہ اسرار

مر گیا کوئی یا کہ ہے بیمار

پر یہ ہوتا ہے عقل سے ادراک

کہ نہیں بے سبب اڑاتے خاک

کچھ نہ کچھ تو ہے ایسی ہی روداد

کہ یہ ہے شور نالہ و فریاد

نہیں برپا یہ بے سبب ماتم

ہے نکلتا کسی جوان کا دم

ہر بشر ہو رہا ہے دیوانہ

کوئی مرتا ہے صاحب خانہ

نہیں قابو میں ہے کسی کا دل

پیٹتے سر ہیں صاحبان محل

نہیں دیتا سنائی کچھ بالکل

ہے فقط ایک ہائے ہائے کا غل

تھمتا اک دم بھی واں خروش نہیں

کس سے پوچھیں کسی میں ہوش نہیں

روتے جس درد سے ہیں وہ اس دم

دیکھا جاتا نہیں خدا کی قسم

کہہ گئی تھی جو وہ کہ کھاؤں گی زہر

میں یہ سمجھا کہ ہو گیا وہی قہر

گو حیا سے نہ اس کا نام لیا

دونوں ہاتھوں سے دل کو تھام لیا

دوستوں نے جو دیکھی یہ صورت

بولے اس طرح از رہ الفت

حال دل یوں تمہارا غیر تو ہے

مگر اس وقت کیا ہے خیر تو ہے

بے سبب کس لئے ہوئے ہو اداس

اڑ گئے کیوں تمہارے ہوش و حواس

کون سی آفت آ گئی اس دم

مردنی منہ پہ چھا گئی اس دم

کیا ہے جو اتنے بے قرار ہو اب

کوئی مرجائے تم سے کیا مطلب

ایسی حالت جو بیچ و تاب کی ہے

تم کو کیا وجہ اضطراب کی ہے

شہر میں لوگ روز مرتے ہیں

خفقان اس کا کوئی کرتے ہیں

فکر کرنا ہے اس طرح کی زبوں

یونہی ہو جاتا ہے بشر مجنوں

سن کے ماں باپ کیا کہیں گے بتاؤ

ہوش پکڑو ذرا حواس میں آؤ

تم کو کیا ہے جو جان کھوتے ہو

بے سبب آپ ہی آپ روتے ہو

ہو رہے ہو ملول کس غم سے

حال دل کا تو کچھ کہو ہم سے

طعنہ آمیز دوستوں کے بیاں

ہوئے معلوم نشتر رگ جاں

نہ دیا ان کو مارے غم کے جواب

ڈھانپ کر منہ کیا بہانۂ خواب

اٹھ گئے دوست آشنا جس دم

کھول کر منہ کو چپکے اٹھے ہم

حال دل سینہ میں ہوا جو تباہ

بیٹھا کمرے سے آن کر سر راہ

دیکھا برپا ہے ایک حشر کا غل

بھیڑ سے بند راہ ہے بالکل

اس طرف سے جو لوگ آتے ہیں

یہی آپس میں کہتے جاتے ہیں

والدین کا ماتم

حال ان کا بھی جائے رقت ہے

داغ اولاد کا قیامت ہے

نوچ ڈالے ہیں سارے سر کے بال

کیا پریشاں ہے والدین کا حال

آفت تازہ سر پہ ہے آئی

بک رہے ہیں مثال سودائی

دھیان ان کی طرف جو جاتا ہے

غم سے منہ کو کلیجہ آتا ہے

جو کہ تھے ان میں صاحب اولاد

حال ابتر تھا ان کا حد سے زیاد

کہتے تھے کوٹ کر سر و سینہ

کیوں نہ دشوار ان کو ہو جینا

مرگ اولاد کا وہ ماتم ہے

رنج و غم جس قدر کریں کم ہے

کوئی کہتا تھا کیسی آفت ہے

نوجواں مرنا بھی قیامت ہے

یوں تو ہے از پئے زمانا مرگ

نہ مرے پر کوئی جوانا مرگ

آتش غم سے دل ہوا ہے کباب

ہے تپاں مثل ماہئ بے آب

چشمہ جاری ہے چشم گریاں کا

ہوش باقی نہیں تن و جاں کا

نہیں دم بھر کسی کو واں آرام

دیکھنے والے رو رہے ہیں تمام

پھوڑ ڈالے ہیں سب نے سر اپنے

سر و پا کی نہیں خبر اپنے

بنئے بقال جان کھوتے ہیں

سارے دوکان دار روتے ہیں

حال دیکھا جو میں یہ اٹھ کر

ہل گیا سینے میں دل مضطر

نہ رہی تاب رنج کے مارے

لگے تھرانے دست و پا سارے

بحر الفت نے دل میں مارا جوش

گر پڑا ہو کے خاک پر بے ہوش

عشق کی تھی جو دل کو بیماری

غش کا عالم سا ہو گیا طاری

دو گھڑی بعد پھر جو آیا ہوش

دیکھا برپا عجب ہے جوش و خروش

محبوب کا جنازہ

آگے آگے ہے کچھ جلوس رواں

سر کھلے کچھ ہیں پیچھے پیر و جواں

سن رسیدہ ہیں عورتیں کچھ ساتھ

سینہ و سر پہ مارتی ہیں ہاتھ

کوئی ماما ہے کوئی دائی ہے

کوئی انا کوئی کھلائی ہے

جب وہ بھرتی ہیں غم سے آہ سرد

سننے والوں کے دل میں ہوتا ہے درد

ہوتا غیروں کو ہے ملال ان کا

دیکھا جاتا نہیں ہے حال ان کا

کچھ بیاں ایسے ہوتے جاتے ہیں

راستے والے روتے جاتے ہیں

اس کے پیچھے پڑی پھر اس پہ نگاہ

کہ نہ دیکھے بشر معاذاللہ

شامیانہ نیا زری کا ہے

نیچے تابوت اس پری کا ہے

سہرا اس پر بندھا ہے اک زرتار

جیسے گلشن کی آخر ہو بہار

تھی پڑی اس پہ ایک چادر گل

جس سے خوشبو نکلتی تھی بالکل

عود سوز آگے آگے روشن تھے

مر گئے پر بھی لاکھ جوبن تھے

بھیڑ تابوت کے تھی ایسی ساتھ

جیسے آئے کسی دلہن کی برات

سب وضیع و شریف تھے ہمراہ

بھیڑ تھی اس قدر کہ تنگ تھی راہ

ساتھ تھے خویش و اقربا سارے

رو رہے تھے غریب بے چارے

پیچھے پیچھے تھا سب سے سوداگر

مو پریشاں، اداس، خاک بسر

آگے آگے جنازہ جاتا تھا

غش اسے ہر قدم پہ آتا تھا

ہاتھ تھامے تھے اقربا سارے

تا کسی جا پہ سر نہ دے مارے

حال اس درجہ ہو رہا تھا زبوں

بہتا جاتا تھا سر کے زخم سے خوں

سب امیر و فقیر روتے تھے

دیکھ کر راہ گیر روتے تھے

پیچھے سب کے پنس میں تھی مادر

کہتی جاتی تھی اس طرح رو کر

تیری میت پہ ہو گئی میں نثار

کم سخن ہائے میری غیرت دار

دل پہ جو گزری کچھ بیان نہ کی

کچھ وصیت بھی میری جان نہ کی

کچھ نہیں ماں کی اب خبر تم کو

کس کی یہ کھا گئی نظر تم کو

دل ضعیفی میں میرا توڑ گئیں

بیٹا اس ماں کو کس پہ چھوڑ گئیں

تازہ پیدا جگر پہ داغ ہوا

گھر مرا آج بے چراغ ہوا

دل کو ہاتھوں سے کوئی ملتا ہے

جی سنبھالے نہیں سنبھلتا ہے

زہر دے دے کوئی میں کھا جاؤں

یا زمیں شق ہو میں سما جاؤں

داغ تیرا جگر جلاتا ہے

چاند سا مکھڑا یاد آتا ہے

مٹ گیا لطف زندگانی کا

دل کو غم ہے تری جوانی کا

بیاہ تیرا رچانے پائی نہ میں

کوئی منت بڑھانے پ ائی نہ میں

تیری صورت پہ ہوگئی قرباں

چلیں دنیا سے کیسی پر ارماں

ہوئیں کس بات پر خفا بولو

اماں واری ذرا جواب تو دو

بولتیں تم نہیں پکارے سے

اب جیوں گی میں کس سہارے سے

کیا قضا نے جگر پہ داغ دیا

آج گھر میرا بے چراغ کیا

نکلا ماں باپ کا نہ کچھ ارمان

ہائے بیٹا نہ تم چڑھیں پروان

ایسی اس ماں سے ہوگئیں بیزار

لی نہ خدمت بھی پڑ کے کچھ بیمار

نہ جیؤں گی ترے فراق میں میں

دل تڑپتا ہے آنکھیں ڈھونڈتی ہیں

کس مصیبت میں پڑ گئی بیٹا

کوکھ میری اجڑ گئی بیٹا

عمر کٹنی تھی ایسے صدمے میں

ٹھوکریں تھیں لکھی بڑھاپے میں

سن کے اس طرح اس کی ماں کے بین

اور سینے میں دل ہوا بے چین

تھی وصیت جو اس پری کی یاد

سب کے پیچھے میں ہو لیا ناشاد

گو یہ طاقت نہ تھی کہ چلتا راہ

لے چلا جذب عشق پر ہمراہ

پیچھے ان سب کے جو رواں تھا میں

صورت گرد کارواں تھا میں

گہ تڑپتا تھا صورت بسمل

بیٹھ جاتا تھا گاہ تھام کے دل

جوں جوں کرتا تھا ضبط میں نالہ

دل ہوا جاتا تھا تہ و بالا

مرغ بسمل کی میری صورت تھی

یاں گرا واں گرا یہ حالت تھی

العرض پہنچا ساتھ ان کے وہاں

دفن کا اس کے تھا مقام جہاں

قبر کھدتی جو واں نظر آئی

لاکھ روکا پہ چشم بھر آئی

دیکھ کر یہ جو لوگ رونے لگے

ٹکڑے ٹکڑے جگر کے ہونے لگے

طاقت ضبط گر یہ جب نہ رہی

دل سے اپنے یہ میں نے بات کہی

کہہ کے کیا مر گئی وہ جان تجھے

کچھ وصیت کا بھی ہے دھیان تجھے

ہو نہ للہ بے قرار اتنا

ضبط کر نالہ ہو سکے جتنا

دل کو سمجھا کے یہ گیا میں وہاں

جمع سب ان کے اقربا تھے جہاں

دل آفت زدہ کو بہلا کر

چپکا بیٹھا میں اک طرف جا کر

اشک آنکھوں سے گو نہ بہتے تھے

لوگ پر دیکھ کر یہ کہتے تھے

حال چہرے کا آج کیسا ہے؟

خیر تو ہے مزاج کیسا ہے؟

لال آنکھیں ہیں تمتمائے ہیں گال؟

وجہ کیا ہے بیان کیجئے حال؟

منہ پہ اک مردنی سی چھائی ہے

چہرے پر چھٹ رہی ہوائی ہے

بولا میں اور کچھ نہیں ہے بات

شب کو سویا نہیں میں ساری رات

اس پہ پیدل جو آیا میں مجبور

رنگ چہرے کا ہو گیا کافور

ترک عادت بھی اک عداوت ہے

رات کا جاگنا قیامت ہے

دل کا شک ان کے سب نکال دیا

یہی کہہ سن کے ان کو ٹال دیا

غل ہوا اتنے میں سب آتے جائیں

فاتحہ پڑھتے جائیں جاتے جائیں

سن کے یہ سب گئے وہاں احباب

بخشا پڑھ پڑھ کے فاتحہ کا ثواب

جب کہ اس سے بھی ہو گئی فرصت

آئے جتنے تھے ہو گئے رخصت

پائی تنہا جو میں نے یار کی قبر

دل کو باقی رہی نہ طاقت صبر

تھا جو اس شمع رو کا پروانہ

دوڑا کر آیا مثل دیوانہ

گر پڑا آ کے قبر پر اک بار

اور رونے لگا میں زار و قطار

نہ رہا تھا جو اختیار میں دل

لوٹا تربت پہ صورت بسمل

مر گئی تھی جو مجھ پہ وہ گلفام

زندگی ہو

likh qalam pahle hamd rab-e-wadud

ke har ik ja pe hai wahi maujud

zat maabud-e-jawidani hai

baqi jo kuchh ke hai wo fani hai

hamsar us ka nahin nadim nahin

sab hain hadis koi qadim nahin

madh ahmad zaban pe kyunkar ae

bahr-e-kuze mein kis tarah se samae

zat ahmad ko koi kya jane

ya ali jane ya khuda jane

madh haidar mein kholiye jo dahan

is se age nahin hai jae sukhan

koi haidar ka martaba samjha

koi banda koi khuda samjha

hai bana jab se gulshan-e-ijad

hui har shai har ek ko imdad

rang khubi ata kiya gul ko

nala-e-o dard bakhsha bulbul ko

mah ko nur-e-lutf hale ko

chashm-e-nargis ko dagh lale ko

rasti ki ata sanobar ko

pech sumbul ko ab gauhar ko

sakhti sari buton ke dil mein di

ulfat insan ke ab-o-gul mein di

ishq se kaun hai bashar khali

kar diye jis ne ghar ke ghar khali

parte hain is mein jan ke lale

dalta hai jigar mein but khane

jo ke waqif the sab qarinon se

khak chhanwai un hasinon se

us se ummid rakhna hai be ja

bhai majnun se kya suluk kiya

munh se karne na di fughan us ne

mare chun chun ke naujawan us ne

us ne jis se zara tapak kiya

sab se pahle use halak kiya

atish-e-hijr se rulata hai

ag pani mein ye lagata hai

mar dala tamash bainon ko

zahr khulwa diya hasinon ko

bas mein dale na kibriya us ke

rahm dil mein nahin zara us ke

ek qissa gharib likhta hun

dastan-e-ajib likhta hun

taza is tarah ki hikayat hai

sunne walon ko jis se hairat hai

jis mohalle mein tha hamara ghar

wahin rahta tha ek saudagar

mard-e-ashraf sahab-e-daulat

tajiron mein kamal-e-zi izzat

gham na tha kuchh faragh bali se

tha bahut khandan-e-ali se

ek dukhtar thi us ki mah jabin

shadi us ki nahin hui thi kahin

sani rakhti na thi wo surat mein

ghairat-e-hur thi haqiqat mein

sabz nakhl-e-gul-e-jawani tha

husn-e-yusuf faqat kahani tha

is sun-o-sal par kamal khaliq

chal dhal intiha ki nastaaliq

chashm-e-bad dur wo hasin ankhen

rashk-e-chashm-e-ghazal-e-chin ankhen

tha jo man bap ko nazar ka dar

ankh bhar kar na dekhte the idhar

thi zamane mein be adil-o-nazir

khush galo, khush jamal khush taqrir

tha na is shahr mein jawab us ka

husn lakhon mein intikhab us ka

sher goi se zauq rahta tha

likhne parhne ka shauq rahta tha

rukh pe gesu ki lahr afat thi

jo ada us ki thi qayamat thi

tha ye us gul ka jama zeb-e-badan

sadi poshak mein the so joban

sara ghar us pe rahta tha qurban

ruh gar man ki thi to bap ki jan

nur ankhon ka dil ka chain thi wo

rahat-e-jan walidain thi wo

pahli nazar

ek din charkh par jo abr aya

kuchh andhera sa har taraf chhaya

khul gaya jab baras ke wo badal

qaus tab asman pe ai nikal

dil mira baithe baithe ghabraya

sair karne ko bam par aya

khafqan dil ka jo bahalne laga

is taraf is taraf tahalne laga

dekha ik samt jo utha ke nazar

samne thi wo dukht-e-saudagar

sath hajmolyan bhi thin do char

dekhti thin wo asman ki bahar

bam se kuchh utarti jati thin

chahlen apas mein karti jati thin

rah gai jab akeli wo gul ru

nigaran sair ko hui har su

hui meri jo us ki char nigah

munh se be sakhta nikal gai ah

hal-e-dil ka nahin kaha jata

khub sambhala, nahin ghash a jata

na hua go kalam fi ma bain

ruh qalib mein ho gai be chain

tir-e-ulfat jo tha laga kari

ashk-e-be sakhta hue jari

samne wo khari thi mah-e-munir

chup khara tha main surat-e-taswir

tab-e-nazzara itni la na saka

ke ishare se bhi bala na saka

dekhta us ko bar bar tha main

mahw-e-husn-o-jamal-e-yar tha main

go main roke hue hazar raha

dil pe lekin na ikhtiyar raha

isi surat se ho gai jab sham

lai pas us ke ik kaniz-e-payam

baithi nahaq bhi haulen khati hain

ammi jan ap ki bulati hain

gesu rukh par hawa se hilte hain

chaliye ab donon waqt milte hain

sun ke laundi ke munh se ye paigham

gai kothe ke niche wo gulfam

us ka jalwa na jab nazar aya

main bhi rota hua utar aya

sham se phir sahar ki mar mar ke

shab wo kati khuda khuda kar ke

iztirab-e-ashiq

par gaya dil mein gham se ik nasur

yahi us din se par gaya dastur

din mein sau bar bam par jana

dekhna bhalna chale ana

jab na dekha wahan pe wo gul ru

fart-e-gham se nikal pare ansu

lakh chaha na ho saka dil sakht

piye taskin rahi ye amad-o-raft

guzre kuchh din to ranj ke mare

zar darkhasar ho gae sare

ho gai phir to aisi halat-e-zar

jaise barson ka ho koi bimar

dil ko thi gham se khud faramoshi

lag gai lab pe mehr-e-khamoshi

na raha dil ko zabt ka yara

sar jahan paya dhar se de mara

ranj lakhon tarah ke sahte the

lab the khamosh ashk bahte the

hijr se ghair hogai halat

gham se bilkul badal gai surat

hawa hairan apna begana

jis ne dekha mujhe na pahchana

man bap ki fahmaish

dekhe man bap ne jo ye andaz

ruh qalib se kar gai parwaz

puchha mujh se ye kya hai hal tira

kis taraf hai bandha khayal tira

sach bata de ke dhyan kis ka hai

dil mein gham meri jan kisi ka hai

ranj kis shola ro ka khate ho

shama ki tarah pighle jate ho

zard chehra hai arghawan ki tarah

tukre poshak hai katan ki tarah

kaun si mah ru pe marte ho

sach kaho kis ko pyar karte ho

ye kaho mah jabin mila hai kaun?

tum ko aisa hasin mila hai kaun?

khate ho pite ho na sote ho

roz uth uth ke shab ko rote ho

nahin maalum kaun hai wo chhinal

kar diya mere lal ka ye hal

mere bachche ki jo karhae jan

sat bar us ko main karun qurban

allah amanen se ham to yun palen

ap afat mein jan ko yun dalen

tere pichhe ki talkh sab auqat

din ko din samjhi aur na rat ko rat

pala kis kis tarah tumhen jani

kaun minnat thi jo nahin mani

raushni masjidon mein karti thi

ja ke dargah chauki bharti thi

ab jo nam-e-khuda jawan hue

aise mukhtar meri jan hue

han miyan sach hai ye khuda ki shan

tum karo jan bojh kar halkan

ham to yun phunk phunk rakhen qadam

ap dete phiren har ek pe dam

ham yahan ranj-o-gham mein rote hain

ap ghairon pe jan khote hain

yun mitaoge jan kar ham ko

thi na us roz ki khabar ham ko

dekhti hun jo tera hal-e-zabun

khushk hota hai mere jism ka khun

yun to barbad to shabab na kar

mitti man bap ki kharab na kar

kuchh to kah ham se apne qalb ka hal

kis ka bhaya hai tujh ko husn-o-jamal

dil hua tera shefta kis ka

sach bata hai farefta kis ka

kaisa do din mein ji nidhal hua

dai bandi ka kya ye hal hua

aina to utha ke dekh zara

sat gaya do hi din mein munh kaisa

sudh na khane ki hai na pine ki

konasi phir umid jine ki

kis ki ulfat mein hai ye hal kiya

kuchh na man bap ka khayal kiya

dil pe guzra hai kya malal to kah

munh se nashudni apna hal to kah

yun hi gar ho gaya to saudai

dur pahunche gi us ki ruswai

aise diwane ko bharega kaun?

shadi aur biyah phir karega kaun?

kardiya kis ne aisa awara

ke nahin banta ab koi chara

age to ye na tha tira dastur

kis se sikha hai is tarah ke umur

mere to dekh kar gae ausan

laila majnun ke tune kate kan

baten ye walidain ki sun kar

aur ik qalb par laga nashtar

sharm ke mare munh ko dhanp liya

kuchh na man bap ko jawab diya

guzra yan tak to ye hamara hal

ab bayan us ka hota hai ahwal

main to khae hue tha ishq ka tir

par hui us ke dil pe bhi tasir

chhalke ankhon ke donon paimane

dil laga ap hi ap ghabrane

atish-e-ishq se utha jo dhuan

baton baton mein barh gaya khaftan

gosh fariyad qalb sunne lage

khud bakhud hath paon dhunne lage

dard-o-gham dil ko a gaya jo pasand

sona raton ka ho gaya saugand

mauj-e-ulfat use dubone lagi

ek uljhan si dil ko hone lagi

ghatne taqat lagi jo roz buruz

atish-e-hijr ho gai dil soz

dagh jun jun jigar ke jalte the

ashk-e-garm ankh se nikalte the

garm nale the lab pe ah-e-sard

dil mein hota tha mitha mitha dard

yun tarapta tha us ke sine mein dil

jis tarah laute tair-e-bismil

ho gai jab kamal-e-halat-e-zar

ji mein baqi raha na sabr-o-qarar

nama-e-husn

likhne parhne se tha jo us ko zauq

so ch kar dil mein likha ik khat shauq

bheja mujh ko wo be khatar nama

dar se likha magar na sarnama

ek mama ne a ke chupke se

khat diya un ka hath mein mere

khol kar main ne jo use dekha

kuchh ajab dard se ye likha tha

ho ye maalum tum ko baad salam

gham-e-furqat se dil hai be aram

apne kothe pe to nahin ata

dil hamara bahut hai ghabrata

shakl dikhla de kibriya ke liye

bam par a zara khuda ke liye

is mohabbat pe ho khuda ki mar

jis ne yun kar diya mujhe na char

sare ulfat ne kho diye ausan

warna ye likhti mein khuda ki shan

ab koi is mein kya dalil kare

jis ko chahe khuda zalil kare

parh ke main ne likha ye us ko jawab

kya likhun tum ko apna hal-e-kharab

ban gai yan to jan par meri

khub li ap ne khabar meri

hijr mein mar ke zindagani ki

ab bhi puchha to mehrbani ki

jab se dekha hai ap ka didar

dil se jata raha hai sabr-o-qarar

roz tap se bukhar rahta hai

sar pe ik jin sawar rahta hai

tere qadmon ki hun qasam khata

hosh do do pahar nahin ata

puchhta hai jo koi a ke hal

aur hota hai mere dil ko malal

kahun kis kis se is kahani ko

ag lag jae is jawani ko

hogai hai kuchh aisi taqat taq

uth nahin sakta bar ranj-e-firaq

hal ke pani piya nahin jata

warna hukm ap ka baja lata

pata taqat jo talib-e-didar

bam par ata din mein sau sau bar

pahuncha jis waqt se tira maktub

zindagi ka bandha hai kuchh uslub

ranj-e-rahat se gar badal jae

kya ajab hai jo dil sambhal jae

pesh qadami jo tum ne ki mire sath

is mein zillat ki kaun si hai bat

nahin kuchh is mein ap ka hai qusur

meri ulfat ka ye asar hai zarur

ishq ka hai asar mire wallah

warna tum likhtin ye maaz allah

tum to wo log hote ho jallad

nahin sunte koi kare fariyad

ho bala se kisi ka hal bura

koi marjae tum ko kya parwa

nahin mumkin tumhara bal jae

dam bhi ashiq ka gar nikal jae

ab main likhta hun ap ko ye huzur

wasl ki fikr chahiye hai zarur

is mein ghaflat jo tu ne ki ai mah

hal hoga mira kamal-e-tabah

ghair hai hijr se miri halat

gham uthane ki ab nahin taqat

dil pe afat ajib ai hai

jan bach jae to khudai hai

jan ko kis ghari qarar aya

ghash ne fursat jo di bukhar aya

tapish-e-dil ne gar kya hushyar

wahm ane lage hazar hazar

dil ki wahshat ne kuchh jo mara josh

wo bhi jate rahe jo ae the hosh

ashna dost a gae jo kabhu

jis ne dekha nikal pare ansu

jhut samjhen use huzur nahin

jan jati rahe to dur nahin

mar gae ham to ranj-e-furqat se

par khabar ki na apni halat se

ab jo bheji ye ap ne tahrir

hai ye lazim ke wo karo tadbir

sakhtiyan hijr ki badal jaen

dil ki sab hasraten nikal jaen

de ke khat main ne ye kaha us se

jald us ka jawab la us se

pahuncha jab is talak mira maktub

hans ke boli ke wah wa kiya khub

phir kya ye jawab mein tahrir

kuchh qaza to nahin hai daman gir

zikr in baton ka yahan kya tha

chherne ko tire ye likha tha

aisi baten thin kab yahan manzur

tha faqat tera imtihan manzur

ye to likhe the sab hansi ke kalam

warna in baton se mujhe kiya kam

mujh ko aisi thi kya tiri parwa

bam par to bala se a ke na a

bat thi ye kamal-e-aql se dur

jhut likhne pe hogae maghrur

tum pe marti mein kya qayamat thi

kya mire dushmanon ki shamat thi

meri janib se ye guman kiya khub

jhut jam jam se hai bahut marghub

ye na samjha ke majra kya hai?

yun bhi koi kisi ko likhta hai

kala dana zara utar walo

rai lon is samajh pe kar dalo

tujh pe marte bhi gar mire bad khwah

yun na likhti kabhi maaz allah

jan pa posh se nikal jati

par tabiat na yun badal jati

aisi baton mein hota hai badnam

ab na likhiyega is tarah ke kalam

ranj a jata hai isi kad se

na barhe admi kabhi had se

kya samajh kar likha tha ye mazmun

achchhi hoti nahin hai itni daun

ji mein thani hai kya batao to?

khangi kasbi koi samjhe ho

mal zadi nahin yahan koi

jo kare tum se garmiyan koi

dekh tahrir fel lae ap

khub jaldi maze mein ae ap

talib-e-wasl jo hue ham se

hai ga sada mizaj-e-jam jam se

wisal-e-dost

rahi kuchh roz to yahi tahrir

phir muafiq hui miri taqdir

hue us gul se wasl ke iqrar

uth gai darmiyan se sab takrar

jo kaha tha ada kiya us ne

waada ik din wafa kiya us ne

rat bhar mere ghar mein rah ke gai

subh ke waqt phir ye kah ke gai

bat is dam ki yad rakhiyega

ek din ye maza bhi chakhiyega

bigregi jab na kuchh ban aegi

ap ke pichhe jan jaegi

lo miri jan jati hun ab to

yad rakhiyega meri sohbat ko

jo khuda phir milaega tum se

tu kahungi mein hal a tum se

sun ke main ne diya ye us ko jawab

na karo dil ko is qadar be tab

kahti tum kya ho ye khuda na kare

ye sitam howe kibriya na kare

umr bhar ham wafa na torenge

zindagi bhar na munh ko morenge

pyar karti jo thi wo ghairat-e-hur

rakha milne ka us ne ye dastur

panj shamba ko jati thi dargah

wan se ati thi mere ghar wo mah

aish hone lage mire un ke

ghair jalne lage ye sun sun ke

atish-e-hijr

ittifaq aisa phir hua nagah

do mahine talak na ai wo mah

qata sab ho gae payam-o-salam

na rahi shakl-e-rahat-o-aram

taba ko ho gai pareshani

aql ko thi ajib hairani

dil ko tashwish thi ye had se ziyad

dafatan par gai ye kya uftad

thi na mujh se yahan kisi ko lag

kis ne is tarah ki lagai ag

dil mein kis ne ye us ke bal dala

jo mire aish mein khalal dala

kuchh to aisa hua hai afsana

jo yahan tak na ho saka ana

nahin maalum kya pari uftad

jo faramosh ki hamari yad

kaun aisa hai jae ghar us ke

kis ko bhejun makan par us ke

kyun na bezar hun main jine se

nahin dekha hai do mahine se

jan ankhon mein khinch ke ai hai

ab nahin taqat-e-judai hai

karliya ho saka jahan tak sabr

ab kaho dil kare kahan tak sabr

do mahine na dekhe jab gul ko

chain kis tarah ae bulbul ko

rat phir kis tarah guzari jae

kisi tarah dil ki be qarari jae

taba kis tarah phir bahal jae

jism se ruh jab nikal jae

akhiri mulaqat

ai nauchandi itne mein nagah

is bahane se ai wo dargah

bas ke marti thi nam par mere

chhup ke ai wahan se ghar mere

thi na fursat jo ashkbari se

utri roti hui sawari se

phir lipat kar mire gale ik bar

hal karne lagi wo yun izhar

aqriba mere hogae agah

tum se milne ki ab nahin koi rah

mashware ye hue hain apas mein

bhejte hain mujhe banaras mein

wo chhute ham se jis ko pyar karen

jabr kyunkar ye ikhtiyar karen

go thikane nahin hain hosh-o-hawas

par ye kahne ko ai hun tire pas

akhiri iltimas

jae ibrat sarae fani hai

morid-e-marg-e-nagahani hai

unche unche makan the jin ke

aj wo tang gor mein hain pare

kal jahan par shagufa-o-gul the

aj dekha to khar bilkul the

jis chaman mein tha bulbulon ka hujum

aj is ja hai ashiyana-e-bum

bat kal ki hai naujawan the jo

sahab-e-naubat-o-nishan the jo

aj khud hain na hai makan baqi

nam ko bhi nahin nishan baqi

ghairat-e-hurmah jabin na rahe

hain makan gar to wo makin na rahe

jo ke the badshah-e-haft iqlim

hue ja ja ke zer-e-khak muqim

koi leta nahin ab us ka nam

kaun si gor mein gaya bahram

ab na rustam na sam baqi hai

ik faqat nam nam baqi hai

kal jo rakhte the apne farq pe taj

aj hain fatiha ko wo mohtaj

the jo khud sar jahan mein mashhur

khak mein mil gaya sab un ka ghurur

itr mitti ka jo na milte the

na kabhi dhup mein nikalte the

gardish-e-charkh se halak hue

ustukhwan tak bhi un ke khak hue

the jo mashhur qaisar-o-maghfur

baqi un ka nahin nishan-e-qubur

taj mein jin ke tikte the gauhar

thokaren khate hain wo kasa-e-sar

rashk-e-yusuf jo the jahan mein hasin

kha gae un ko asman-o-zamin

har ghari munqalib zamana hai

yahi duniya ka karkhana hai

hai na shirin na kohkin ka pata

na kisi ja hai nal daman ka pata

bu-e-ulfat tamam phaili hai

baqi ab qais hai na laila hai

subh ko tairan-e-khush ilhan

parhte hain kal man aliha fan

maut se kis ko rastgari hai

aj wo kal hamari bari hai

zindagi be sabat hai is mein

maut ain-e-hayat hai is mein

ham bhi gar jan de den kha kar sam

tum na rona hamare sar ki qasam

dil ko hamjuliyon mein bahlana

ya miri qabr par chale ana

ja ke rahna na is makan se dur

ham jo marjaen teri jan se dur

ruh bhatkegi gar na paegi

dhundhne kis taraf ko jaegi

roke rahna bahut tabiat ko

yad rakhna miri wasyyat ko

zabt karna agar malal rahe

meri ruswai ka khayal rahe

mere marne ki jab khabar pana

yun na daure hue chale ana

jama haulen sab aqriba jis dam

rakhna is waqt tum wahan pe qadam

kahe deti hun ji na khona tum

sath tabut ke na rona tum

ho gae tum agarche saudai

dur pahunche gi meri ruswai

lakh tum kuchh kaho na manenge

log ashiq hamara janenge

taana zan honge sab gharib-o-amir

qabr par baithna na ho ke faqir

samna ho hazar afat ka

pas rakhna hamari izzat ka

jab janaza mira aziz uthaen

ap baithe wahan na ashk bahaen

meri minnat pe dhyan rakhiyega

band apni zaban rakhiyega

tazkira kuchh na kijiye ga mira

nam munh se na lijiye ga mira

ashk ankhon se mat bahaiyega

sath ghairon ki tarah jaiyega

ap kandha na dijiye ga mujhe

sab mein ruswa na kijiye ga mujhe

rang dil ke badal na jaen kahin

munh se nale nikal na jaen kahin

sath chalna na sar ke bal khule

ta kisi shakhs par na hal khule

hote atish ke hain ye par kale

tar jate hain tarne wale

ho bayan gar kisi jagah mira hal

tum na karna kuchh is taraf ko khayal

zikr sun kar mira na ro dena

meri izzat na yun dubo dena

ranj-e-furqat mira utha lena

ji kisi aur ja laga lena

hoga kuchh meri yad se na husul

dil ko kar lena aur se mashghul

ranj karna na mera mein qurban

sun lo gar apni jan hai to jahan

de na us ko khuda kabhi koi dard

ho ta nazuk kamal hai dil-e-mard

dil mein karhna na mujh se chhut ke to

rona mat sina kot kot ke to

a ke ro lena meri qabr ke pas

ta nikal jae tere dil ki bhirus

ansu chupke se do baha lena

qabr meri gale laga lena

agar a jae kuchh tabiat par

parhna quran meri turbat par

ghuncha-e-dil mira khula jana

phul turbat pe do charha jana

ro ke karna na apna hal-e-zabun

ta na ho jae dushmanon ko junun

dekhiye kis tarah paregi kal

sakht hoti hai manzil-e-awwal

mere marqad pe roz ana tum

fatiha se na hath uthana tum

hai ye hasil sab itni baton se

mitti dena tum apne hatun se

umr bhar kaun kis ko rota hai

kaun sahab kisi ka hota hai

kabhi a jae gar hamara dhyan

janna ham pe ho gai qurban

dil mein kuchh ane dijiyo na malal

khwab dekha tha kijiyo ye khayal

ranj-o-rahat jahan mein to um hai

kahin shadi hai aur kahin gham hai

hai kisi ja pe jashn-e-sham-o-pagah

hai kisi ja sada-e-nala-o-ah

marg ka kis ko intizar nahin

zindagi ka kuchh etibar nahin

phir mulaqat dekhen ho ke na ho

aj dil khol kar gale mil lo

khub sa aj dekh bhal lo tum

dil ki sab hasraten nikal lo tum

ao achchhi tarah se kar lo pyar

ke nikal jae kuchh to dil ka bukhar

dil mein baqi rahe na kuchh arman

khub mil lo gale se main qurban

hashr tak hogi phir ye bat kahan

ham kahan tum kahan ye rat kahan

kah lo sun lo jo kuchh ke ji mein ae

phir khuda jane kya nasib dikhae

dil ko apne karo malul nahin

rone dhone se kuchh husul nahin

ham ko gare jo apne dil ko karhae

ham ko hai hai kare jo uchak bahae

umr tum ko to hai abhi khina

din bahut se pare hain ro lena

bahen donon gale mein dal lo aj

jo jo arman hun nikal lo aj

phir khuda jane kya mashiyyat hai

itni sohbat bahut ghanimat hai

kal kise baith kar karoge pyar

kis ki lauge balaen tum har bar

kal gale se kise lagaoge

yun kise god mein bithaoge

hal kis ka sunaegi a kar

kis ki mama bala-e-gi a kar

ham to uthte hain is makan se kal

ab to jate hain is jahan se kal

yad apni tumhen dilate jaen

pan kal ke liye lagate jaen

ho chuka aj jo ke tha hona

kal basaenge qabr ka kona

khak mein milti hai ye surat aish

phir kahan ham kahan ye sohbat-e-aish

dekh lo aj ham ko ji bhar ke

koi ata nahin hai phir mar ke

khatm hoti hai zindagani aj

khak mein milti hai jawani aj

chup raho kyun abas bhi rote ho

muft kahe ko jan khote ho

samjo is shab ko shab barat ki rat

ham hain mehman tumhare rat ki rat

chain dil ko na aega tujh bin

ab ke bichhre milenge hashr ke din

ab tum itni dua karo miri jan

kal ki mushkil khuda kare asan

phal uthaya na zindagani ka

na mila kuchh maza jawani ka

dil men le kar tumhari yad chale

bagh alam se na murad chale

kahti hai bar bar himmat ishq

hai yahi muqtaza-e-ghairat-e-ishq

charpai pe kaun par ke mire

kaun yun eriyan ragar ke mire

ishq ka nam kyun dubo jaen

aj hi jan kyun na kho jaen

jab talak charkh-e-be madar rahe

ye fasana bhi yadgar rahe

boli ghabra ke phir thahar miri jan

kuchh suna bhi ke kya baja is an

hasrat-e-dil nigori baqi hai

aur yahan rat thori baqi hai

god main apni phir bitha lo jan

phir gale se hamen laga lo jan

dal do phir gale mein bahon ko

phir gilauri chaba ke munh mein do

phir kahan ham kahan ye sohbat-e-yar

kar lo phir ham ko bhinch bhinch ke pyar

phir mire sar pe rakh do sar apna

gal phir rakh do gal par apna

phir isi tarah munh ko munh se milo

phir wahi baten pyar ki kar lo

lahr phir charh rahi hai kalon ki

bu singha do tum apne balon ki

phir ham uthne lagen bitha lo tum

phir bigar jaen ham mana lo tum

phir labon ko chaba ke bat karo

phir zara muskura ke bat karo

phir balaen tumhari yar len ham

ao phir sar se sar utar len ham

ro na is tarah se to zar-o-qatar

dushmanon ko kahin charhe na bukhar

ap achchhe bhale bichhar jaen

aur lene ke dene par jaen

kat le koi dhar se sar mera

bal bika na ho magar tera

main dil-o-jan se hun fida teri

le ke mar jaun main bala teri

ab to kyun thandi sansen bharta hai

kyun mire dil ke tukre karta hai

main abhi to nahin gai hun mar

kyun sajai hain ankhen ro ro kar

is qadar ho raha hai kyun ghamgin

kyun mitata hai apni jan-e-hazin

kar na ro ro ke apna hal-e-zabun

are zalim abhi to jiti hun

ashk bahte hain nagawar tire

tu na ro ho gai nisar tire

aise qisse hazar hote hain

yun kahin mardwe bhi rote hain

yun to ansu na to baha apne

dil ko mazbut rakh zara apne

ranj se mere kuchh udas na ho

yun to lillah bad hawas na ho

tum to itne mein ho gae ranjur

thak gae aur abhi hai manzil dur

isi gham ne to mujh ko mara hai

sadma tera nahin gawara hai

apne marne ka kuchh nahin hai alam

dil mein mere faqat hai us ka gham

jan ham ne to is tarah khoi

kaun teri karega dil joi

a ke samjhaega bujhaega kaun

is tarah se gale lagaega kaun

kaun ro ke ga is tabiat ko

kis se kah jaun is wasyyat ko

go ke be ja tira hiras nahin

koi dil soz bhi to pas nahin

main kahan hun jo sath dun tera

hath mein kis ke hath dun tera

yun tasalli tiri karega kaun

meri surat bhala mire ga kaun

kaun yun khush karega dil tera

dil hai is gham se muzmahil tera

ji lagega na sath mein us ka

dil liye rahna hath mein us ka

par main ab us ka kya karun kambakht

asman dur hai zamin hai sakht

go ke uqba mein ro siyah chali

magar apni si mein nibah chali

ji ko tum par fida kiya main ne

haq wafa ka ada kiya main ne

boli phir zanuon pe mar ke hath

nahin maalum ab hai kitni rat

jun jun gharyal wan bajata tha

ji mira sansanaya jata tha

yun to koi na dard-o-gham mein karhe

phule jate hain hath paon mire

kuchh ajab ho raha hai jan ka tur

kahti hun kuchh nikalta hai kuchh aur

ansu ankhon mein bhar bhar ate hain

dast-o-pa sare thartharate hain

dil ko samjhati hun main bahutera

par sambhalta nahin hai ji mera

go to baitha hua hai pas mire

par thikane nahin hawas mire

hosh ae hue bhi jate hain

dil mein kya kya khayal ate hain

pesh yun furqat-e-habib na ho

kisi dushman ko bhi nasib na ho

dusra ab ye aur matam hai

sang baqi bahut hain shab kam hai

khak taskin jan-e-zar karen

ab wasyyat karen ke pyar karen

sun ke main ne diya ye us ko jawab

dil ko mere bas ab karo na kabab

tum to yun apni jan do miri jan

main wasyyat sunun khuda ki shan

dil se rakhna zara ye apne daur

kaun kambakht ye karega umur

mujh pe ye din to kibriya na kare

tum maro mein jyun khuda na kare

jan de dogi tum jo kha kar sam

main bhi marjaun ga khuda ki qasam

jo ye dekhega khub roega

age pichhe janaza hue ga

ik zara mujh se to kaho ye hal

ji mein kya aya ap ke ye khayal

dil hi dil mein alam uthati ho

jan deti ho, zahr khati ho

pahuncha man bap se agar hai alam

us ka karna na chahiye tumhen gham

jo ke hote hain qaum ke ashraf

yun hi karte hain wo qusur muaf

kuchh tumhen par nahin hai ye uftad

sab ke man bap hote hain jallad

sadma har ik pe ye guzarta hai

zahr kha kha ke koi marta hai

shikwa man bap ka to nahaq hai

un ka aulad par bara haq hai

hun jo naraz ye qayamat hai

un ke qadmon ke niche jannat hai

tum to nam-e-khuda se ho dana

us pe rutba na un ka pahchana

kya bharosa hayat ka un ki

na bura mano bat ka un ki

hosh rahte nahin hain is sun ke

ye to mehman hain koi din ke

itni si bat ka ghubar hai kya

un ke kahne ka etibar hai kya

ghaur se kijiye jo dil mein khayal

un ka ghussa nahin hai jae malal

sun ke us ne diya ye mujh ko jawab

ham ne dekhi nahin hai chashm-e-itab

be haya aisi zindagi ko salam

munh pe ae na the kabhi ye kalam

taane sunti hun do mahine se

maut behtar hai aise jine se

khun-e-dil kab talak piye koi

be haya ban ke kya jiye koi

noj insan be hamiyyat ho

admi kya na jis ko ghairat ho

bat wo kis tarah bashar se uthe

na suni ho kabhi jo kanon se

wo sune jis ko us ki adat hai

is mein kya apni apni ghairat hai

par mire jite ji to bahr-e-khuda

apne marne ka zikr munh pe na la

kaun sa par gaya hai ranj-o-mehan

jan kyun denge ap ke dushman

tum ne ji dene ki jo ki tadbir

hashr ke roz hongi daman gir

tu salamat jahan mein rah miri jan

niklen man bap ke tire arman

waste mere apna dil na karha

chand si bano ghar mein biyah ke la

hai yahi lutf-e-zindagani ka

dekh sukh apni naujawani ka

char din hai ye nala-o-fariyad

umr bhar kaun kis ko karta hai yad

lutf dena ke jab uthaoge

ham ko do din mein bhul jaoge

akhiri ghariyan

tha yahi zikr jo baja gharyal

sunte hi us ke ho gai be hal

ho gaya fart-e-gham se chehra zard

dast-o-pa tharthara ke ho gae sard

murdani rukh pe chha gai us ke

dil mein wahshat sama gai us ke

dil mein guzra jo us ke subh ka shak

hui istada ja ke zer-e-falak

thandi jis dam chali nasim-e-sahar

ho gaya hal aur bhi abtar

itne mein subh ki baji wirdi

duni chehre ki ho gai zardi

hue sabit jo subh ke asar

ho gai aur us ki halat-e-zar

baid ki tarah jism tharraya

sar se le paon tak araq aya

baten karni jo thin so bhul gai

dam laga charhne sans phul gai

boli ghabra ke rahiyo us ke gawah

aur kaha la ala illa allah

ab faqat ye hai khun baha mera

bakhsh dijo kaha suna mera

kah ke wo phir chimat gai ik bar

aur kya khub bhinch bhinch ke pyar

sar se le kar balaen ta ba qadam

boli tum par nisar hote hain ham

ag lag jae wo ghari kambakht

bam par ai thi main kaun se waqt

phir ye boli wo puchh kar ansu

mere sar ki qasam na karhiyo to

azmati thi tujh ko kasti thi

main tire chherne ko hansti thi

mufaraqat

kah ke ye bat ho gai wo sawar

yan bandha ansuon ka ankh se tar

atish-e-gham bharak gai duni

tapish-e-qalb ne ki afzuni

yad ati thi jab wasyyat yar

wahm lata tha dil hazar hazar

thi musibat jo ye bala angez

dhyan ate the kya kya wahshat khez

dil mein kahne ka us ke tha jo malal

ate the zehn mein ajib khayal

kaun rokega ja ke ghar baithe

jo kaha hai wahi na kar baithe

har ghari tha jo iztirab-e-fuzun

chipka rota tha baitha main mahzon

ke utha ek samt se wo ghul

hosh jis se ke ur gae bilkul

shola ik ag ka bharakne laga

misl-e-bismil ke dil tarapne laga

yun to guzre the dopahar rote

aur hathon ke ur gae tote

ho gaya dil ko is tarah ka hiras

ae sau sau tariq ke waswas

kaha ik dost se ke tum ja kar

jald is shor-o-ghul ki lao khabar

rote hain ham se bad nasib koi

mar gaya un ka kya habib koi

yun jo apni ye jan khote hain

kaun hain kis liye ye rote hain

kya hua un pe sadma-e-jan kah

ye jo karte hain aise nala-o-ah

daure akhir idhar mire ahbab

le kar ae khabar wahan se shitab

kiya is tarah a ke mujh se bayan

ke yahan se hai ik qarib makan

bagh ke pas jo bana hai ghar

wan farokash hai ek saudagar

yun to ik shor-e-rah bhar mein hai

par ye afat unhen ke ghar mein hai

saf khulta nahin hai ye asrar

mar gaya koi ya ke hai bimar

par ye hota hai aql se idrak

ke nahin be sabab urate khak

kuchh na kuchh to hai aisi hi rudad

ke ye hai shor-e-nala-o-fariyad

nahin barpa ye be sabab matam

hai nikalta kisi jawan ka dam

har bashar ho raha hai diwana

koi marta hai sahab-e-khana

nahin qabu mein hai kisi ka dil

pitte sar hain sahiban mahal

nahin deta sunai kuchh bilkul

hai faqat ek hae hae ka ghul

thamta ik dam bhi wan kharosh nahin

kis se puchhen kisi mein hosh nahin

rote jis dard se hain wo is dam

dekha jata nahin khuda ki qasam

kah gai thi jo wo ke khaungi zahr

main ye samjha ke ho gaya wahi qahr

go haya se na us ka nam liya

donon hathon se dil ko tham liya

doston ne jo dekhi ye surat

bole is tarah az rah-e-ulfat

hal-e-dil yun tumhara ghair to hai

magar is waqt kya hai khair to hai

be sabab kis liye hue ho udas

ur gae kyun tumhare hosh-o-hawas

kaun si afat a gai is dam

murdani munh pe chha gai is dam

kya hai jo itne be qarar ho ab

koi marjae tum se kya matlab

aisi halat jo bich-o-tab ki hai

tum ko kya wajh iztirab ki hai

shahr mein log roz marte hain

khafqan us ka koi karte hain

fikr karna hai is tarah ki zabun

yunhi ho jata hai bashar majnun

sun ke man bap kya kahenge batao

hosh pakro zara hawas mein ao

tum ko kya hai jo jan khote ho

be sabab ap hi ap rote ho

ho rahe ho malul kis gham se

hal-e-dil ka to kuchh kaho ham se

taana amez doston ke bayan

hue maalum nashtar-e-rag jan

na diya un ko mare gham ke jawab

dhanp kar munh kiya bahana-e-khwab

uth gae dost ashna jis dam

khol kar munh ko chupke uthe ham

hal-e-dil sina mein hua jo tabah

baitha kamre se an kar sar-e-rah

dekha barpa hai ek hashr ka ghul

bhir se band-e-rah hai bilkul

is taraf se jo log ate hain

yahi apas mein kahte jate hain

walidain ka matam

hal un ka bhi jae riqqat hai

dagh aulad ka qayamat hai

noch dale hain sare sar ke bal

kya pareshan hai walidain ka hal

afat-e-taza sar pe hai ai

bik rahe hain misal-e-saudai

dhyan un ki taraf jo jata hai

gham se munh ko kaleja ata hai

jo ke the un mein sahab-e-aulad

hal-e-abtar tha un ka had se ziyad

kahte the kot kar sar-o-sina

kyun na dushwar un ko ho jina

marg aulad ka wo matam hai

ranj-o-gham jis qadar karen kam hai

koi kahta tha kaisi afat hai

naujawan marna bhi qayamat hai

yun to hai az piye zamana marg

na mire par koi jiwana marg

atish-e-gham se dil hua hai kabab

hai tapan misl-e-mahi-e-be ab

chashma jari hai chashm-e-giryan ka

hosh baqi nahin tan-o-jan ka

nahin dam bhar kisi ko wan aram

dekhne wale ro rahe hain tamam

phor dale hain sab ne sar apne

sar-o-pa ki nahin khabar apne

baniye baqal jan khote hain

sare dukan dar rote hain

hal dekha jo main ye uth kar

hal gaya sine mein dil-e-muztar

na rahi tab-e-ranj ke mare

lage tharrane dast-o-pa sare

bahr-e-ulfat ne dil mein mara josh

gir para ho ke khak par be hosh

ishq ki thi jo dil ko bimari

ghash ka alam sa ho gaya tari

do ghari baad phir jo aya hosh

dekha barpa ajab hai josh-o-kharosh

mahbub ka janaza

age age hai kuchh julus-e-rawan

sar khule kuchh hain pichhe pir-o-jawan

sun rasida hain auraten kuchh sath

sina-o-sar pe marti hain hath

koi mama hai koi dai hai

koi ana koi khilai hai

jab wo bharti hain gham se ah-e-sard

sunne walon ke dil mein hota hai dard

hota ghairon ko hai malal un ka

dekha jata nahin hai hal un ka

kuchh bayan aise hote jate hain

raste wale rote jate hain

us ke pichhe pari phir us pe nigah

ke na dekhe bashar maazallah

shamyana naya zari ka hai

niche tabut us pari ka hai

sehra us par bandha hai ik zartar

jaise gulshan ki akhir ho bahar

thi pari us pe ek chadar-e-gul

jis se khushbu nikalti thi bilkul

ud soz age age raushan the

mar gae par bhi lakh joban the

bhir tabut ke thi aisi sath

jaise ae kisi dulhan ki barat

sab waze-o-sharif the hamrah

bhir thi is qadar ke tang thi rah

sath the khwesh-o-aqriba sare

ro rahe the gharib be chare

pichhe pichhe tha sab se saudagar

mu pareshan, udas, khak basar

age age janaza jata tha

ghash use har qadam pe ata tha

hath thame the aqriba sare

ta kisi ja pe sar na de mare

hal is darja ho raha tha zabun

bahta jata tha sar ke zakhm se khun

sab amir-o-faqir rote the

dekh kar rah gir rote the

pichhe sab ke pins mein thi madar

kahti jati thi is tarah ro kar

teri mayyat pe ho gai mein nisar

kam sukhan hae meri ghairat dar

dil pe jo guzri kuchh bayan na ki

kuchh wasyyat bhi meri jan na ki

kuchh nahin man ki ab khabar tum ko

kis ki ye kha gai nazar tum ko

dil zaifi mein mera tor gain

beta is man ko kis pe chhor gain

taza paida jigar pe dagh hua

ghar mira aj be charagh hua

dil ko hathon se koi milta hai

ji sambhale nahin sambhalta hai

zahr de de koi mein kha jaun

ya zamin shaqq ho main sama jaun

dagh tera jigar jalata hai

chand sa mukhra yad ata hai

mit gaya lutf-e-zindagani ka

dil ko gham hai tiri jawani ka

biyah tera rachane pai na main

koi minnat barhane p ai na main

teri surat pe hogai qurban

chalen duniya se kaisi par arman

huin kis bat par khafa bolo

aman wari zara jawab to do

boltin tum nahin pukare se

ab jyungi mein kis sahare se

kya qaza ne jigar pe dagh diya

aj ghar mera be charagh kiya

nikla man bap ka na kuchh arman

hae beta na tum charhen parwan

aisi is man se hogain bezar

li na khidmat bhi par ke kuchh bimar

na jiungi tire firaq mein main

dil tarapta hai ankhen dhundti hain

kis musibat mein par gai beta

kokh meri ujar gai beta

umr katni thi aise sadme mein

thokaren thin likhi burhape mein

sun ke is tarah us ki man ke bain

aur sine mein dil hua be chain

thi wasyyat jo us pari ki yad

sab ke pichhe mein ho liya nashad

go ye taqat na thi ke chalta rah

le chala jazb-e-ishq par hamrah

pichhe un sab ke jo rawan tha main

surat-e-gard-e-karwan tha main

gah tarapta tha surat bismil

baith jata tha gah tham ke dil

jun jun karta tha zabt mein nala

dil hua jata tha tah-o-bala

murgh-e-bismil ki meri surat thi

yan gira wan gira ye halat thi

alarz pahuncha sath un ke wahan

dafn ka us ke tha maqam jahan

qabr khadti jo wan nazar ai

lakh roka pe chashm bhar ai

dekh kar ye jo log rone lage

tukre tukre jigar ke hone lage

taqat-e-zabt gar ye jab na rahi

dil se apne ye main ne bat kahi

kah ke kya mar gai wo jan tujhe

kuchh wasyyat ka bhi hai dhyan tujhe

ho na lillah be qarar itna

zabt kar nala ho sake jitna

dil ko samjha ke ye gaya main wahan

jama sab un ke aqriba the jahan

dil afat zada ko bahla kar

chipka baitha main ik taraf ja kar

ashk ankhon se go na bahte the

log par dekh kar ye kahte the

hal chehre ka aj kaisa hai?

khair to hai mizaj kaisa hai?

lal ankhen hain tamtamae hain gal?

wajh kya hai bayan kijiye hal?

munh pe ik murdani si chhai hai

chehre par chhut rahi hawai hai

bola mein aur kuchh nahin hai bat

shab ko soya nahin main sari rat

us pe paidal jo aya main majbur

rang chehre ka ho gaya kafur

tark-e-adat bhi ik adawat hai

rat ka jagna qayamat hai

dil ka shak un ke sab nikal diya

yahi kah sun ke un ko tal diya

ghul hua itne mein sab ate jaen

fatiha parhte jaen jate jaen

sun ke ye sab gae wahan ahbab

bakhsha parh parh ke fatiha ka sawab

jab ke us se bhi ho gai fursat

ae jitne the ho gae rukhsat

pai tanha jo main ne yar ki qabr

dil ko baqi rahi na taqat-e-sabr

tha jo is shama ro ka parwana

daura kar aya misl-e-diwana

gir para a ke qabr par ik bar

aur rone laga mein zar-o-qatar

na raha tha jo ikhtiyar mein dil

lauta turbat pe surat bismil

mar gai thi jo mujh pe wo gulfam

zindagi ho