زنہار ہمت اپنے سے ہرگز نہ ہاریے

زنہار ہمت اپنے سے ہرگز نہ ہاریے

شیشے میں اس پری کو نہ جب تک اتارئیے

اوضاع ڈھونڈ ڈھاڈ کے یاروں سے سیکھئے

ہوتے نہیں جہان میں ہم سے نیارئیے

اے اشک گرم کر مرے دل کا علاج کچھ

مشہور ہے کہ چوٹ کو پانی سے دہارئے

جو اہل‌ فقر و شاہ کمہارے کے ہیں مرید

پالے ہیں ان سبھوں نے کبوتر کمہارئے

گلنے کی دال یاں نہیں بس خشکہ کھائیے

اے شیخ صاحب آپ نہ شیخی بگھاریے

کل جن کو کھیرے ککڑی کیا کوس کاٹ کر

آج اس پری نے ان کو دیئے نرم آریے

ہو آب میں کدر تو ٹھہر جائیے ٹک ایک

دل میں کدورت آوے تو کیوں کر نتھاریے

ہے کون سی یہ وضع بھلا سوچیے تو آپ

باتیں ادھر کو کیجے ادھر آنکھ ماریے

پوچھے حقیقت ایک نے جو امن راہ کی

تو بولے سر جھکا کے بچا وہ مدارئیے

خطرہ نہ آپ کیجے بس اب خیر شوق سے

سونا اچھالتے ہوئے گھر کو سدھارئے

ہے جو بلند حوصلہ ان کی یہ چال ہے

کیا پھر انہیں بگاڑئے جن کو سنوارئیے

پنڈت جی ہم میں ان میں بھلا کیسے ہونے کے

پوتھی کو اپنے کھولیے کچھ تو بچارئے

انشاؔ کوئی جواب بھی دینا نہیں ہمیں

بانگ جرس کی طرح کہاں تک پکاریے

zinhar himmat apne se hargiz na hariye

shishe mein us pari ko na jab tak utariye

auza dhund dhad ke yaron se sikhiye

hote nahin jahan mein ham se niariye

ai ashk-e-garm kar mire dil ka ilaj kuchh

mashhur hai ke chot ko pani se daariye

jo ahl-e-faqr-o-shah kamhare ke hain murid

pale hain in sabhon ne kabutar kamhariye

galne ki dal yan nahin bas khushka khaiye

ai shaikh sahab ap na shekhi baghariye

kal jin ko khaire kakri kiya kos kat kar

aj us pari ne un ko diye narm ariye

ho ab mein kadar to thahar jaiye tuk ek

dil mein kudurat awe to kyun kar nithariye

hai kaun si ye waza bhala sochiye to ap

baten idhar ko kije idhar ankh mariye

puchhe haqiqat ek ne jo amn rah ki

tu bole sar jhuka ke bacha wo madariye

khatra na ap kije bas ab khair shauq se

sona uchhalte hue ghar ko sidhariye

hai jo buland hausla un ki ye chal hai

kya phir unhen bigariye jin ko sanwariye

pandat ji ham mein un mein bhala kaise hone ke

pothi ko apne kholiye kuchh to bichare

insha koi jawab bhi dena nahin hamen

bang-e-jaras ki tarah kahan tak pukariye