ساقی شراب ہے تو غنیمت ہے اب کی اب

ساقی شراب ہے تو غنیمت ہے اب کی اب

پھر بزم ہوگی جب تو سمجھ لیجو جب کی جب

ساغر کے لب سے پوچھیے اس لب کی لذتیں

کس واسطے کہ خوب سمجھتا ہے لب کی لب

کم فرصتی سے عمر کی اپنی ہزار حیف

جتنی تھیں خواہشیں وہ رہیں دل میں سب کی سب

سن کر وہ کل کی آج نہ ہو کس طرح خفا

اے نا شناس طبع کہی تو نے کب کی کب

پھولا ہوا بدن میں سماتا نہیں نظیرؔ

وہ گل بدن جو پاس رہا اس کے شب کی شب

saqi sharab hai to ghanimat hai ab ki ab

phir bazm hogi jab to samajh lijo jab ki jab

saghar ke lab se puchhiye us lab ki lazzaten

kis waste ke khub samajhta hai lab ki lab

kam fursati se umr ki apni hazar haif

jitni thin khwahishen wo rahen dil mein sab ki sab

sun kar wo kal ki aj na ho kis tarah khafa

ai na shanas taba kahi tu ne kab ki kab

phula hua badan mein samita nahin nazir

wo gul badan jo pas raha us ke shab ki shab