ساقی ظہور صبح و ترشح ہے نور کا

ساقی ظہور صبح و ترشح ہے نور کا

دے مے یہی تو وقت ہے نور و ظہور کا

کوچہ میں اس کے جس کو جگہ مل گئی وہ پھر

مائل ہوا نہ صحن چمن کے سرور کا

یہ گل جو ہم نے ہاتھ پہ کھائے ہیں روبرو

ہم کو یہی ملا ہے تبرک حضور کا

سیماب جس کو کہتے ہیں سیماب یہ نہیں

دل آب ہو گیا ہے کسی ناصبور کا

مے پی کے عاشقی کے خرابات میں نظیرؔ

نے ڈر ہے محتسب کا نہ صدر الصدور کا

saqi zuhur subh-o-tarashshoh hai nur ka

de mai yahi to waqt hai nur-o-zuhur ka

kucha mein us ke jis ko jagah mil gai wo phir

mail hua na sehn-e-chaman ke surur ka

ye gul jo ham ne hath pe khae hain rubaru

ham ko yahi mila hai tabarruk huzur ka

simab jis ko kahte hain simab ye nahin

dil ab ho gaya hai kisi nasabur ka

mai pi ke ashiqi ke kharabat mein nazir

ne dar hai mohtasib ka na sadr alssudur ka