ساقی مجھے خمار ستائے ہے لا شراب

ساقی مجھے خمار ستائے ہے لا شراب

مرتا ہوں تشنگی سے اے ظالم پلا شراب

مدت سے آرزو ہے خدا وہ گھڑی کرے

ہم تم پئیں جو مل کے کہیں ایک جا شراب

مشرب میں تو درست خراباتیوں کے ہے

مذہب میں زاہدوں کے نہیں گر روا شراب

ساقی کے تئیں بلاؤ اٹھا دو طبیب کو

مستوں کے ہے مرض کی جہاں میں دوا شراب

بے روئے یار او مطرب و ابرو بہار و باغ

حاتمؔ کے تئیں کبھی نہ پلائے خدا شراب

saqi mujhe khumar satae hai la sharab

marta hun tishnagi se ai zalim pila sharab

muddat se arzu hai khuda wo ghari kare

ham tum piyen jo mil ke kahin ek ja sharab

mashrab mein to durust kharabatiyon ke hai

mazhab mein zahidon ke nahin gar rawa sharab

saqi ke tain bulao utha do tabib ko

maston ke hai maraz ki jahan mein dawa sharab

be ru-e-yar o mutrib-o-abru bahar-o-bagh

hatim ke tain kabhi na pilae khuda sharab