ساز یہ کینہ ساز کیا جانیں

ساز یہ کینہ ساز کیا جانیں

ناز والے نیاز کیا جانیں

شمع رو آپ گو ہوئے لیکن

لطف سوز و گداز کیا جانیں

کب کسی در کی جبہہ سائی کی

شیخ صاحب نماز کیا جانیں

جو رہ عشق میں قدم رکھیں

وہ نشیب و فراز کیا جانیں

پوچھئے مے کشوں سے لطف شراب

یہ مزا پاکباز کیا جانیں

بلے چتون تری غضب ری نگاہ

کیا کریں گے یہ ناز کیا جانیں

جن کو اپنی خبر نہیں اب تک

وہ مرے دل کا راز کیا جانیں

حضرت خضر جب شہید نہ ہوں

لطف عمر دراز کیا جانیں

جو گزرتے ہیں داغؔ پر صدمے

آپ بندہ نواز کیا جانیں

saz ye kina saz kya janen

naz wale niyaz kya janen

shama ro ap go hue lekin

lutf soz-o-gudaz kya janen

kab kisi dar ki jabha sai ki

shaikh sahab namaz kya janen

jo rah-e-ishq mein qadam rakhen

wo nasheb-o-faraz kya janen

puchhiye mai kashon se lutf-e-sharab

ye maza pakbaz kya janen

bale chitwan tiri ghazab ri nigah

kya karenge ye naz kya janen

jin ko apni khabar nahin ab tak

wo mire dil ka raz kya janen

hazrat-e-khizr jab shahid na hun

lutf umr-e-daraz kya janen

jo guzarte hain dagh par sadme

ap banda nawaz kya janen