ساون کی گھٹا

مسکراتی ہوئی آتی ہے گھٹا ساون کی

جی لبھاتی ہوئی آتی ہے گھٹا ساون کی

گیت کوئل کے پپیہوں کی صدا مور کا شور

گنگناتی ہوئی آتی ہے گھٹا ساون کی

کیوں نہ ہم جولیاں گلزار میں جھولا جھولیں

لہلہاتی ہوئی آتی ہے گھٹا ساون کی

کوہساروں کا خیابانوں کا گلزاروں کا

منہ دھلاتی ہوئی آتی ہے گھٹا ساون کی

موج نکہت سے خدائی مہک اٹھی اخترؔ

پھول اڑاتی ہوئی آتی ہے گھٹا ساون کی

muskurati hui ati hai ghata sawan ki

ji lubhati hui ati hai ghata sawan ki

git koyal ke papihon ki sada mor ka shor

gungunati hui ati hai ghata sawan ki

kyun na ham juliyan gulzar mein jhula jhulen

lahlahati hui ati hai ghata sawan ki

kohsaron ka khiyabanon ka gulzaron ka

munh dhulati hui ati hai ghata sawan ki

mauj-e-nikhat se khudai mahak uthi akhtar

phul urati hui ati hai ghata sawan ki