سب سے چھپتے ہیں چھپیں، مجھ سے تو پردا نہ کریں

سب سے چھپتے ہیں چھپیں، مجھ سے تو پردا نہ کریں

سیرِ گلشن وہ کریں شوق سے ، تنہا نہ کریں

اب تو آتا ہے یہی جی میں کہ اے محو جفا

کچھ بھی ہو جائے مگر تری تمنّا نہ کریں

میں ہوں مجبور تو مجبور کی پرسش ہے ضرور

وہ مسیحا ہیں تو بیمار کو اچھا نہ کریں

دردِ دل اور نہ بڑھ جائے تسلی سے کہیں

آپ اس کام کا زنہار ارادہ نہ کریں

شکوۂ جور تقاضائے کرم عرض وفا

تم جو مل جاؤ کہیں ہم کو تو کیا کیا نہ کریں

نورِ جاں کے لئے کیوں ہو کسی کامل کی تلاش

ہم تری صورت زیبا کا تماشا نہ کریں

حال کھل جائے گا بیتابیِ دل کا حسرت

بار بار آپ انہیں شوق سے دیکھا نہ کریں

sab se chhupte hain chhupen, mujh se to parda na karen

sair-e-gulshan wo karen shauq se, tanha na karen

ab to ata hai yahi ji mein ke ai mahw-e-jafa

kuchh bhi ho jae magar tiri tamanna na karen

main hun majbur to majbur ki pursish hai zarur

wo masiha hain to bimar ko achchha na karen

dard-e-dil aur na barh jae tasalli se kahin

ap is kam ka zinhar irada na karen

shikwa-e-jaur-e-taqaza-e-karam arz-e-wafa

tum jo mil jao kahin ham ko to kya kya na karen

nur-e-jan ke liye kyun ho kisi kamil ki talash

ham tiri surat-e-zeba ka tamasha na karen

hal khul jaega betabi-e-dil ka hasrat

bar bar ap unhen shauq se dekha na karen