رشک عدو میں دیکھو جاں تک گنوا ہی دیں گے

رشک عدو میں دیکھو جاں تک گنوا ہی دیں گے

لو جھوٹ جانتے ہو اک دن دکھا ہی دیں گے

آواز کی طرح سے بیٹھیں گے آج اے جاں

دیکھیں تو آپ کیوں کر ہم کو اٹھا ہی دیں گے

اڑ جاؤں گا جہاں سے عاشق کا رنگ ہو کر

نقش قدم نہیں ہوں جس کو مٹا ہی دیں گے

غیروں کی جستجو کی مدت سے آرزو ہے

یہ یاد وہ نہیں ہے جس کو بھلا ہی دیں گے

شعلے نکل رہے ہیں ہر استخواں سے اپنی

شمعیں یہ وہ نہیں ہیں جس کو بجھا ہی دیں گے

خاموش گفتگو ہیں افسردہ آرزو ہیں

وہ دل نہیں ہمارا جس کو ہنسا ہی دیں گے

اس خاک تک پہنچ کر پھرنا نسیمؔ مشکل

ہوں اشک اوفتادہ کیوں کر اٹھا ہی دیں گے

rashk-e-adu mein dekho jan tak ganwa hi denge

lo jhut jante ho ik din dikha hi denge

awaz ki tarah se baithenge aj ai jan

dekhen to ap kyun kar ham ko utha hi denge

ur jaunga jahan se ashiq ka rang ho kar

naqsh-e-qadam nahin hun jis ko mita hi denge

ghairon ki justuju ki muddat se arzu hai

ye yad wo nahin hai jis ko bhala hi denge

shole nikal rahe hain har ustukhwan se apni

shamen ye wo nahin hain jis ko bujha hi denge

khamosh guftugu hain afsurda arzu hain

wo dil nahin hamara jis ko hansa hi denge

is khak tak pahunch kar phirna nasim-e-mushkil

hun ashk ofatada kyun kar utha hi denge