رنگ جمنے نہ دیا بات کو چلنے نہ دیا

رنگ جمنے نہ دیا بات کو چلنے نہ دیا

کوئی پہلو مرے مطلب کا نکلنے نہ دیا

کچھ سہارا بھی ہمیں روز ازل نے نہ دیا

دل بدلنے نہ دیا بخت بدلنے نہ دیا

کوئی ارماں ترے جلووں نے نکلنے نہ دیا

ہوش آنے نہ دیا غش سے سنبھلنے نہ دیا

چاہتے تھے کہ پیامی کو پتا دیں تیرا

رشک نے نام ترا منہ سے نکلنے نہ دیا

شمع رو میں نے کہا تھا مری ضد سے اس نے

شمع کو بزم میں اپنے کبھی جلنے نہ دیا

rang jamne na diya bat ko chalne na diya

koi pahlu mire matlab ka nikalne na diya

kuchh sahara bhi hamen roz-e-azal ne na diya

dil badalne na diya bakht badalne na diya

koi arman tire jalwon ne nikalne na diya

hosh ane na diya ghash se sambhalne na diya

chahte the ke payami ko pata den tera

rashk ne nam tira munh se nikalne na diya

shama rau main ne kaha tha miri zid se us ne

shama ko bazm main apne kabhi jalne na diya