رقیبوں کو ہم راہ لانا نہ چھوڑا

رقیبوں کو ہم راہ لانا نہ چھوڑا

نہ چھوڑا مرا جی جلانا نہ چھوڑا

بلائیں ہی لے لے کے کاٹی شب وصل

ستم گار نے منہ چھپانا نہ چھوڑا

وہ کہتے ہیں لے اب تو سونے دے مجھ کو

کوئی دل میں ارماں پرانا نہ چھوڑا

وہ سینے سے لپٹے رہے گو شب وصل

دل زار نے تلملانا نہ چھوڑا

محبت کے برتاؤ سب چھوڑ بیٹھے

مگر ہاں ستانا جلانا نہ چھوڑا

raqibon ko ham rah lana na chhora

na chhora mira ji jalana na chhora

balaen hi le le ke kati shab-e-wasl

sitam gar ne munh chhupana na chhora

wo kahte hain le ab to sone de mujh ko

koi dil mein arman purana na chhora

wo sine se lipte rahe go shab-e-wasl

dil-e-zar ne tilmilana na chhora

mohabbat ke bartao sab chhor baithe

magar han satana jalana na chhora