رنگ شراب سے مری نیت بدل گئی

رنگ شراب سے مری نیت بدل گئی

واعظ کی بات رہ گئی ساقی کی چل گئی

طیار تھے نماز پہ ہم سن کے ذکر حور

جلوہ بتوں کا دیکھ کے نیت بدل گئی

مچھلی نے ڈھیل پائی ہے لقمے پہ شاد ہے

صیاد مطمئن ہے کہ کانٹا نگل گئی

چمکا ترا جمال جو محفل میں وقت شام

پروانہ بیقرار ہوا شمع جل گئی

عقبیٰ کی باز پرس کا جاتا رہا خیال

دنیا کی لذتوں میں طبیعت بہل گئی

حسرت بہت ترقیٔ دختر کی تھی انہیں

پردہ جو اٹھ گیا تو وہ آخر نکل گئی

rang-e-sharab se miri niyyat badal gai

waiz ki bat rah gai saqi ki chal gai

tayyar the namaz pe ham sun ke zikr-e-hur

jalwa buton ka dekh ke niyyat badal gai

machhli ne dhil pai hai luqme pe shad hai

sayyad mutmain hai ke kanta nigal gai

chamka tira jamal jo mahfil mein waqt-e-sham

parwana beqarar hua shama jal gai

uqba ki baz pars ka jata raha khayal

duniya ki lazzaton mein tabiat bahal gai

hasrat bahut taraqqi-e-dukhtar ki thi unhen

parda jo uth gaya to wo akhir nikal gai