رنج کی جب گفتگو ہونے لگی

رنج کی جب گفتگو ہونے لگی

آپ سے تم تم سے تو ہونے لگی

چاہیئے پیغام بر دونوں طرف

لطف کیا جب دوبدو ہونے لگی

میری رسوائی کی نوبت آ گئی

ان کی شہرت کو بہ کو ہونے لگی

ہے تری تصویر کتنی بے حجاب

ہر کسی کے رو بہ رو ہونے لگی

غیر کے ہوتے بھلا اے شام وصل

کیوں ہمارے رو بہ رو ہونے لگی

ناامیدی بڑھ گئی ہے اس قدر

آرزو کی آرزو ہونے لگی

اب کے مل کر دیکھیے کیا رنگ ہو

پھر ہماری جستجو ہونے لگی

داغؔ اترائے ہوئے پھرتے ہیں آج

شاید ان کی آبرو ہونے لگی

ranj ki jab guftugu hone lagi

ap se tum tum se to hone lagi

chahiye paigham bar donon taraf

lutf kya jab dobado hone lagi

meri ruswai ki naubat a gai

un ki shohrat ku ba ku hone lagi

hai tiri taswir kitni be hijab

har kisi ke ru ba ro hone lagi

ghair ke hote bhala ai sham-e-wasl

kyun hamare ru ba ro hone lagi

naummidi barh gai hai is qadar

arzu ki arzu hone lagi

ab ke mil kar dekhiye kya rang ho

phir hamari justuju hone lagi

dagh itrae hue phirte hain aj

shayad un ki abru hone lagi