رشک سے غیروں کے جی کھوتے ہیں ہم

رشک سے غیروں کے جی کھوتے ہیں ہم

کیا بروں کی جان کو روتے ہیں ہم

بے خودانہ اپنی ہشیاری رہی

جاگتے ہیں کچھ تو کچھ سوتے ہیں ہم

اپنے گھر رہنے دے کیوں کر حور وش

حضرت آدم ہی کے پوتے ہیں ہم

جاں کنی اپنا ہے کام اے کوہ کن

عشق میں پتھر نہیں ڈھوتے ہیں ہم

داغؔ ہے کس کو میسر درد عشق

رنج ہوتا ہے تو خوش ہوتے ہیں ہم

rashk se ghairon ke ji khote hain ham

kya buron ki jan ko rote hain ham

be khudana apni hushyari rahi

jagte hain kuchh to kuchh sote hain ham

apne ghar rahne de kyun kar hur wash

hazrat-e-adam hi ke paute hain ham

jan kini apna hai kam ai koh kin

ishq mein patthar nahin dhote hain ham

dagh hai kis ko muyassar dard-e-ishq

ranj hota hai to khush hote hain ham