رشتۂ رسم محبت مت توڑ

رشتۂ رسم محبت مت توڑ

توڑ کر دل کو قیامت مت توڑ

کام ناکامی بھی اک کام سہی

توڑ امید کو ہمت مت توڑ

رات فرقت کی پڑی ہے اے دل

ایک ہی نالے میں طاقت مت توڑ

اس کی رحمت کو نہ بے کار سمجھ

مے و میخانے کی نیت مت توڑ

دیکھ اچھی نہیں یہ خر مستی

ساغر بادۂ فرصت مت توڑ

اے دل امید رہائی مت باندھ

اور آفت سر آفت مت توڑ

پوچھ مت لذت مے اے واعظ

جانور دام شریعت مت توڑ

صحن مسجد کو کیے جا پامال

قید آئین طریقت مت توڑ

مے کدہ دیکھ کے جنت کو نہ بھول

حرص سے بند قناعت مت توڑ

اس کا احسان اٹھانا ہے ہمیں

گردن اے بار ندامت مت توڑ

اے قلقؔ بت کدے میں باندھ احرام

ہم سے للہ رفاقت مت توڑ

rishta-e-rasm-e-mohabbat mat tor

tor kar dil ko qayamat mat tor

kam nakami bhi ik kam sahi

tor ummid ko himmat mat tor

rat furqat ki pari hai ai dil

ek hi nale mein taqat mat tor

us ki rahmat ko na be kar samajh

mai-o-maikhane ki niyyat mat tor

dekh achchhi nahin ye khar masti

saghar-e-bada-e-fursat mat tor

ai dil ummid-e-rihai mat bandh

aur afat sar-e-afat mat tor

puchh mat lazzat-e-mai ai waiz

janwar dam shariat mat tor

sehn-e-masjid ko kiye ja pamal

qaid-e-ain-e-tariqat mat tor

mai kada dekh ke jannat ko na bhul

hirs se band-e-qanaat mat tor

us ka ehsan uthana hai hamen

gardan ai bar-e-nadamat mat tor

ai qalaq but kade mein bandh ehram

ham se lillah rifaqat mat tor