راہ راست

جو حق پر ہے ایمان کامل ہمارا

بنا لے گا کیا زور باطل ہمارا

جو ہم متحد ہو کے رہتے وطن میں

نہ تھا کوئی مد مقابل ہمارا

غلامی کی خو بو مسلط ہے ہم پر

دماغ اب ہمارا نہ اب دل ہمارا

رہ راست سے گر قدم ڈگمگایا

نہ ہوگا گزر تا بہ منزل ہمارا

جہاں سینٹ پر سینٹ ہیں اہل عالم

وہاں درجہ فصل ہے نل ہمارا

ہیں آوارۂ دشت مجنوں کی صورت

نہ لیلیٰ ہماری نہ محمل ہمارا

نہ کشتی نہ کشتی کے ملاح اپنے

نہ دریا نہ دریا کا ساحل ہمارا

تعصب نے برباد ہم کو کیا ہے

یہی ہے یہی صرف قاتل ہمارا

وطن پر مسلط ہیں انگریز جب تک

پنپنا یقیناً ہے مشکل ہمارا

jo haq par hai iman-e-kamil hamara

bana lega kya zor-e-batil hamara

jo ham muttahid ho ke rahte watan mein

na tha koi mad-e-muqabil hamara

ghulami ki khu bu musallat hai ham par

dimagh ab hamara na ab dil hamara

rah rast se gar qadam dagmagaya

na hoga guzar ta ba manzil hamara

jahan sent par sent hain ahl-e-alam

wahan darja fasl hai nal hamara

hain awara-e-dasht-e-majnun ki surat

na laila hamari na mahmil hamara

na kashti na kashti ke mallah apne

na dariya na dariya ka sahil hamara

taassub ne barbad ham ko kiya hai

yahi hai yahi sirf-e-qatil hamara

watan par musallat hain angrez jab tak

panapna yaqinan hai mushkil hamara