راہ و رسم خط کتابت ہی سہی

راہ و رسم خط کتابت ہی سہی

گل نہیں تو گل کی نکہت ہی سہی

دل لگی کا کوئی ساماں چاہئے

قحط معنی ہو تو صورت ہی سہی

بے دماغی بندہ پرور اس قدر

آپ کی سب پر حکومت ہی سہی

دوستی کا میں نے کب دعویٰ کیا

دور کی صاحب سلامت ہی سہی

بسکہ ذکرالعیش نصف العیش ہے

یاد ایام فراغت ہی سہی

وقت ملنے کا معین کیجئے

خواہ فردائے قیامت ہی سہی

حسن صورت کا نہ کھا اصلاً فریب

کلک صنعت گر کی صنعت ہی سہی

کچھ نہ کرنا بھی مگر اک کام ہے

گر نہیں صحبت تو عزلت ہی سہی

rah-o-rasm-e-khat kitabat hi sahi

gul nahin to gul ki nikhat hi sahi

dil lagi ka koi saman chahiye

qaht-e-maani ho to surat hi sahi

be dimaghi banda parwar is qadar

ap ki sab par hukumat hi sahi

dosti ka main ne kab daawa kiya

dur ki sahab salamat hi sahi

baske zakralesh nisf alaish hai

yad-e-ayyam-e-faraghat hi sahi

waqt milne ka muin kijiye

khwah farda-e-qayamat hi sahi

husn surat ka na kha aslan fareb

kilk-e-sanat gar ki sanat hi sahi

kuchh na karna bhi magar ik kam hai

gar nahin sohbat to uzlat hi sahi