دیر سے کعبے کو ڈرتے ہوئے ہم جاتے ہیں

دیر سے کعبے کو ڈرتے ہوئے ہم جاتے ہیں

دیکھ لیتا ہے جو کوئی وہیں تھم جاتے ہیں

آپ نے گھر سے نکالا ہمیں ہم جاتے ہیں

پھر نہ آئیں گے کبھی کھا کے قسم جاتے ہیں

بے خطا سر مرے قاصد کا قلم ہوتا ہے

غیر کو تحفہ میں بن بن کے قلم جاتے ہیں

دل کا کیا حال کہوں صبح کو جب اس بت نے

لے کے انگڑائی کہا ناز سے ہم جاتے ہیں

حضرت داغؔ یہ ہے کوچۂ قاتل اٹھیے

جس جگہ بیٹھتے ہیں آپ تو جم جاتے ہیں

der se kaabe ko darte hue ham jate hain

dekh leta hai jo koi wahin tham jate hain

ap ne ghar se nikala hamen ham jate hain

phir na aenge kabhi kha ke qasam jate hain

be khata sar mire qasid ka qalam hota hai

ghair ko tohfa mein ban ban ke qalam jate hain

dil ka kya hal kahun subh ko jab us but ne

le ke angrai kaha naz se ham jate hain

hazrat-e-dagh ye hai kucha-e-qatil uthiye

jis jagah baithte hain ap to jam jate hain