دین وسیاست

کلیِسا کی بُنیاد رُہبانیت تھی

سماتی کہاں اس فقیری میں مِیری

خصومت تھی سُلطانی و راہبی میں

کہ وہ سربلندی ہے یہ سربزیری

سیاست نے مذہب سے پِیچھا چھُٹرایا

چلی کچھ نہ پِیرِ کلیسا کی پیری

ہُوئی دِین و دولت میں جس دم جُدائی

ہوَس کی امیریِ، ہوَس کی وزیری

دُوئی ملک و دِیں کے لیے نامرادی

دوئی چشمِ تہذیب کی نابصیری

یہ اعجاز ہے ایک صحرا نشیں کا

بشیری ہے آئینہ دارِ نذیری!

اسی میں حفاظت ہے انسانیت کی

کہ ہوں ایک جُنیّدی و اردشیری

kalisa ki buniyad rahbaniyat thi

samiti kahan is faqiri mein miri

khusumat thi sultani-o-rahibi mein

ke wo sarbulandi hai ye sarbazeri

siyasat ne mazhab se pichha chhutraya

chali kuchh na pir-e-kalisa ki piri

hui din-o-daulat mein jis dam judai

hawas ki amiri, hawas ki waziri

dui mulk-o-din ke liye namuradi

dui chashm-e-tahzib ki nabasiri

ye ejaz hai ek sahra nashin ka

bashiri hai aina dar-e-naziri!

isi mein hifazat hai insaniyat ki

ke hun ek junyydi-o-uradsheri